• Hits 100FM

Un Tiki di Nos Historia di Nos Baseball 7/7/2020

E storia ki ta aparece originalmente ariba facebook page di sr. Francisco Vrolijk

E prome resultado di un wega di baseball riba nos isla cu nos a logra haya ta for di un articulo cu a sali publica den e corant "The Pan-Aruban" di dia 6 di juli 1929. E corant aki tawata circula den "Lago Colony" pa e trahadonan di e refineria Pan American y tambe pa esnan di e compania di transshipment di Lago. E wega a tuma luga en coneccion cu dia 4 di juli, Independence Day di Merca na "Lone Palm Stadium". Esaki tawata e di dos aña cu e fiesta aki a wordo celebra riba nos isla. E team di e refineria PanAm, maneha pa Jim Bluejacket, a gana e team di e contratista M.W. Kellogg cu score di 5-4. Despues di tawata perdi 3-1 e team di PanAm, despues di un error a rally pa 4 careda den di 7 inning pa bay cu e victoria. E ultimo careda di e wega a wordo anota pa Kellogg den nan ultimo turno na bate pa pone e score final na 5-4.

E numeritonan final tawata: PanAm 5 careda, 7 hit, 0 error Kellogg 4 careda, 11 hit, 1 error Pitcher ganador tawata Tommy Jancosek y e perdedor tawata Jones. E miho bateadornan tawata "Cluck" Clague (PanAm) di 3-3 y Grafft (Kellogg) di 3-2. Esaki no tawata e prome wega riba nos isla pasobra riba e mesun fecha di 4 di juli na 1928 a tuma luga un wega entre e refineria PanAm y e contratista Chicago Bridge riba tereno di Lago. NOTA: E tereno den Lago Colony tawata di e refineria PanAm. Lago su tereno tawata situa panord di Tankfarm na unda mas o menos awendia tin Commandeur Abraham de Veer School.

0 views


Kolibristraat 2, Oranjestad, Aruba
Booking: (297) 583-4100
Studio: (297) 588-6100
Whatsapp: (297) 594-2400
Contact: hits100fm.aruba@hmail.com

 

  • Facebook
  • Instagram
  • Podcast

Follow us
 

Advertise With Us - Radio Spot Production

© Copyright 2020 by Hits 100.9 FM