• Kevin Croes

Titularnan pa awe 9/12/2020

Den Futbol, Champions League

E partido di PSG y Basakshehir ta wordo bandona bou sospecho di un incidente di racismo. Tbt un entrada di defensor di PSG Kimpembe cu a lanta e banki di basakshehir gritando y pidiendo pa un falta y probablemente un carchi geel. E assistente di Bakshehir Pierre Webo ta scucha e referee di Romania bisa e palabranan ‘alu negru’ cu kiermen ‘esun preto’ den e idioma rumana, den su opinion Pierre a merece un carchi cora pa su protesta. Cu e referee tbt tine den un contexto racista, solamente e mes por bisa. Nos tur por conclui si cu reduciendo un persona djis na su color di su cuero, ta ignorante y ta falta di hopi profesionalismo di e referee. Como un referee, cu ta trahando den e nivel di mas halto di futbol Europeo, e hungadornan y staff involvi ta multicultural. E por a puntra e coach di basakshehir ‘con jama bo assistente’, e por a punta na Pierre cu su dede. Pa Pierre, e palabranan uza pa e referee ta wordo interpreta como un insultu racista den frances. Y si bo tin cu splika ‘kico bo eigenlijk tbt kiermen’, kizas ta un bon idea pa no uze y djis haci bo trabow na un manera mas professional.

Manchester United ta perde 3-2 contra RB Leipzig y ta wordo elimina for di champions league. Juventus ta gana Barcelona 3-0, ronaldo ta anota dos penalty y medio campista mericano weston mckennie ta anota un tremendo scissor kick. Ronaldo ta extende su record di 134 gol den champions league. Tempo cu mi tbt un mucha, mi no por a kere e record di 71 gol di delantero legendario Raul un dia lo wordo kibra, Ronaldo tin casi double!


Dortmund ta gana Zenit 2-1 pa ganan grupo, delantero Youssoufa Moukoko ta kibra record y ta bira e hungador mas hoben pa haci su debut den champions league na 16 anja y 18 dia. Lazio y brugge ta tabla 2-2, lazio ta pasa pa siguente buelta. Chelsea y Krasnodar ta tabla 1-1. Dynamo Kyiv ta cualifica pa Europa league ganando Ferencvaros 1-0. Sevilla ta gana Rennes 3-1.


Awe pa 1’or 55

  • PSG y Basakshehir lo resumi nan partido.

  • Ajax lo enfrenta Atalanta.

  • Pa 4’or Bayern lo enfrenta Lokomotiv Moskow.

  • Real Madrid lo enfrenta Borussia Monchengladbach.

  • RB Salzburg lo enfrenta Atletico Madrid.

  • Man City lo enfrenta Marseille.

  • Inter Milan lo enfrenta Shakhtar Donetsk.

  • Olympiakos lo enfrenta Porto.

Den NFL

Ayera nochi Baltimore Ravens ta gana Dallas Cowboys 34-17. Quarterback y MVP di e temporada anterior Lamar Jackson ta bolbe bek den su ekipo despues di hanja covid-19 y ta tira pa 2 touchdown y ta rush pa 94 yarda y anota un touchdown su mes.

Majan anochi pa 9’or y 20 Los Angeles Rams lo enfrenta New England Patriots.


0 views0 comments


Kolibristraat 2, Oranjestad, Aruba
Booking: (297) 583-4100
Studio: (297) 588-6100
Whatsapp: (297) 594-2400
Contact: hits100fm.aruba@hmail.com

 

Follow us
 

  • Facebook
  • Instagram
  • Podcast

Advertise With Us - Radio Spot Production

© Copyright 2020 by Hits 100.9 FM