• Hits 100FM

Proyecto “Talent Identification Program” a sigui den e deporte di BMX



Recientemente e team di Comite Olimpico Arubano a bishita e parke di BMX na Street Wise na San Nicolas unda a pone un dia di prueba pa mucha y hobennan bin demostra nan talento den e deporte di bike cross. Coach nacional Pedro Estaba, atleta elite Shanayah Howell, e ya experencia Brian Elisabeth y e team di Street Wise hunto cu Direccion di Deporte di COA a percura pa e mainta aki. E hobennan mester a haci diferente test, e mayoria tabata ensera e demostracion di nan abilidad y dominio di un bicicleta di bike cross. Mester bisa cu e acohida tabata uno bon unda un cantidad basta grandi di muchanan a bini na e prueba aki cual ta un bon señal.


Aña pasa Comite Olimpico Arubano hunto cu su partnernan a traha riba e identificacion di nos atletanan hoben cu dentro di algun aña lo mester bira cara di nos dushi isla den exterior. E identificacion di nos atletanan hoben a start na nos scolnan basico unda alumnonan di diferente scol na Aruba por a participa na diferente deportenan ofreci den e projecto aki

E proyecto Talent Identification Program lo traha riba un desaroyo riba termino mas largo di nos talentonan cu lo por aspira pa yega na e Weganan Olimpico di 2024 y 2028.

2 views


Kolibristraat 2, Oranjestad, Aruba
Booking: (297) 583-4100
Studio: (297) 588-6100
Whatsapp: (297) 594-2400
Contact: hits100fm.aruba@hmail.com

 

Follow us
 

  • Facebook
  • Instagram
  • Podcast

Advertise With Us - Radio Spot Production

© Copyright 2020 by Hits 100.9 FM