Arte Marcial

Lotto ta felicita Grand Master Chaco Cornelio

19225686_667680660095643_2119374429849545475_n.jpg

Lotto ta felicita Grand Master Chaco Cornelio Hall of Fame y Director di Hall of Fame pa e region Caribe

Recientemente Presidente di Hall of Fame, Grand Master Gerard Robbins a recorda su boardmembers con e conocido ex- dirigente y referee internacional di taekwondo, Grand Master Jose “Chaco” Cornelio a keda eligi den e Hall of Fame World Taekwondo como tambe ta e Director of Hall of Fame pa region Caribe. Esaki sin duda ta e nombracion mas grandi pa un atleta, coach, dirigente of referee di deporte por haya na nivel mundial. E ta un honor di a wordo nombra pa e federacion mundial di taekwondo, WT pa forma parti den e prestigioso Hall of Fame mei mei di tur e grandinan cu a carga e deporte di combate pa asina hopi anja y 2 anja atras e keda eligi como e Director di Hall of Fame Caribe. Anja pasa Grand Master Cornelio tabata nomina pa e federacion mundial di taekwondo, WT pa e categoria Miho Referee Masculino 2017.

Pa taekwondo y Aruba sin duda esaki ta un logro super grandi mirando e magnitud di e deporte den e otro paisnan menciona si nos compara esaki cu Aruba. Un bes mas a keda demostra cu maske nos ta un pais chikito, nos hendenan den deporte ta sobresali tur caminda cu nos bay.

Grand Master Chaco Cornelio a logra masha hopi mes durante di su carera den e deporte di taekwondo, pa menciona nos tin nombra como Ridder in de Orde van Oranje Nassau, Hall of Fame y Referee Olimpico. Tambe Grandmaster Chaco Cornelio para dilanti su imagen den e Museo di Taekwondo na Muju, Sur Korea. Anja pasa December, Grand Master Jose Chaco Cornelio a anuncio su retiro como referee den e circuito internacional di taekwondo.

Lotto kier a manda un palabra di pabien na ex-presidente di ARTBO y referee internacional di taekwondo, Chaco Cornelio.

Chiara Petrocchi y Tiger Taekwondo cu nan medayanan conkista den e Costa Rica Open

Lotto ta felicita Chiara Petrocchi y Tiger Taekwondo cu nan medayanan conkista den e Costa Rica Open

Recientemente e scol di taekwondo, Tiger Taekwondo tabata na Costa Rica unda nan a competi den e Open Taekwondo Championship, un di e mas grandinan den e region di Centro America. Mester bisa cu e scol di tiger Taekwondo bou liderazgo di Teo Rodriguez a sa na haci un tremendo papel den e Open menciona unda nan a atletanan a logra conkista dos medaya di Oro y un medaya di Plata. E delegacion di Tiger Taekwondo a regresa bek Aruba satisfecho y lo sigui traha duro pa e siguiente competencianan cu nan tin plania. E hobennan Daniel Bolonoto medaya di Oro, Keylon Bislip medaya di Oro y Arien De Mey medaya di Plata a haci un tremendo papel den e torneo aki.

40778894_898224830374557_3355968715018469376_o.jpg

Ta bon pa menciona cu na banda di e medayanan conkista pa Tiger Taekwondo, e atleta femenino y alabes prospecto grandi na Aruba den taekwondo, esta Chiara Petrocchi a logra medaya di Oro pa Aruba na Costa Rica den su categoria Junior. E dos anja nan prome e hoben atleta Petrocchi a logra medaya di Brons y Plata.

Lotto semper a kere den e deporte di combate y sigur taekwondo cu sin duda ta un di e deprotenan na Aruba cu mas nan atletanan ta soobresali na nivel internacional. Awor un bes mas nan ta demostra cu nan ta presta y tene Aruba su number grandemente den exterior.

Lotto ta felicita Brazil Taekwondo Stichting cu e medaya conkista

6M7A9355.JPG

Lotto ta felicita Brazil Taekwondo Stichting cu e medaya conkista den e Costa Rica Open

Recientemente e medayista di Oro, Rasheed Lowe a regresa Aruba despues di un tremendo torneo den e Open Taekwondo Championship 2018 na Costa Rica. E hoben Lowe a logra medaya di Oro pa Aruba den e division Cadet ganando tur su peleanan y bringando un torneo sublime y cu determinacion. Rasheed pa hopi anja ta miembro di Stichting BrazilTaekwondo di Sr. Alberto Klaber. E hoben Lowe tabata masha contento cu su triunfo cu sigur no tabata facil mirando tur su peleanan. E la sigui persevera mirando cu cada bez e medaya di oro tabata mas cerca. Na final e la logra e medaya cu tanto e tabata anhela pero e mas principal, e la traha y entrena duro pa yega eynan. E ta masha contento y orguyoso di por a subi e podium cu e bandera di Aruba.

Director di Lotto cu tabata presenta pa ricibi e medayista Lowe a bisa di ta masha contento di por mira cu un bez mas e deporte di taekwondo ta sobresali y saca cara di Aruba den exterior. Segun Sr. Wernet e deporte di Taekwondo ta pone Aruba den “branding” internacional y pesey Lotto tin e compromiso cu deporte y sigur cu e deporte di taekwondo. No mester lubida cu deporte ta sano y ta kita nos muchanan foi caya, e ta produci ganadornan. Ban cuminsa traha hunto na bienestar di deporte, e unico manera pa Aruba sigui triunfa na nivel internacional.

Tres ekipo di taekwondo a biaha pa e Costa Rica Taekwondo Open

D5A_4183.jpg

Tres ekipo di taekwondo a biaha pa e di 11 edicion di e Costa Rica Taekwondo Open.

Diamars merdia, e tres scolnan di taekwondo, Brazil Taekwondo Stichting, Impact Taekwondo Aruba y Tiger Taekwondo a biaha pa San Jose, Costa Rica unda nan lo ta participando na e campeonato di taekwondo mas grandi di Centro America. E Costa Rica Taekwondo Championship ta premira di bira un grandisimo e anja aki atrobe y pa e motibo aki tambe varios atleta di Aruba lo forma parti di e magno evento di taekwondo. E atletanan cu lo midi forza den e XI Costa Rica Taekwondo Open ta Záhyon Klabér, Jourdé Klabér, Rasheed Lowe, Hakeem Lowe, tur di Brazil Taekwondo Stichting. Tambe nos tin e rumannan Nathan Fradl y Maelynn Fradl hunto cu Monica Pimentel di Impact Taekwondo Aruba y Nassip Bislip di Tiger Taekwondo. Pa su majan diaranzon a biaha e atleta Chiara Petrocchi.

Presente na airport nos por a mira presidente di Aruba Taekwondo Bond Dr. Guaicaipuro Jimenez hunto cu director di Fundacion Lotto pa Deporte, Di Stefano Wernet cu den presencia di famia, amigo y conocirnan a hiba palabra deseando henter e delegacion di taekwondo di Aruba tur clase di exito na Costa Rica.

Taekwodistanan femenino Chiara Petrocchi y Monica Pimentel lo competi den e Costa Rica

Taekwodistanan femenino Chiara Petrocchi y Monica Pimentel lo competi den e Costa Rica Taekwondo Championship 2018

Nos dos atletanan elite femenino di taekwondo Monica Pimentel y Chiara Petrocchi ta para pa un otro reto grandi unda fin di luna awor nan lo ta bringando den e Open Championship di Costa Rica cu ta un di e torneonan mas grandi di taekwondo den Centro America. E campeonato aki lo bira e di diez edicion di e Pan American Junior Kyorugi Championship y e Open di Costa Rica. Nos atletanan lo competi den diferente categoria, e atleta Chiara Petrocchi lo competi dos biaha esta den Junior cu ta e edad di 15 - 17 anja como tambe pa prome biaha den e categoria di adulto den e Open aki. E atleta Olimpico Monica Pimentel lo bringa den e categoria Open unda lo topa e mihonan den e competencia G1. Den pasado e atleta Chiara Petrocchi a logra medaya di plata y brons den e Costa Rica Open G1 como Junior.

Nos atletanan di taekwondo lo tin un schedule basta ocupa cu e diferente torneonan di clasificacion mirando cu tin e Weganan Panamericano Lima 2019 sigui pa e Weganan Olimpico Tokyo 2020. E atletanan lo wordo guia pa e coach nacional di taekwondo, Sr. Teofilo Rodriguez. 

Stichting Sportsubsidie Aruba a yuda subsidia e biahe di e atletanan elite di taekwondo, Monica Pimentel y Chiara Petrocchi ta pa Open Championship di Costa Rica.

Campeonato Copa Thomas 2018 den esgrima

6M7A8577.JPG

Campeonato Copa Thomas 2018 den esgrima lo tuma lugar diaranzon awor 27 di juni

Diarazon dia 27 di juni, e federacion di esgrima, Scherm Amateur Bond Aruba (S.A.B.A.) lo organisa e campeonato di Copa Thomas 2018, dedica na e legendario atleta di esgrima Arubano y alabes atleta Olimpico bou di e constelacion Antiyano, Austin Thomas, awe den felis memoria. E inscripcion lo ta 5or di atardi mientras e competencia mes lo inicia pa 6or di atardi na IBISA San Nicolas. E lo bay ta un competencia di “wapen & degen”.

6M7A8597.JPG

Mester bisa cu e atletanan di e tres clubnan di esgrima na Aruba esta Universal Fencing Club, Scherm Club Brazil y Don Bosco Knights ta duna un berdadero espectaculo den e deporte di arte martial. Tin varios prospecto y talento nobo den e deporte di arte martial mientras cada dia e deporte ta crece den atendencia y bira mas popular bou di nos hubentud. Na nivel internacional nos atletanan di sgrima ta prestando den bon forma unda aña pasa Aruba a triunfa den e asina yama Dutch Caribbean Fencing Championship 2017, caminda nos atletanan a logra e mayoria premionan disponibel. Na banda di competencia, e federacion di esgrima ta traha duro riba e conocimento di nan atleta y coachnan door di organisa workshop cu expertonan di exterior unda ta ofrece diferente tayer y traha riba e aspectonan di esgrima. Nan ta enfoca riba e agilidad, reflex, resistencia, habilidadnan basico, drills y mas cu claro con pa anda cu e materiaal di esgrima. Tur esaki sin duda ta yuda e deporte dal un stap na e siguiente nivel.

Stichting Sportsubsidie Aruba a subsidia e campeonato di esgrima Copa Thomas 2018 organisa pa SABA y dedica na e legendario atleta Olimpico Arubano, Austin Thomas, awe den felis memoria.

Kevin Lugo lo competi den e XXXII Senior Pan American Karate Championship

Karate.jpg

Atleta di karate Kevin Lugo lo competi den e XXXII Senior Pan American Karate Championship na Santiago de Chile, Chile.

Recientemente Aruba Karate Bond a manda un representante den e karateka prospecto elite Kevin Lugo hunto cu su coach Alberto Gonzalez Lujan pa representa Aruba den e campeonato ‘XXXII Senior Pan American Karate Championship’. Mester bisa cu durante varios luna, e karateka Kevin Lugo a hiba un preparacion intenso bou guia di coach Anthony Geerman y Alberto Lujan mientras cu e ta cla pa enfrenta e mihor karatekanan den nos continente.

Ya pa algun anja e deporte di karate ta den bon desaroyo na Aruba. E deporte di arte marcial ta bin ta creciendo den forma rapido y cu varios scolnan nobo. Na Aruba tin varios Dojo unda nos muchanan por praktica e deporte di arte marcial aki. Mas cu claro nos atletanan di karate ta explora nan desaroyo y conocimento door di participa na competencianan local y internacional den nos region y continente y mayoria biaha cu exito logrando medaya. Tanto 2016 y 2017 tabata anjanan fructifero pa e deporte di karate unda a haci un bon papel logrando medaya den tantisimo competencianan bishita den nos region y continente, un muestra palpabel cu e deporte ta den un bon desaroyo y direccion corecto. Aruba Karate Bond sin duda ta trahando duro na bienestar di nan atleta, dirigente y miembronan.

Stichting Sportsubsidie Aruba a yuda subsidia e biahe di e karateka Kevin Lugo y coach Alberto Gonzalez Lujan pa representa Aruba den e campeonato ‘XXXII Senior Pan American Karate Championship’ na Santiago de Chile, Chile.

Felicitacion na Tiger Taekwondo Academy cu nan tremendo competencia

D4S_1104.JPG

Lotto ta felicita Tiger Taekwondo Academy cu nan tremendo competencia internacional Tiger Taekwondo Aruba Open 2018.

E organisadornnan di e di 19 edicion di e Tiger Taekwondo Aruba Open 2018, esta Stichting Tiger Taekwondo Aruba, por ta sumamente contento cu nan campeonato den e fin di siman tras di lomba. Varios pais di exterior a hasi acto di presencia na e campeonato di Tiger Taekwondo unda nos por a disfruta di peleanan di nivel haltisimo. Di Surinam por a nota un cantidad grandi di atleta, mescos tambe di Aruba caminda varios scol a bin cu nan miho atletanan y bataya contra esnan di exterior.

Pa nos atletanan local esaki sigur tabata ta un experiencia unico ya cu nan por a midi nan habilidad den e deporte di taekwondo den comparacion cu e otro atletanan di exterior den un evento di taya. E oportunidad aki no tur ora nos atletanan por gosa di dje. Mayoria biaha ta esnan cu ta forma parti di e seleccion nacional so ta bringa den eventonan internacional. Mester bisa cu e pais di Colombia a bin cu nan taekwodistanan elite unda e mayoria ta number uno riba e ranking nacional di nan pais. Nos por a mira cu nos atletanan elite den taekwondo esta Chiara Petrocchi y e atleta Olimpico, Monica Pimentel a duna bon bataya den e categoria femenino. No tin duda cu e publico presente a gosa di combatenan di nivel halto cu mayoria bez den exterior so bo lo haya pa mira.

Na banda di e campeonato a organisa diferente tayer di entrenamento y preparacion fisico di taekwondo pa tur e entrenador y coachnan cu e bishita e campeonato. Un bon iniciativa pa yuda tur e interesadonan hisa e nivel di capacitacion y sinja un poco mas di loke nan sa caba.

Lotto ta contento di por duna su apoyo maximo y aporta na e di 19 edicion di e campeonato internacional di Tiger Taekwondo Aruba Open 2018 organisa pa Stichting Tiger Taekwondo Aruba.Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.