Torneo

US Open Taekwondo Champioship na Las Vegas, Nevada

IMG-20190306-WA0042.jpg

Taekwondistanan Monica Pimentel y Chiara Petrocchi cu bon presentacion den e US Open Taekwondo Champioship na Las Vegas, Nevada.

E dos competencianan US Taekwondo Open 2019 y clasificacion Panamericano Lima 2019 ta riba e programa pa e dos taekwondistanan elite di Aruba esta Monica Pimentel y Chiara Petrocchi. E atleta Chiara Petrocchi lo bringa den e categoria -49kg mientras nos atleta Olimpico, Monica Pimentel lo bringa den e categoria -57kg. Mester bisa cu ambos atleta a duna un presentacion aceptabel den e US Open unda Petrocchi a gana su prome pelea como adulto contra di Brazil pero despues ta perde contra ex-campeon di mundo di Serbia. Pa loke ta Monica Pimentel, Aruba su atleta Olimpico a start bon contra di USA caminda e la gana su prome pelea. Despues un biaha mas Monica a topa cu USA y aki Monica a sa di gana cu score di 7-5. Den e su di 3 combate, Monica a topa cu Zeliha Agris di Turkia kende den pasado tabata campeon mundial, aki Monica ta cay venci y ta keda afor di e torneo. Mester bisa cu por lo general Monica por ta satisfecho cu su prestacion, un pelea mas lo a nifica bringa pa medaya di Brons.

Stichting Sportsubsidie Aruba ta contento di por aporta y brinda e ayudo na e atletanan Monica Pimentel y Chiara Petrocchi pa nan participacion den e US Taekwondo Open Championship . Alabes ta felicita ambos atleta pa nan presentacion den e US Open.

Frederick Sydow a competi den e ITF Panama La Vieja Bowl na Panama City

tennis (3).jpg

Recientemente e tenista Frederick Sydow a hunga un torneo internacional di tennis esaki na Panama den e ITF Panama La Vieja Bowl. E superficie tabata clay court mientras e nivel di e torneo lo ta un grade 5. Mester bisa cu e hoben Frederick Sydow a conoce un bon torneo di tennis na Panama unda e la hunga e weganan singles y doubles. Den su prome encuentro den e prome rond, e hoben Sydow ta gana Armstrong di Virgen Island cu e score di 6/1 y 6/2. Den doubles cu su partner Crespo Piedra di Costa Rica nan ta gana e prome wega di e dou Elizondo(Mex) y Younan(Can) cu e score di 6/3 y 6/3. Den e weganan kwart final, Sydow y Crespo Piedra ta perde di e duo Murillo(Per) y Vargas(Ecu) cu e score di 6/4 y 7/6(4). Den e di dos rind den sigles, Sydow ta enfrenta Maldonado di Ecuador unda e ta perde den tres set 1/6, 6/1 y 6/1. 

Stichting Sportsubsidie Aruba ta contento di por aporta y brinda e ayudo necesario na e federacion di tennis pa e participacion di Frederick Sydow na e torneo e ITF Panama La Vieja Bowl. Stichting Sportsubsidie Aruba a yuda subsidia e biahe di e tenista Sydow pa Panama.

Aruba lo competi den e ITF II edicion Copa Pura Vida

Atletanan di tennis Frederick Sydow y Kayla Solagnier lo competi den e ITF II edicion Copa Pura Vida na Costa Rica.

tennis (1).jpg
tennis (3).jpg

E ultimo torneonan internacional di tennis den nos region lo tuma lugar den e simannan benidero unda Aruba tambe lo forma parti. Mester bisa cu pa e torneo e ITF II edicion Copa Pura Vida na Costa Rica, Aruba a registra dos tenista talentoso. Nos ta referi na e hobennnan Kayla Solagnier y Frederick Sydow, dos tenista super experencia pa loke ta torneonan internacional den nos region. Na dicho torneo ambos tenista lo topa e mihornan hoben tenistanan den nos region y continente. E torneo Copa Pura Vida lo ta un torneo grado 4. Na banda di e torneo na Costa Rica, tin un otro torneo internacional di tennis na cual e tenista Frederick Sydow lo participa, esaki na Panama den e ITF Panama La Vieja Bowl cu lo tuma lugar di 26 di november te cu 1 di december proximo. E superficie lo ta clay court mientras e nivel di e torneo lo ta un grade 5.

Lotto, e loteria di Aruba pa medio di Stichting Sportsubsidie Aruba a yuda subsidia e delegacion di tennis pa e torneo e ITF II edicion Copa Pura Vida na Costa Rica.

Federacion di tennis di mesa a tene nan torneo di ranking

5b6ea843-acb2-4cd7-9a34-66edd61af3c1.jpg

E sistema di ranking ta uno hopi importante pa e federacion di tennis di mesa, esta Aruba Table Tennis Association unda hungadornan tin cu lucha cada torneo pa keda halto den puntuacion y posicion pa asina e representacion den exterior por ta mas cu bisto na fabor di esnan cu ta sobresali. Den e ultimo añanan por a ripara cu esaki a yuda masha hopi unda e atletanan ta hasi nan maximo esfuerso pa matene of mehora nan nivel pa asina duna un miho bataya na nan contrincantenan mas sercano pa a lo largo bira e number uno den nan categoria. E competencia aki sin duda ta uno sano y e mayoria ta haya e oportunidad pa midi nan nivel den exterior esaki den torneonan renombra den region y continente. Aruba Table Tennis Association lo sigui hasi nan maximo esfuerso pa cumpli cu nan atletanan organisando torneonan individual y team esaki tanto na Santa Cruz y San Nicolas.

E torneo di ranking ta cana segun schedule unda nos a haya den e categoria U-18 un prome lugar ta wordo ocupa pa Jeandry Mathilda, e di dos lugar pa Chingho Chung y e di tres lugar pa Johnatan Paredes. Den e categoria A Klas, Mario Lobo a keda na prome lugar mientras Andy Gomes a keda na di dos lugar y Jeandry Mathilda a keda na di tres lugar. Den e categoria B Klas, nos ta haya na prome lugar James Letren, na di dos lugar a keda Franklin Lopes mientras na di tres lugar a termina Wing Chow Leong.

Mester bisa cu e ranking ta e penultimo torneo di aña. Otro siman lo inicia e torneo di mas importante di aña pa clausura e temporada 2018 di tennis di mesa ora cu e hungadornan lo bataya pa e premio maximo den e Copa Aruba.

Stichting Sportsubsidie Aruba ta contento di por aporta y brinda e ayudo necesario na e federacion di tennis di mesa pa cu nan campeonato di ranking 2018. Stichting Sportsubsidie Aruba a yuda subsidia e campeonato di tennis di mesa den su totalidad.

Aruba a logra un bon papel den e torneo internacional di ahedres

Aruba a logra un bon papel den e torneo internacional di ahedres “Aruba Chess Challenge 2018”

Siman pasa Aruba tabata anfitrion di e torneo anual di ahedres, Aruba Chess Challenge 2018. Ya pa varios anja e federacion di ahedres ta organisa dicho torneo cu ta conta cu un elenco internacional renombra den nos region. E torneo tabata tin un duración di 4 dia y a tuma lugar den e edificio di Simar na Sabana Blanco. E aña aki e torneo a wordo hunga den 3 grupo cual tabata U12, U18 y Open. Mester bisa cu tur aña e Aruba Chess Challange ta conoce participacion internacional. E biaha aki esaki no tabata diferente unda hungadornan di e pais Surnam, Venezuela, y hasta Russia a bini Aruba y participa na e torneo aki. Un total di 42 participante a competi di e Aruba Chess Challange 2018.

Pa loke ta e prestacion di nos hungadornan local mester bisa cu e hobencita Thamara Sagastegui a triunfa den e categorianan U12 y U18 unda e ta logra un prome lugar, unda un total di 26 hungador a competi. Sin duda esaki tabata un tremendo logro di e hobencita Sagastegui. Na banda di e logro di Tamara, tabata tin mas hungador a resalta manera Nathan Croes cu a gana e premio pa e mihor hungador bou di 16 aña, mientras Juan Keanu Vrolijk a logra e premio pa e mihor hungador bou di 14 aña. Den e categoría Open, Jose (Chelo) Pesqueira a caba na di 4 lugar y Brian Diaz a termina na di cinco lugar. E premio pa e hungador local cu a presta mihor a bay pa Jose (Chelo) Pesqueira. E prome lugar den Open a bay pa e Rusiano, Vitaliy Kiselev cu a gana tur su weganan hunga. Pabien na tur e ganadornan.

Lotto, e loteria di Aruba pa medio di Stichting Sportsubsidie Aruba a yuda subsidia e torneo anual di ahedres, Aruba Chess Challenge 2018 organisa pa e federacion di ahedres Arubano.

Lotto, e loteria di Aruba tin diferente wega; Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e weganan di Raspa y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.

Exitoso torneo di softball Copa Noord 2018 organisa pa Tanki Leendert Giants

6320d612-97b9-455d-9e33-69de9bee3a61.jpg

Copa Noord ta drentando den su ultimo siman caminda nos ta haya e gran final di e torneo diasabra y domingo awor cu e round robin y e gran final na Centro di Bario Noord, e cas di Copa Noord 2018. Pa mas di 21 anja ta organisa e Famoso Copa Noord, unda e organisacion di softball Tanki Leendert Giants a haya e honor pa ta e ekipo anfitrion. Cu un total di 9 team, e Copa Noord 2018 a ranca sali, pero lamentablemente un ekipo a cay afor y a keda 8 ekipo. Den transcurso di e simannan, e ekipo faborito esta Calabas Blue Jays a domina e torneo invicto cu varios wega gana, sigui pa Royal Power cu a scirbi e torneo aki 7 biaha riba su nomber. E final di Copa Noord lo culmina su di 6 siman, unda diasabra y diadomingo awor e ekiponan lo topa otro pa di ultimo biaha na Centro di Bario Noord.

914209dc-00ac-4351-a6d3-d6a5acdfb6a3.jpg

Dirigente di Tanki Leendert Giants, Sr. Eugene Helder Sr a conta un poco di un di e torneonan di softball mas popular riba nos isla.

“E torneo riba su mes ta bayendo hopi bon unda e biaha aki e ekipo di softball Tanki Leendert Giants a haya e oportunidad pa organisa esaki. Un total di 9 ekipo den e bario di Noord a inicia na e torneo pa cual sigir e organisadornan ta hopi contento. E asistencia di e fanaticada ta aceptabel unda cada ekipo ta trece nan hendenan pa apoya mientras mas serca yega na e gran final mas hende lo asisti na e torneo di softball mas conoci y exitoso na Aruba. Den nomber di Tanki Leendert Giants nos kier a yama un danki na Lotto pa Deporte y Sr. Wernet cu a deposita nan confiansa den e torneo y mesora a mustra interes pa yuda patrosina e 21 edicion di e Copa Noord y sigur tambe na tur e otro sponsernan cu a yuda”, asina Sr Helder a bisa den un entrevista teni cu su persona”.

Anja pasa e ekipo di Kudawecha Redskins a bira campeon di Copa Noord 2017. Ken e lo ta e anja aki? Pasa tereno di Centro di Bario Noord y disfruta di e gran final di Copa Noord 2018 organisa pa Tanki Leendert Giants.

Lotto tey pa yuda tur deporte, sigur esun di softball. Deporte ta trece amistad, union i paz.

Sigi cumpra Lotto, Lotto a hasi hopi cumprado nan na Aruba millionario.

Lotto semper a paga su cumprado nan mesora, no kere den storia di indian cu Lotto no por paga.

Pueblo cumprado, please usa boso common sense!

Federacion di tennis di mesa a tene nan torneo di ranking september

4c25e30d-2d5c-4b25-814b-d046520cda45.jpg

E sistema di ranking ta uno hopi importante pa e federacion di tennis di mesa, unda nan hungadornan tin cu lucha cada torneo pa keda cu e puntuacion y posicion maximo pa asina e representacion den exterior por ta mas grandi. Den e ultimo añanan esaki a yuda mirando cu cada hungador ta haci nan maximo esfuerzo pa keda den top. E competencia nan a bira mas fuerte y pareu mientras e bishita den exterior y e intercambionan cu entre otro Venezuela y Corsow sin duda a yuda nos hungadornan bira cada bes mas mihor. Cu e torneo di ranking como tambe torneo di team, Aruba Table Tennis lo sigui cana den e direccion corecto pa e bon desaroyo di e deporte na Aruba.

E torneo di ranking ta cana segun schedule unda nos a haya den e categoria u18 un prome lugar ta wordo ocupa pa Jeandry Mathilda, e di dos lugar pa Chingho Chung y e di tres lugar pa Jean Claude Hoek. Den e categoria A klas, e prome lugar a bay pa Mario Lobo mientras Jeandry Mathilda a keda na di 2 lugar y Andy Gomes a keda na di tres lugar. Mester bisa cu nos hobennan tambe a hunga e torneo di ranking. Den B klas e prome lugar a bay pa Fabio Marcotulli, na di dos lugar a keda Jean Claude Hoek y na di tres lugar a keda Jame Letren y Franklin Lopes. Den U15 tambe nos a haya un algun wega super interesante, aki e prome lugar a bay pa Mikayla Mathilda, e di dos lugar a bay pa Bob Chung y e di tres lugar a bay pa Josielinne Boekhoudt y di cuater lugar pa Renoir Rojas. Den e ranking u11, e prome lugar a bay pa Shaun Kock, na di dos lugar a keda Dylan Deleca y na di tres lugar a keda Ethan Fan.

Stichting Sportsubsidie Aruba tambe a yuda subsidia e torneo di ranking den e deporte di tennis di mesa organisa pa Aruba Table Tennis Association.

Federacion di Tenis a tene nan torneo di ranking U10

Tennis (19).jpg

Federacion di Tenis a tene nan torneo di ranking U10 Gatorade National Youth Ranking

Diasabra y diadomingo ultimo, Aruba Lawn Tennis Bond a tene nan torneo di ranking dden e categoria U10 esaki riba e canchanan di Costa Linda Beach Resort. E weganan tabata den single y doubles. Hunga den e sistema di ranking semper ta bon mirando cu cada hungador lo haci nan maximo esfuerzo pa keda den e mihor posicion posibel. Cada bez esaki lo duna extra motivacion pa sigui presta y trata na mantene e posicion fiho. Pa esnan cu ta den un puesto mas abou esakinan lo mester bringa mas duro pa subi den posicion y trata na yega e number mas halto. Atende tur torneo ta hopi importante pa keda acumula punto pa na final e puntuacion dunabo e satisfaccion mereci.

Aruba Lawn Tennis Bond nan ranking den U10 ta como lo siguiente

Boys Singles U10

  1. Nishentel Meyers

  2. Kishan Rua

Girls Singles U10

  1. Mali Baroud

  2. Zoë Specker

Mixed Doubles U10

  1. Nishentel Meyers / Kishan Rua

  2. Mali Baroud / Andrew Cabarcas

Stichting Sportsubsidie Aruba tambe a yuda subsidia e torneo di ranking den e deporte di tenis organisa pa Aruba Lawn Tennis Bond.