Torneo

Biyar internacional, unda Aruba lo ta cede pa ABC 9 Ball Challenge 2019

abc.jpg

Biyar internacional e dianan 27,28 & 29 di september, unda Aruba lo ta cede pa ABC 9 Ball Challenge 2019.

Un total di 32 hungador a inscribi nan mes pa participa na e evento grandi aki.

E bataya lo ta fuerte entre e mihor hungadornan di biyar di Aruba, Corsowny Boneiro. Entre e hungadornan nos tin Martin Appeldoorn, e campeon di anja 2018 como tambe Gunnar Leonardo, e sub campeon di 2018.

Na banda di e dos hungadornan aki nos tin Patrick Henriquez, Jorge Petrocchi, Marlon Tromp, Ransley Tromp, Jason Kock, Allan van Aanholt, Emil Kock, Joshua Ras, Angelo Tromp, Fredly Tromp, Buchi Maduro, Jorzinho Everon, Richard Wolff, Herbert Burne, Roukos Tannory, Aaron Franken, Elvis Evertsz, Wilfred Tromp, Ryan Rampersaud, Juan Ridderstap, Marc Farro, Karl Vervuurt, Jeandric Martinus, Isidri Noor, Tico de Freitas, Jeffrey Nieuwenhuizen, Sybrrn Boekhoudt, Bryan Farah, Shamir Tremus, Rahil Moenir.

Mester bisa cu diabierna, e wega nan ta cuminsa pa 8or di anochi mientras diasabra, e wega nan ta cuminsa pa 3or di atardi. Diadomingo wega nan ta cuminsa pa 3or di atardi y final lo ta rond di 8or di anochi. E lugar lo ta TT Billiards & Sports Bar situa na Tanki Leender 265 (esaki na di 2 piso Wendys).

Stichting Sportsubsidie Aruba ta contento di por aporta y brinda e ayudo na e federacion di biyar, FEBIAR cu a organisa un torneo internacional di 9 ball entre e mihor hungadornan di biyar di Aruba, Corsow y Boneiro.

Kyra Hoevertsz y Abigail de Veer a keda na di 8 lugar overall

67623076_10156143086717027_4852953023141380096_o.jpg

Kyra Hoevertsz y Abigail de Veer a keda na di 8 lugar overall den e Weganan Panamericano LIMA 2019.

E duet di landamento artistico a landa awe diaranzon nan rutina liber unda nan a saca un puntuahe di 75.0333. E duet di Aruba a haya pa nan ehecucion 22.2000, pa impresion artistica 30.1333 y pa dificultad 22.7000.

Mester bisa cu e puntuahe di rutina tecnico landa diamars y e landa di rutina liber landa awe diaranzon a wordo conta hunto cu a saca un total di 148.1481 pa Aruba bon pa un di 8 lugar overall di 12 pais participante. Diamars Aruba tabata posiciona na di 7 lugar pero diaranzon e pais di Chile a pasa Aruba unda nan a haya un punto mas halto den e rutina liber.

Pa Kyra y Abigail e Weganan Panamericano 2019 a yega su final. Pa casi un aña e duet di Aruba a prepara nan mes pa diferente competencia cu a culmina aki na Peru cu a Weganan Panamericano celebra na e ciudad di Lima, Peru.

Bolichero Thashaina Seraus no ta logra pasa pa e gran final di bowling

68341330_10156139023467027_3218321833589735424_o.jpg

Bolichero Thashaina Seraus no ta logra pasa pa e gran final di bowling y ta keda un puesto cortico pa hunga pa e medaya Panamericano.

Aruba lo mester keda warda un tiki mas riba su prome medaya Pan Americano mirando cu nos bolichero elite Thashaina Seraus no a logra finalisa entre e prome cuater lugarnan den e Weganan Panamericano LIMA 2019.

E atleta Seraus a inicia su e dia na di 4 lugar prome cu e round robin aki. Mester bisa cu Thashaina su wega awe no tabata esun di mas fuerte den e torneo aki unda e la tira 4 wega bou di 200, cual sigur a hunga un factor grandi pa e clasificacion final. Apesar cu Thashaina a gana 4 di su shete weganan hunga unda e pa acumula 80 punto extra.

Resumiendo su weganan:

Thashaina Seraus a hunga su prome wega contra di Mexico, Iliana Lomeli unda Thashaina a sali victorioso den su prome wega cu 184 y a gana 20 bonus extra pa 204.

Den su dos wega Thashaina ta enfrenta Clara Guerrero di Colombia. Aki Tashaina no a logra gana y ta keda cu 192 punto.

Den su di tres wega Thashaina ta hunga contra Shannon O Keefe di Merca unda Thashaina ta perde unda e ta tira 207.

Den e di cuater wega Thashaina ta gana Aumy Guerra unda e ta tira un bes 207 y ta haya 20 bonus punt

Den e di cinco wega Thashaina ta hunga contra Maria Rodriguez di Colombia y aki Thashaina ta gana esaki cu un tirando un 254 y ta haya 20 bonus punt pa un total di 274.

Den di seis wega Thashaina ta hunga contra di Aseret Zetter di Mexico unda ta Thashaina ta perde su wega tirando un score di 192.

Den wega shete, Thashaina ta hunga contra di Sofia Granda di Guatemala y aki Thashaina ta gana su wega tirando un 179 mas 20 bonus punt pa 199 punto. Aki Thashaina ta gana pa 1 pin for di Guatemala.

Den e di ocho wega Thashaina mester a tira su so un wega completo pa mira e tablero final. Aki Thashaina ta tira un 247 punto.

Den e puntuacion final Thashaina Seraus ta logra punto 4354 y ta keda na di 5 overall. Thashaina a keda 43 pin cortico cu e di 4 lugar. E prome 4 clasificadonan 2 di Colombia y 2 di Mexico ta bay e gran final di bowling na Lima.

Asina tambe bowling a yega su final pa e delegacion di Aruba den e Weganan Panamericano LIMA 2019!

Taekwondista Stuart Smit no a logra pasa e siguiente buelta

67562702_10156138557742027_4130001549235585024_o.jpg

Taekwondista Stuart Smit no a logra pasa e siguiente buelta den e Panamericano Lima 2019.

E taekwondista Stuart Smit no a logra sorprende e medayista di Brons di e Weganan Olimpico di RIO 2016, e Brasilero, Maicon De Andrade. Smit no a haya un loting faborabel den e Panamericano aki mirando e status di e contricante Brasilero. Asina mes Smit a purba na wanta y haci todo lo posibel pa duna un bon bataya. E prome rond a caba 6 - 1 pa Brasil. Den e di dos y di tres rond e Brasilero a mustra superior unda e la finalisa e combate 19 - 6 na su fabor. E atleta Smit a wordo guia pa coach nacional Teofilo Rodriguez.

Philip Elhage a caba na di 15 lugar

67574329_10156136372317027_3371320053415804928_n.jpg

Philip Elhage a caba na di 15 lugar den e competencia di Air Pistol 10m den e Panam Games LIMA 2019

Riba e di tres dia di competencia, e atleta di tiro, Philip Elhage a mira accion den e Weganan Panamericano LIMA 2019. E atleta Elhage a competi den e 10m airpistol contra 32 competidor di e continente America. Notable ta cu mayoria pais tin dos competidor den e Panamericano aki. Den e prome buelta Philip mester a tira un total di 60 tiro parti den 6 rond di 10 tiro.

Den e rond number uno Philip a keda na 21 lugar, den di dos na di 28 lugar, den di tres na di 20 lugar, den di cuater na di 21, den di cinco na di 16 lugar, y den seis na di 15 lugar. Su puntuacion total tabata 564. Philip a hera e cut di clasificacion pa e buelta final pa 4 punto. Den e resultado overall Philip a caba na di 15 lugar overall

Cu e resultado aki Philip no a logra clasifica pa e buelta final unda e mihor 8 competidor so lo competi pa un medaya Panamericano.

67305471_10156136372287027_7765604980622360576_n.jpg

Pa Philip ta di dos biaha e ta logra e cut di puntuahe pa e Weganan Olimpico di Tokyo 2020 cual ta 563. Pa su persona e acomulacion di punto pa e ranking mundial cual ta conta tambe pa e clasificacion Olimpico ta importante.

E di 33 edicion di e Torneo internacional di tennis, TIHTA lo ta fin di Juni na Aruba

tennis (38).JPG

Cada aña den e di tres siman di Juni nos dushi isla tin e honor di host un di e torneonan di deporte mas prestigioso organisa na Aruba esta e TITHA Tennis Tournament. Pa Aruba Lawn Tennis Bond esaki lo ta e di 33 edicion cu e torneo di tennis TIHTA lo ser organisa na Aruba. Manera cada anja ta e custumber, e participacion di tanto nos tenistanan local y tambe esnan cu lo bishita Aruba lo ta grandi. Lo wordo hunga den e categorianan di 10 pa 18 anja.

Torneo Internacional di Tennis Hubenil Aruba ta uno reconoci y supervisa door di e federacion mundial di tennis International Tennis Federation y porcierto e unico torneo na Aruba unda tur hungador participando por acumula punto pa loke ta a ranking di COTECC, cual ta e ranking oficial di America Central y Caribe pa esnan di 14 aña of menos. E otro categoria cual ta esun bou di 18 aña lo por acumula punto pa e ITF ranking.

E competencia internacional di tennis lo tuma lugar riba e canchanan di Aruba Raquet Club. E paisnan bishitante lo ta hoben tenistanan for di tur parti mundo manera Trinidad & Tobago, Venezuela, Colombia, Surinam, Brasil, Polonia, China, Japon, Australia, Merca,Russia, Bahamas,  Barbados y nos tenistanan di Aruba.

Stichting Sportsubsidie Aruba ta contento di por aporta y brinda e ayudo na e federacion di tennis, A.L.T.B pa asina nan por organisa e torneo internacional di tennis TIHTA 2019 na Aruba.

US Open Taekwondo Champioship na Las Vegas, Nevada

IMG-20190306-WA0042.jpg

Taekwondistanan Monica Pimentel y Chiara Petrocchi cu bon presentacion den e US Open Taekwondo Champioship na Las Vegas, Nevada.

E dos competencianan US Taekwondo Open 2019 y clasificacion Panamericano Lima 2019 ta riba e programa pa e dos taekwondistanan elite di Aruba esta Monica Pimentel y Chiara Petrocchi. E atleta Chiara Petrocchi lo bringa den e categoria -49kg mientras nos atleta Olimpico, Monica Pimentel lo bringa den e categoria -57kg. Mester bisa cu ambos atleta a duna un presentacion aceptabel den e US Open unda Petrocchi a gana su prome pelea como adulto contra di Brazil pero despues ta perde contra ex-campeon di mundo di Serbia. Pa loke ta Monica Pimentel, Aruba su atleta Olimpico a start bon contra di USA caminda e la gana su prome pelea. Despues un biaha mas Monica a topa cu USA y aki Monica a sa di gana cu score di 7-5. Den e su di 3 combate, Monica a topa cu Zeliha Agris di Turkia kende den pasado tabata campeon mundial, aki Monica ta cay venci y ta keda afor di e torneo. Mester bisa cu por lo general Monica por ta satisfecho cu su prestacion, un pelea mas lo a nifica bringa pa medaya di Brons.

Stichting Sportsubsidie Aruba ta contento di por aporta y brinda e ayudo na e atletanan Monica Pimentel y Chiara Petrocchi pa nan participacion den e US Taekwondo Open Championship . Alabes ta felicita ambos atleta pa nan presentacion den e US Open.

Frederick Sydow a competi den e ITF Panama La Vieja Bowl na Panama City

tennis (3).jpg

Recientemente e tenista Frederick Sydow a hunga un torneo internacional di tennis esaki na Panama den e ITF Panama La Vieja Bowl. E superficie tabata clay court mientras e nivel di e torneo lo ta un grade 5. Mester bisa cu e hoben Frederick Sydow a conoce un bon torneo di tennis na Panama unda e la hunga e weganan singles y doubles. Den su prome encuentro den e prome rond, e hoben Sydow ta gana Armstrong di Virgen Island cu e score di 6/1 y 6/2. Den doubles cu su partner Crespo Piedra di Costa Rica nan ta gana e prome wega di e dou Elizondo(Mex) y Younan(Can) cu e score di 6/3 y 6/3. Den e weganan kwart final, Sydow y Crespo Piedra ta perde di e duo Murillo(Per) y Vargas(Ecu) cu e score di 6/4 y 7/6(4). Den e di dos rind den sigles, Sydow ta enfrenta Maldonado di Ecuador unda e ta perde den tres set 1/6, 6/1 y 6/1. 

Stichting Sportsubsidie Aruba ta contento di por aporta y brinda e ayudo necesario na e federacion di tennis pa e participacion di Frederick Sydow na e torneo e ITF Panama La Vieja Bowl. Stichting Sportsubsidie Aruba a yuda subsidia e biahe di e tenista Sydow pa Panama.