Panama

Delegacion di Tang Soo Do a gana varios medaya

12ad32bc-7bed-46a5-a11a-3e98e239f1cb.jpg

Delegacion di Tang Soo Do a gana varios medaya den e 17th Regional Championship di World Tang Soo Do Association na Panama

Diamars 9 di juli un delegacion di Aruba Tang Soo Do Federation y Gihae Tang Soo do Studio a sali pa un competencia 17th Regional Championship di World Tang Soo Do Association na Panama bou guia di Master Melissa Noguera. E campeonato ta wordo organisa dor di Region #18 Centroamericano y di caribe di WTSDA.  Tabatin varios pais compitiendo incluyendo Costa rica, Panama Puerto rico, Mexico, Merca y Aruba. Cu un total di 200 participante. E nomber di atletanan representado den e seleccion di  Aruba tabata Jaileen Tromp 1st Dan, Shanro Thomas 1st Dan, Joshua Paimino 2nd Dan y Gilberto Boerleider 3rd Dan. Cu solamenre 16 participante Aruba A logra un total di 21 medaya di oro, 11 medaya di zilver, 4 medaya di bronza, 4 grandchampion den faha di color, Grandchampion Junior Male Black Belt Division, Grandchampion Senior Male Black Belt Division

Stichting Sportsubsidie Aruba ta contento di por aporta y brinda e ayudo na e federacion di Aruba Tang So Doo Federation pa asina nan por a competi den e 17th Regional Championship di World Tang Soo Do Association na Panama.

Frederick Sydow a competi den e ITF Panama La Vieja Bowl na Panama City

tennis (3).jpg

Recientemente e tenista Frederick Sydow a hunga un torneo internacional di tennis esaki na Panama den e ITF Panama La Vieja Bowl. E superficie tabata clay court mientras e nivel di e torneo lo ta un grade 5. Mester bisa cu e hoben Frederick Sydow a conoce un bon torneo di tennis na Panama unda e la hunga e weganan singles y doubles. Den su prome encuentro den e prome rond, e hoben Sydow ta gana Armstrong di Virgen Island cu e score di 6/1 y 6/2. Den doubles cu su partner Crespo Piedra di Costa Rica nan ta gana e prome wega di e dou Elizondo(Mex) y Younan(Can) cu e score di 6/3 y 6/3. Den e weganan kwart final, Sydow y Crespo Piedra ta perde di e duo Murillo(Per) y Vargas(Ecu) cu e score di 6/4 y 7/6(4). Den e di dos rind den sigles, Sydow ta enfrenta Maldonado di Ecuador unda e ta perde den tres set 1/6, 6/1 y 6/1. 

Stichting Sportsubsidie Aruba ta contento di por aporta y brinda e ayudo necesario na e federacion di tennis pa e participacion di Frederick Sydow na e torneo e ITF Panama La Vieja Bowl. Stichting Sportsubsidie Aruba a yuda subsidia e biahe di e tenista Sydow pa Panama.

Atletanan di gimnasia artistica a biaha pa e Central-America Junior Gymnastics Championship

Amika y Kim.jpg

Amika Every y Kim de Vries a biaha pa e VIII Central-America Junior Gymnastics Championship na Panama.

E dos atletanan prospecto di gymnasia artistica Amika Every y Kim de Vries a biaha pa e ciudad di Panama City unda den e weekend benidero nan lo competi den e asina yama VIII Central-America Junior Gymnastics Championship. E atleta Amika Every lo competi den e categoria 12 aña y lo debuta den e categoria Junior (13-15 years), mientras Kim de Vries lo competi den e categoria 16 aña. Na e competencia aki varios pais lo ta presente cu nan prospectonan manera El Salvador, Guatemala, Nicaragua, Honduras, Panama y Mexico.  E competencianan lo ta den e Megapolis Convention Centre unda diasabra awor Amika y Kim lo mira accion.

Despues cu algun anja atras e deporte di gimnasia a haya e oportunidad di competi na nivel regional por a mira claramente cu Aruba tin un bon nivel di desaroyo den e deporte Olimpico. Asina a cuminsa concentra pa bira mas competitivo mientras nos e diferente seleccionnan di gimnasia artistica a cuminsa atende camponan di entrenamento como tambe campeonatonan di nivel den nos region y continente. Den e anja 2018, e seleccion di gymnasia artistica a atende un campo di entrenamento na Republica Dominicana cu a conta cu entrenadornan na nivel Olimpico y aki nos gimnastanan a acapara e atencion. Durante e vacacion escolar na juli/augustus nos seleccion di gimnasia pa un temporada largo a atende un otro campo di entrenamento na Medellin, Colombia y a competi tambe na e Campeonato Suramericano Gimnasia Artistica nivel USAG na Cali, Colombia.

Awor dos di e atletanan formando parti di e seleccion nacional esta every y De Vries lo competi na e junior championship na Panama. Hunto cu e dos atletanan a biaha coach Jimmy Palma como tambe Milly Bagheri cu ta presidente di e federacion di gymnasia Arubano.

Lotto, e loteria di Aruba pa medio di Stichting Sportsubsidie Aruba a yuda subsidia e biahe di e delegacion di gimnasia artistica pa e VIII Central-America Junior Gymnastics Championship.

Un felicitacion na e seleccion di artistic swimming cu nan dos medayanan

Artistic Sw.jpg

Lotto ta felicita e seleccion di artistic swimming cu nan dos medayanan conkista y nan clasficacion pa e Weganan CAC

Un medaya di Plata y un medaya di Brons mas un clasificacion pa e Weganan Centro Americano y Del Caribe tabata e resultado final pa Team ARUBA den Artistic Swimming na Panama. Sin duda esaki tabata un bunita regalo pa Aruba anto net riba nos Dia Nacional, Himno y Bandera. Den e fin di siman tras di lomba, e seleccion nacional di artistic swimming tabata tin un compromiso super grandi na Panama ora nan mester a bay landa e competencia clasificatorio pa e weganan mas importante pa Aruba den region esta e Centro Americano y Del Caribe e aña aki celebraden luna di juli/augustus na e ciudad di Barranquilla, Colombia.

Mester bisa cu riba e prome dia e atletanan Abigail de Veer y Anastasia van Daal a percura pa un sorpresa grandisimo na Panama den Duet Free ora nan ta logra gana medaya di Plata pa Aruba. Den e compentencia aki e duet di Aruba a keda dilanti di paisnan grandi manera Cuba, Puerto Rico, El Salvador, Guatamala, Panama, Costa Rica, Santo Domingo y Curacao, solamente Venezuela a termina dilanti Aruba. Pa su mañan den e competencia di team Aruba a logra un di tres lugar y e medaya di Brons den e competencia di free tras di Mexico y Venezuela. Apesar cu nos delegacion tabata super jong tog nos damitanan a sa na demostra corahe y determinacion pa logra e clasificacion pa Barranquilla. Durante un temporada largo, e seleccion a entrena duro tin biaha dos bes pa dia y awe esaki a paga cu un otro logro. E seleccion di artistic swimming awor ta bay prepara mas mihor ainda pa e Weganan CAC Barranquilla 2018 den luna di juli/augustus.

Lotto, e loteria di Aruba cu ta kere fielmente den nos atletanan y e trabou di nos federacionnan deportivo kier a manda un palabra di pabien na nos seleccion di artistic swimming, entenadora Alva Torres Gomez, AZB y mayornan cu e logro unico aki.

Seleccion di Artisitic Swimming a biaha pa un competencia clasificatorio Panama

Artistic Swimming.jpg

Diaranzon atardi seleccion di Artistic Swimming a sali pa Panama unda nan lo participa na e unico competencia clasificatorio pa e Weganan Centro Americano y del Caribe Barranquilla 2018.

Mester bisa cu Aruba a biaha cu un seleccion relativamente hoben combina cu algun landado ya experencia. Nan lo competi den ekipo contra e miho paisnan den America Central y esnan den nos region, mientras cu e atletanan Van Daal, Albertsz y de Veer lo bin na remarke pa landa e competencia di duet. No obstante di e edad hoben di seleccion, nan a prepara nan mes debidamente pa e competencia aki y lo hasi nan maximo esfuerzo pa logra e obhetivo poni. Entrenadora Alva Torres lo dirigi e seleccion.

Na aña 2014 den e Weganan CAC na Veracruz, Mexico nos damitanan a logra un di 4 lugar den ekipo y a keda net pafor di e medaya di brons. Den duet si Aruba a conkista e medaya di brons danki na e duet Eman y Hoevertsz. Awor a traha riba un base nobo y nos damitanan ta cla pa demostra pakiko Aruba ta un di esnan miho den Caribe den e deporte di Artistic Swimming. Hopi exito na e seleccion di artistic swimming y ohala nan logra e clasificacion pa Barranquilla, Colombia.

Stichting Sportsubsidie Aruba ta subsidia e biahe di e delegacion di artistic swimming cu a bay un competencia clasificatorio pa e Weganan Centro Americano y Del Caribe Barranquilla, Colombia.

Delegacion di ahedrez lo participa den e Festival Centroamericana y del Caribe na Panama

E dianan 10 – 15 augustus lo tuma lugar na e ciudad di Panama, e Festival Centro Americano y Del Caribe den e deporte di ahedrez. Aruba tambe lo ta presente cu un seleccion di hobennan den e deporte aki. Nos muchanan lo competi den diferente categoria di U8 te cu U16. E hobencitaSylvi Cabral di apenas 6 aña di edad lo haci su debut internacional pa Aruba unda e lo competi den e categoria U8. Tambe nos lo tin den e categoria U-12 Femenino, e hungador Lesley Cielo cu a conoce un tremendo anja 2017 den e deporte di ahedrez logrando varios bon conkista mescos tambe ta conta pa Thamara Sagastegui. Den e categoria U14, Aruba ta conta cu e hungador Ilya Stetsenkocu tambe a conoce un bon anja 2017 hunto cu AydenDirksz, EthanCroeze y Kyell-Jean Antonio. 

Den e categoria U-16, Aruba lo ta fuertemente representa cu Brian Diaz kende tin varios experiencia den e competencianan internacional, hunto cu Diaz lo compti tambe Eldrick Donata kende a hasi su comeback den e deporte despues di tabata allgun tempo ausente.

Mester bisa cu e atletanan Sylvi Cabral, Leslie Cielo, Ilya Stetsenko y Brian Diaz a haya subsidio pa e torneo aki. Cu e delegacion lo biaha coach/entrendador Raymundo Dijkhoff mientras lider di delegacion lo ta Octavio Croes.

Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e atletanan Sylvi Cabral, Leslie Cielo, Ilya Stetsenko y Brian Diaz pa e Festival Centro Americano y Del Caribe den e deporte di ahedrez.

Aruba ta cla pa competi den e Central American and Caribbean Amateur Swimming Confederation

Aruba su seleccion di landamento sincronisa ta cla pa competi den e Central American and Caribbean Amateur Swimming Confederation na Trinidad & Tobago

E dianan 27 di juni pa 3 di juli, Aruba su seleccion den e deporte di landamento sincronisa lo ta na e pasi di Trinidad & Tobago unda nan lo competi den e campeonato grandi esta e Central American and Caribbean Amateur Swimming Confederation, CCCAN. Paisnan participante na e torneo aki hunto cu Aruba lo ta Barbados, Cuba, Corsow, Guadelope, Guatemala, Jamaica, Panama, Mexico y Republica Dominicana. Mester bisa cu nos atletanan di synchro locompeti den e categorianan di Solo, Duet y Team y esaki den diferente categoria di edad. E seleccion cu lo representa Aruba den e competencia di CCCAN ta den e categoria 12and under nos tin Avigayle Tromp (solo, Duet, Team), Mikayla Morales Sequera (Duet y Team), Ariana Dijkhuizen (team), Abigail Sanchez Peña (team), Ambar Silva(team), Zahira Varis (team) y Edianne Croes(team). Den e categoria 13-15 anja nos tin Kainah Croes (solo y duet) y Meghan Tromp (solo y Duet). Por ultimo den e edad di 16-18 anja Abigail de Veer (solo y duet) y Maryjane Wong (duet). E atletanan lo wordo acompaña pa coaches Alva y Yamisleidy, mientras e lider di delegacion lo ta Natascha de Veer y Juez, Memita Gomez.

Despues di a duna un bunita presentacion den e campeonato di seniors, nos delegacion di landamento sincronisa ta cla pa desmotra e miho di nan mas den e campeonato di CCCAN na Trinidad y Togabo.

Un danki sigur na Lotto, e Loteria di Aruba pa medio di Comision di Subsidio cu a subsidia e biahe di nos atletanan di landamento sincronisa pa e campeonato Central American and Caribbean Amateur Swimming Confederation na Trinidad and Tobago.