Muay Thai

Bruniel Kruythoff cu su dos titulonan conkista na Mexico

Stichting Sportsubsidie Aruba ta felicita e atleta di Muay Thai Boxing, Bruniel Kruythoff cu su dos titulonan conkista na Mexico.

Recientemente e atleta di Muay Thai, Bruniel Kruythoff a bringa pa dos titulo grandi den e evento di Top Combat na e ciudad di Monterey, Mexico. E contrincante tabata un campeon mexicano Edgar "Dinamita" Cruz. Mester bisa cu Bruniel a haci un tremendo papel den e evento aki unda e la gana e mexicano Cruz pa decision unanime y asina logra e titulo mundial y e faha como e campeon nacional di Mexico den e categoria ey. E atleta Kruythoff no ta desconoci pa su prestacion den e deporte di Muay Thai, asina cu algun tempo atras, Bruniel tabata tin dos tremendo actuacion na Colombia y na Thailandia den e campeonato mundial y Panamericano. E atleta Kruythoff guia pa e conocido Roony Boye y su yiu Rygell Boye, a logra conkista e medaya di Oro den e Panamericano di Muay Thai y despues un di 3 lugar den mundial na Thailandia. Awo Bruniel ta sigui riba e bon racha unda e ta logra dos titulo di taya pa Aruba.

Mas cu claro Lotto, e loteria di Aruba pa medio di Stichting Sportsubsidie Aruba ta sigui contribui den nos atletanan cu ta defende e bon nomber y e honor di nos dushi isla den exterior. E hoben atleta Bruniel Kruythoff sigur ta un di e atletanan aki. Pabien Bruniel, y e staf di coach pa e dos tremendo logronan aki.

Lotto, e loteria di Aruba tin diferente wega; Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e weganan di Raspa y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.

Delegacion di MuayThai boxing a regresa Aruba hopi contento

Muaythai (1).jpg

Diabierna anochi, e delegacion den e deporte di MuayThai boxing a regresa Aruba for di Hulanda. Dos siman atras e delegacion di Aruba a bringa den e di 15 edicion di e campeonato mundial di MauyThai na Thailand unda e atletanan Bruniel Kruythoff y Clayton Raven ta logra triunfa cu medaya di Brons den un competencia di nivel halto.

Den un combersacion sosteni cu e medayistanan Kruythoff y Raven nan ta conta nos cu e peleanan a bay miho cu nan mes a spera. Aunke cu esakinan tabata tras di otro nan a sa na duna bon bataya y demostra cu na Aruba tambe nos por bringa e deporte di arte marcial. Apesar cu mester a adapta na e orario di 11 ora di diferencia esaki no a stroba e dos pugilnan hoben di lucha pa un medaya. A lo largo tur dos a logra un di tres lugar pa Aruba.

Pa tanto Raven y Kruythoff e nivel tabata halto pero mirando e forma con nan a bringa esaki a cay den bista di promotornan na Thailand. Hasta a haya un invitacion pa regresa bek Thailand pa un otro torneo grandi. Awor tur dos lo concentra riba e Panamericano di MuayThai cual lo tuma lugar dentro di algun luna. Tur dos atleta lo kier prepara nan mes debidamente pa e competencia aki.

Muaythai (2).jpg

Lotto, e loteria di Aruba ta masha contento di por a brinda e oportunidad na nos atletanan di MuayThai boxing pa explora nan talento den un campeonato mundial den e deporte na un pais leu di Aruba. E experencia cu cada un di e atletanan a haya sigur ta uno grandi y no tin duda cu nan lo a sinja hopi di esaki. Bringa den un competencia na nivel mundial y logra conkista dos medaya di Brons ta bisa algo di e nivel di nos atletanan di Muaythai boxing. Lotto tey pa cambia bida di nos atletanan na nivel international. Lotto ta hopi orgulloso di e logro di e delegacion aki na Thailand. Un pabien grandi di Lotto na e atletanan Bruniel Kruythoff y Clayton Raven.

Felicitacion pa Clayton Raven y Bruniel Kruythoff

Lotto ta felicita Clayton Raven y Bruniel Kruythoff cu nan dos medayanan di brons conkista den 15th World Championship Mauy Thai Boxing na Thailand

Oranjestad, Aruba 20 di maart 2018. Sin duda un hazaña ta loke e atletanan Clayton Raven y Bruniel Kruythoff a logra durante di e 15th World Muay Thai Championship na e pais oriente Thailand. E dos atletanan di Aruba contra tur expectativa ta logra conkista medaya di Brons pa Aruba den un competencia mundial super pisa. Esaki sigur tabata un tremendo noticia mirando cu e no tabata facil bringa den un competencia di nivel masha halto mes unda e miho atletanan di Muay Thai a bini hunto pa e premio maximo. E delegacion di Aruba bou guia di Ronny Boye a lucha duro y a sa na bay cu dos medaya den e 15TH WORLD MUAYTHAI CHAMPIONSHIP. E dos premionan aki ta un otro tremendo logro pa e deporte Aruba y mas cu claro pa e atletanan Raven y Kruythoff. Awor portanan lo habri y Aruba lo ta den miras pa e resto di mundo den e deporte di Mauy Thay. Un palabra di pabien na henter e delegacion cu leu foi cas a laga cada Arubiano sinti nan mes orguyoso di nos atletanan cu a logra un branding international.

Lotto, e loteria di Aruba cu ta kere fielmente den e trabou duro di nos atletanan local sin lubida di nos federacionnan deportivo kier a manda un palabra di pabien na henter e delegacion di MuayThai bou guia di sr. Ronny Boye y sigur na e atletanan Clayton Raven y Bruniel Kruythoff kendenan a logra conkista medaya di brons durante di e 15th World Muaythai Championship na e pais oriente Thailand. Deporte ta trece union, hunto pa Aruba.

Delegacion di Aruba di Muay Thai Kickboxing a sali pa e Amateur Pro-am WMF World championship na Thailand

6M7A0943.jpg

Delegacion di Aruba di Muay Thai Kickboxing a sali pa e Amateur Pro-am WMF World championship na Thailand

Un soño lo bira realidad pa varios di nos hobennan cu ta prakticando e deporte di Muay Thai Kickboxing mirando cu e oportunidad unico a presenta di competi den un campeonato mundial di taya na e pais di origen di e deporte di arte marcial Muay Thai esta Thailand. E atletanan tin varios luna ta entrenando duro pa e campeonato aki y mas cu claro nan tur loke kier saca cara di nos dushi isla den exterior. E atletanan cu lo representa Aruba ta Rygell Boye, Clayton Raven Bruniel Kruythoff y Arthur la Moria. Tambe lo tin un referee di Aruba pa prome biaha den un evento mundial den persona di Devon Hodge.

Director di St. Fundacion Lotto pa Deporte, Sr. Di Stefano Wernet a desea e delegacion di Mauy Thai Kickboxing tur clase di exito. E ta contento cu Lotto por a duna nan sosten na e delegacion y awor mirando e pais cu lo bishita esaki sin duda lo ta un bon propaganda pa Aruba. Por ultimo Sr. Wernet a usa un quote di e conocido catcher di Yankees, Yogie Berra kende a bisa: "Baseball is ninety percent mental and the other half is physical" cu otro palabra ta mentalmente nos mester ta duro y e resto lo bini dimes.

Doyo Boye su representante Sr. Ronny Boye tambe a dirigi su mes na e atletanan unda e la bisa cu tur hende a traha bon duro pa e momento aki. Ta hopi sacrificio y tempo esaki a tuma durante un temporada relativamente grandi. Aruba ta bay pa gana pero claro nos mester duna bataya y si no perde ta mescos nos a gana paso nos ta siña di tur loke nos hasi y pa otro biaha hasi eski mas mihor ainda. E la yama un danki na Lotto y Sr. Di Stefano Wernet kende den pasado tabata su alumno y awor e rolnan ta otro y ta haya tur dia conseho con pa hasi cosnan mihor den e parti organisatorio.