Mexico

J-rick Maduro a competi den e NACAC U18 Championship 2019

Atleta J-rick Maduro a competi den e NACAC U18 Championship 2019 na Queretaro, Mexico

Recientemente e hoben atleta di coremento, J-rick Maduro di 16 anja a competi den e campeonato di atletismo organisa pa e North America, Central America and Caribbean Athletic Association(NACAC). J-rick a competi den e categoria U18, unda e hoben atleta di coremento a competi den e 1500m y 3000m. Mester bisa cu J-rick a logra un di 7 lugar den e 1500m y un di 5 lugar den e 3000m, cual ta un bon prestacion. Hunto cu J-Rick a biaha coach Kenneth Lucas.

Stichting Sportsubsidie Aruba ta contento di por aporta y brinda e ayudo na e federacion di atletismo, AFF pa asina nan atleta J-rick Maduro por a competi den e NACAC U18 Championship na Queretaro, Mexico.

Bruniel Kruythoff cu su dos titulonan conkista na Mexico

Stichting Sportsubsidie Aruba ta felicita e atleta di Muay Thai Boxing, Bruniel Kruythoff cu su dos titulonan conkista na Mexico.

Recientemente e atleta di Muay Thai, Bruniel Kruythoff a bringa pa dos titulo grandi den e evento di Top Combat na e ciudad di Monterey, Mexico. E contrincante tabata un campeon mexicano Edgar "Dinamita" Cruz. Mester bisa cu Bruniel a haci un tremendo papel den e evento aki unda e la gana e mexicano Cruz pa decision unanime y asina logra e titulo mundial y e faha como e campeon nacional di Mexico den e categoria ey. E atleta Kruythoff no ta desconoci pa su prestacion den e deporte di Muay Thai, asina cu algun tempo atras, Bruniel tabata tin dos tremendo actuacion na Colombia y na Thailandia den e campeonato mundial y Panamericano. E atleta Kruythoff guia pa e conocido Roony Boye y su yiu Rygell Boye, a logra conkista e medaya di Oro den e Panamericano di Muay Thai y despues un di 3 lugar den mundial na Thailandia. Awo Bruniel ta sigui riba e bon racha unda e ta logra dos titulo di taya pa Aruba.

Mas cu claro Lotto, e loteria di Aruba pa medio di Stichting Sportsubsidie Aruba ta sigui contribui den nos atletanan cu ta defende e bon nomber y e honor di nos dushi isla den exterior. E hoben atleta Bruniel Kruythoff sigur ta un di e atletanan aki. Pabien Bruniel, y e staf di coach pa e dos tremendo logronan aki.

Lotto, e loteria di Aruba tin diferente wega; Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e weganan di Raspa y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.

Seleccion di baseball U12 di ABBA ta cla pa competi den e Campeonato Panamericano

56c36382-3d13-4e2e-a4ef-80529825a672.jpg

Seleccion di baseball U12 di ABBA ta cla pa competi den e Campeonato Panamericano U-12 Pre-Mundial na Aguascalientes, Mexico

Aruba su seleccion U12 di baseball ta den pleno preparacion pa un torneo grandi na Mexico. Dentro di algun dia nos muchanan lo ta biahando pa e torneo Panamericano Pre-Mundial di baseball unda dia 25 di augustus proximo Aruba lo hunga nan prome wega contra di Venezuela. Aruba ta den poule B hunto Mexico, Republica Dominicana, Nicaragua, Argentina y Venezuela.

Un total di 4 ekipo lo representa e continente America den e Mundial di Baseball U12 cu lo tuma lugar na Puerto Rico. Aruba su seleccion ta consisti di e 17 hungadornan cu ta Yandel Gill, Clayton den Boef, Jomar Ortiz, Jeden Leon, Joenelly Vd Linden, Narvin Meyer, Jedion Farro,   Clarence Noguera, Jayron Kelly, Riangelo Richardson, Rayshaun Werleman, Juan Ramada, Dijeandrick Wernet, Antoine Piña, Michel Corniel, Jaden Kock y Shaqion vd Biezen. E seleccion lo ta bou encargo di manager Ludwin Dabian ayuda pa coachnan Jason Orman, Richard Simon y Greg Croes. Un palabra di exito na nos seleccion di baseball U12.

Aruba su baseball sin duda ta destacando den gran forma mirando cu algun siman atras nos muchanan di baseball Junior League a logra titula campeon Latino Americano di baseball mientras nan a haya e oportunidad di representa e continente Latino America den e Serie Mundial di Baseball Junior League na Taylor, Michigan. Sin duda e comunidad completo a biba cu e bunita momento aki.

Stichting Sportsubsidie Aruba a yuda subsidia e biahe di e seleccion di baseball U12 pa e Campeonato Panamericano U-12 Pre-Mundial na Aguascalientes, Mexico.

Lotto, e loteria di Aruba tin diferente wega; Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e weganan di Raspa y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

Miembro di ARBAS, Alexander Biesum lo atende congreso di Pabcon na Monterrey, Mexico

E aña aki, e federacion di bowling Arubano, ARBAS lo atende e congrerso di Pabcon cu lo tuma lugar na Monterrey, Mexico. E congreso anual di Pabconta cay pareu cu e campeonato Panamericano Juvenil de Boliche Sub 16/21 den cual Aruba tambe ta participa. Miembro di e federacion di ARBAS, sr. Alexander Biesum lo asisti na dicho congreso cu cada 4 aña ta wordo yama segun regla. Cada congreso ta importante pa atende mirando cu lo trata diferente topico riba principalmente e desaroyo di e deporte di bowling pa loke ta e continente America. Pa un continuacion positivo cu lo yuda na engrandece e desaroyo di e deporte den su totalidad unda lo adapta y fortifica reglanan pa hasi e bowling mas mihor riba tur tereno. Tambe lo tin eleccion pa miembronan nobo cu lo tin e oportunidad di traha pa e deporte di bowling den e confederacion.

Lotto, e loteria di Aruba no solamente ta aporta na e desaroyo di nos atleta y entrenadonanpero tambe na e participacion di nos dirigentenan na congresonan importante organisa pa nan representatenan mundialmente. Pa nos dirigentenan deportivo e ta di suma importancia pa keda na altanto di e ultimo desaroyo y posibel cambionan rond di e maneho di e deporte door di e conferacion encuestion. 

Un danki sigur na Lotto, e Loteria di Aruba pa medio di Comision di Subsidio cu a subsidia e biahe di miembro di e ARBAS pa e Congresodi Pabconna Monterrey, Mexico.

Delegacion di bowling lo competi den e Panamericano Juvenil de Boliche Sub 16/21 na Monterrey, Mexico

Bowling.jpg

Diabierna ultimo un delegacion den e deporte di bowling a sali pa e ciudad di Monterrey, Mexico unda nan lo competi den e Panamericano Juvenil de Boliche Sub 16/21 cu ta cay bou di e Panamerican Bowling Confederation(PABCON). Den e torneo aki Aruba lo wordo representa pa un ekipo femenino y masculino cu ta varia den edad. Nos atletanan den e categoria Sub 21 lo ta e hungadornan Elias Halabi, Renald Thiel, Yannick Roos y Kaelan Roos. Nos representantenan femenino y masculino den e Sub16 ta Raina Halabi, Xyqienne Leonardo, Jared Felipa y Ian Tromp.  E delegacion lo ser acompaña pa coach Alexander Biesum, un coach experencia den e deporte di bowling mientras como delegado lo biaha Mary Geerman. Mester bisa cu na Mexico un total di 16 pais lo competi den e Zona America. 

E deporte di bowling na Aruba sigur ta den un bon desaroyo. Algun luna atras nos bolicheronan a logra un tremendo papel den un torneo renombra na Fort Lauderdale, Merca unda nan a sa na logra bon resultadonan pa Aruba. Es mas recientemente e hungador Elias Halabi a logra gana un torneo di bowling na Macau, Taiwan. Sin duda e logro aki por wordo considera como uno historico mirando cu ta paprome bes un atleta di Aruba ta logra triunfa den un torneo di bowling den e continente Asiatico.

Un danki sigur na Lotto, e Loteria di Aruba pa medio di Comision di Subsidio cu a yuda subsidia e biahe di e delegacion hubenil di bowling cu lo representa Aruba den e Panamericano Juvenil de Boliche Sub 16/21 na Monterrey, Mexico.

Aruba ta cla pa competi den e Central American and Caribbean Amateur Swimming Confederation

Aruba su seleccion di landamento sincronisa ta cla pa competi den e Central American and Caribbean Amateur Swimming Confederation na Trinidad & Tobago

E dianan 27 di juni pa 3 di juli, Aruba su seleccion den e deporte di landamento sincronisa lo ta na e pasi di Trinidad & Tobago unda nan lo competi den e campeonato grandi esta e Central American and Caribbean Amateur Swimming Confederation, CCCAN. Paisnan participante na e torneo aki hunto cu Aruba lo ta Barbados, Cuba, Corsow, Guadelope, Guatemala, Jamaica, Panama, Mexico y Republica Dominicana. Mester bisa cu nos atletanan di synchro locompeti den e categorianan di Solo, Duet y Team y esaki den diferente categoria di edad. E seleccion cu lo representa Aruba den e competencia di CCCAN ta den e categoria 12and under nos tin Avigayle Tromp (solo, Duet, Team), Mikayla Morales Sequera (Duet y Team), Ariana Dijkhuizen (team), Abigail Sanchez Peña (team), Ambar Silva(team), Zahira Varis (team) y Edianne Croes(team). Den e categoria 13-15 anja nos tin Kainah Croes (solo y duet) y Meghan Tromp (solo y Duet). Por ultimo den e edad di 16-18 anja Abigail de Veer (solo y duet) y Maryjane Wong (duet). E atletanan lo wordo acompaña pa coaches Alva y Yamisleidy, mientras e lider di delegacion lo ta Natascha de Veer y Juez, Memita Gomez.

Despues di a duna un bunita presentacion den e campeonato di seniors, nos delegacion di landamento sincronisa ta cla pa desmotra e miho di nan mas den e campeonato di CCCAN na Trinidad y Togabo.

Un danki sigur na Lotto, e Loteria di Aruba pa medio di Comision di Subsidio cu a subsidia e biahe di nos atletanan di landamento sincronisa pa e campeonato Central American and Caribbean Amateur Swimming Confederation na Trinidad and Tobago.