Landamento

Mas di 40 mucha y hoben a participa na e Guardian Group Kids Off-road Aquathlon

Kids (3).jpg

Diadomingo ultimo, un total di 40 mucha a participa na e prome evento di Aruba Triathlon Association pa loke ta e calendario despues di e vacacion escolar. Nos muchanan tabata entusiasma pa e prome evento cu tabata un Kids Off-road Aquathlon y claro cada uno a haci nan maximo esfuerso pa logra un bon tempo final. E muchanan mester a core un distancia corrtico pa despues landa un pacour den lama y finalisa e mesun recorido na pia pa caba e careda. Den e resultadonan di e diferente categorianan a premia Kids 5 – 6 anja, 7 – 8 anja, 9 – 10 anja, 11 – 12 anja y 13 – 14 anja. Den e Kids female 5-6 nos tin Gabriela Mas 1st. Den e Kids Female 7-8 nos tin Zivah Croes 1st, Ariella Werleman 2nd, Luna Mas 3rd, den e Kids Female 9-10 nos tin Giovanna Wernet 1st. Den e Kids Female 11-12 nos tin Amy-Laine Kick 1st, Elizabeth Sotelo 2nd, y Nathalie Ferrer 3rd, den e Kids Female 13-14 nos tin Vera-Elise Bakmeyer 1st, Rebecca Jansen 2nd, y Vashty Lispier 3rd. Den e Kids Male 9-10, Dylan Giel 1st, Ejay Geerman 2nd y Zachary Coffie 3rd, den e Kids Male 11-12 nos tin Christiaan Jansen 1st, Qyon Peterson 2nd, y Gregory Wernet 3rd. Den e Kids Male 13-14, Justin Morales 1st, Zaïr Croes 2nd, y Julian Banwarie 3rd, den e Kids Male 15-16, Jaiden Romero 1st, Beau Broekaart 2nd. Tambe tabata tin e Open Relay aki nos a haya A-Jay Campbell y Giancarla Larez 1st, Carlos Larez y Qiany Lejuez 2nd.

Stichting Sportsubsidie Aruba ta contento di por aporta y brinda e ayudo na e federacion triathlon cu cada anja ta ofrece un amplio calendario na su miembronan y mas cu claro pensando riba nos futuronan den e deporte cu ta nos muchanan.

Tri-atletanan di Aruba a luci den e CARIFTA Triathlon & Aquathlon Championship

Triathlon (1).jpg

Tri-atletanan di Aruba a luci den e CARIFTA Triathlon & Aquathlon Championship na Jamaica

Recientemente nos hoben tri-atletanan di Aruba a competi den e CARIFTA Triathlon & Aquathlon Championship na e pais di Jamaica.

Un total di 78 mihor tri-atletanan di e 29 paisnan den Caribe a forma parti di e CARIFTA Triathlon & Aquathlon Championship 2019. Anja pasa tambe nos tri-atletanan a competi na e Carifta esaki pa prome biaha mientras awor nan ta sinti nan mes mucho mas mihor prepara. Team Aruba a sali di 5 luga di e 10 pais nan cu a participa. Na prome lugar a keda Guadeloupe, 2ndo lugar, Barbados, na di 3 lugar Trinidad and Tobago y na di 4 lugar Bermuda. Mayoria pais a bay cu mas di 10 atleta tin di nan a bay cu riba 20 atleta mientras Aruba a bay cu 6 atleta.. No obstante di e cantidad di atleta, nos muchanan a sa di mustra e calidad di triatleta cu tin na Aruba. E hoben Giannon Eights a conkista dos biaha un di 3 lugar esaki den Aquathlon y Triathlon.

E atletanan cu a representa Aruba den femenino Vera-Elise Bakmeyer, Elisabeth Sotelo y Rebecca Jansen mientras den masculino nos tabata tin Christiaan Jansen, Justin Morales y e atleta Olimpico Hubenil, Giannon Eights. E atletanan a ser guia pa coach Nicolaas Robert.

Stichting Sportsubsidie Aruba ta contento di por aporta y brinda e ayudo na e federacion di Aruba Triathlon Association pa asina an atletanan por participa na e CARIFTA Triathlon & Aquathlon Championship na Kingston, Jamaica.

Delegacion di landamento artistico cu logro historico

Artistic Swim (1).jpg

Delegacion di landamento artistico cu logro historico den e UANA Panamerican Artistic Swimming Championship na Windsor, Ontario Canada 

E dianan 19 – 24 di augustus ultimo, nos hoben atletanan femenino den e deporte di landamento artistico tabata na Ontario, Canada unda nan a competi den e UANA Panamerican Artistic Swimming Championship. Aruba a competi cu dos ekipo esta categoria 12 & Under y 13 – 15 aña. Den e categoria 12&U den solo a competi Abizahi  Sanches y Sofia Cardona mientras den ekipo tabata tin e atletanan Alina Dirksz, Silvana Cardona, Amylene Helder, Camila Tromp, Xiana Hoo pa un total di 7 atleta. Pa loke ta e categoria 13 – 15 aña den solo nos a haya, Avigayle Tromp y Angelina Hamoen, mientras e ekipo tabata ta Edianne Croes, Mariajose Salazar, Melanie Tromp, Ariana Dijkhuizen, Mikayla Morales, Amber Silva pa un total di 8 atleta.

Artistic Swim (2).jpg

Mester bisa cu nos atletanan a presta formidable unda den e categoria 13 – 15 anja e duet Mikayla Morales y Avigayle Tromp cu reserva Angelina Hamoen a logra medaya di Brons pa prome biaha den e campeonato di UANA Artistic Swimming tras di representantenan di Mexico y Canada. Tambe e 12&U y e 13 – 15 anja a logra un di 4 lugar den e mesun competencia aki, cual sigur ta un prestacion unico.

Stichting Sportsubsidie Aruba ta contento di por aporta y brinda e ayudo na e federacion di landamento AZB pa asina nan por a competi den UANA Panamerican Artistic Swimming Championship na Windsor, Ontario Canada.

Campeonato Arubano 2019 den landamento

Campeonato Arubano 2019 den landamento, cu lo tuma lugar dianan 13,14,15 y 16 di juni den Piscina Olímpico Roly Bisslik na Savaneta.

E Campeonato Arubano ta e competencia mas importante riba e calendario anual di eventonan di AZB y ta contene tradicionalmente tur evento y distancia. Clubnan participante lo ta Aruba Dolphins, The Orcas, Sportsz4U m y Stingray Swimming. Reglanan di FINA ta vigente, mientras cu e competencia lo wordo organiza pa y ta bou auspicio di Arubaanse Zwembond.

E diahuebs y diabierna e competencia lo ta den oranan di atardi mientras e diasabra y diadomingo e competencia lo inicia mainta. Ta competi den e siguiente categorianan: 6 ana , 7-8 aña, 9-10 aña, 11-12 aña, 13-14 aña, 15-17 aña, y 18 & over.

Un invitacion cordial ta bay na henter comunidad di Aruba pa bin presencia e competencia Arubaaanse den landamento.

Stichting Sportsubsidie Aruba ta contento di por aporta y brinda e ayudo na e federacion di landamento, A.Z.B. pa asina nan por organisa e campeonato nacional di landamento.

Landadonan Lucien Peterson, Ronald Fun y Britta Schwengle a representa Aruba

58462380_1023967794466926_2230101772049842176_o.jpg

Landadonan Lucien Peterson, Ronald Fun y Britta Schwengle a representa Aruba den e CARIFTA OPEN WATER 2019 na Barbados.

57882348_1025563810973991_3328535401689251840_n.jpg

Despues di e triunfa den e competencia di Open Water organisa pa AZB, e landadonan Lucien Peterson, Ronald Fun y Britta Schwengle a haya e oportunidad pa prome biaha participa den e competencia di Carifta Open Water Championship na Barbados. Tur tres landado a competi den e 5km cada uno den nan categoria. Lucien recientemente e competi den e Wegannan di Rosario unda e la landa un tempo magnifico. Den 14 - 15 anja, Ronald Fun a logra un tempo di 1:18:76 y Britta Schwengle den 14 - 15 anja tin un tempo registra di 1:19:24. Hunto cu e atletanan lo biaha coach Roly Bisslik mientras como team manager di open water lo biaha Shayn Fun.

E landado femenino, Britta Schwengle a keda net pafor di e medayanan cu un di 4 lugar. Lucien Peterson den categoria 16-18 a logra un di 8 lugar. E temponan di e promer 8 ta hopi sera. Ronald Fun, como un di e mas hoben nan den su categoria a keda na di 10 lugar.

Stichting Sportsubsidie Aruba ta contento di por aporta y brinda e ayudo na e federacion di landamento AZB cu a participa na e Carifta Swimming Championship na Barbados.

Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana. 

Cumprando Lotto bo ta contribui na deporte riba nos isla. E meta ta pa organisa loteria, cambiabida di su hungadonan y na mes momento inverti den deporte local pa medio di donacionnanna e Stichting Sportsubsidie Aruba.

Atleta Giannon Eights a triunfa den e prome evento di Off Road Aquathlon 2019

D4S_6794.JPG

Diadomingo mainta tempran alrededor di 80 participante a acudi na Arashi pa asina participa na e prome evento di Off Road Aquathlon den 2019. Tabata tin dos categoria unda den Supersprint e participantenan mester a core 2.2km, despues landa 375 meter y caba cu un recorido di 1.3km na pia. Den e categoria Sprint e participantenan mester a core 4.4km, landa 750 meter y caba cu un recorido di 2.6km na pia. Mas cu claro e Off Road Aquathlon no tabata nada facil sigur na comienso ora mester a core den e santo blanco pisa pa despues landa den un lama basta bruto cu olanan halto. Asina mes e mayoria a haci todo lo posibel pa pone un bon tempo y surpasa na propio marca. Mas cu claro e Kidsnan tambe a haci un tremendo trabou. Cada dia e interes ta creciendo serca nos muchanan cu ta gusta e reto. E hoben triatleta Giannon Eights a logra gana esaki cu un record personal.

Stichting Sportsubsidie Aruba ta contento di por aporta y brinda e ayudo na e federacion di Aruba Triathlon Association pa cu nan actividad di Off Road Aquathlon 2019. Alabes ta felicita e atleta Giannon Eights cu a logra conkista un prome lugar.

Atletanan cu lo representa Aruba den e Weganan Sur Americano de Playa Rosario 2019 ta conoci.

eddie_toro.jpg

E aña aki, Aruba lo competi den tres wega importante faltando 1 aña pa sera e ciclo deportivo na Tokyo 2020. Den luna di maart proximo nos atletanan lo competi den e Weganan Sur Americano de Playa na e ciudad di Rosario, Argentina. Despues di varios aña di cambionan di fecha y cuidad sede, porfin lo continua cu e weganan di playa den e continente Sur America.

E pais di Argentina a host aña pasa e Weganan Olimpico Hubenil na Buenos Aires cu tabata un exito rotundo y no tin duda cu e ciudad di Rosario ta cla pa ricibi e aproximadamente 2000 atleta procedente di 14 pais den Sur America, entre nos dushi isla di Aruba.

Aruba lo competi den cuater ramo di deporte esta Beach Tennis femenino y masculino, Beach Volleyball femenino y masculino y Open Water Swimming. Nos delegacion lo consisti di e siguiente 10 atletanan.

Nos tin como Beach Tennis e atletanan Sander Castro hunto cu Aksel Samardzic ken lo ta forma e duo masculino y pa e duo femenino Maud Iza Celaire lo bai hunga cu Dominique Hopman. Den e parti di Beach Volleyball nos tin e atletanan Masculino Fransua Angela y Eddy Toro y den femenino nos tin Mali Rafini y Shekeva Jones. Pa e Open Water Swimming nos lo tin e atletanan Lucien Peterson y Florence Kock.

Como comision tecnico di COA lo biaha, Beto Thiel mientras pa e asistencia medico nos lo tin Francis Maduro. Vice presidente Wanda Broeksma lo representa Comite Olimpico Arubano na e Weganan di Playa. Na banda di e delegacion di atleta y diregentenan nos tin como Hefe di Mision, Sr. Junior Dake.

Prome competencia di Open Water Swimming celebrando Dia di Betico tabata un exito rotundo

AZB (1).jpg

Recientemente Aruba Swimming Federation, AZB a organisa e prome competencia di Open Water na cas di Roly Bisslik na Savaneta. Un total record di 91 landado a inscribi pa asina participa na e competencia cu tabata uno clasificatorio pa e Carifta Games cu e aña aki lo.tuma lugar na Barados. Mester bisa cu e mayoria a competi den e 1km y 3km, mientras un grupo selecta a dicidi di bay e 5km. E trajectoria sigur no tabata facil cu hopi coriente y biento pero asina mes tur hende a haci nan maximo esfuerso pa logra un bon resultado y tempo. E 1km a wordo gana pa Braynsly Dirksz mientras e 3km a wordo gana pa Elisabeth Timmer y e 5km a bay pa Lucien Peterson cu a triunfa anja pasa tambe den e mesun evento aki.

E comision di Open Water Swimming tabata hopi satisfecho cu e acohida di e prome competencia oficial clasificatorio di Open Water na Aruba. E landadonan a responde bon na e evento mientras e evento mes a cana soepel y segun schedule. E promixo competencia di Open Water lo ta rind dine celebracion di nos Himno y Bandera y esaki tambe lo ta un evento clasificatorio, e biaha aki pa e Central American and Caribbean Amateur Swimming Confederation, CCCAN.

Sportsubsidie Aruba ta contento di por aporta y brinda e ayudo necesario na e federacion di landamento cu nan prome actividad oficial di Open Water Swimming local na Aruba.