Karate

Open Aruba Karate Championship 2018 cu bon acohida internacional

Den e fin di siman ttras di lomba, Aruba Karate Bond a organisa e “Open Aruba Karate Championship 2018”, esaki den e en conexion cu ASU Olimpiada. Dilanti un publico aceptabel den Centro Deportivo Betico Croes alrededor di 60 karateka den tur categoria a asisti na e campeonatoo aki cu un bes mas a conta cu un participacion internacional cu atletanan for di Boneiro, Corsow y Venezuela sin lubida nos propio atletanan di Aruba. Na banda di e competencia e federacion di Karate a organisa un seminario cu e topiconan ‘reglamento 2018 WKF’ y tecnica di ‘kumite’ duna pa e expert internacional di Venezuela, ‘sensei’ Edgar Albakian kende ta 6 Dan Karate Do Genbukai, miembro di e federacion Venezolano di karate (FVKD) y arbitro ‘A’ di World Karate Federation (WKF). Tambe presente nos por a mira ‘sensei’ William Millerson, vice-presidente di World Karate Federation. Presidente di Aruba Karate Bond -‘sensei’ Felix Tromp a habri e mainta aki unda e la desea tur participante hopi exito y alabes gradici tur esnan cu a contribui cu e dia di torneo cu sigur tabata uno exitoso. Un pabien ta na tur e scolnan cu a participa pa haci e dia aki uno inolvidabel pa nos atletanan, specialmente esnan cu a caba di cuminsa practica e deporte di combate.

Lotto, e loteria di Aruba pa medio di Stichting Sportsubsidie Aruba a yuda subsidia e torneo internacional di karate, “Open Aruba Karate Championship 2018” organisa pa Aruba Karate Bond.

Kevin Lugo lo competi den e XXXII Senior Pan American Karate Championship

Karate.jpg

Atleta di karate Kevin Lugo lo competi den e XXXII Senior Pan American Karate Championship na Santiago de Chile, Chile.

Recientemente Aruba Karate Bond a manda un representante den e karateka prospecto elite Kevin Lugo hunto cu su coach Alberto Gonzalez Lujan pa representa Aruba den e campeonato ‘XXXII Senior Pan American Karate Championship’. Mester bisa cu durante varios luna, e karateka Kevin Lugo a hiba un preparacion intenso bou guia di coach Anthony Geerman y Alberto Lujan mientras cu e ta cla pa enfrenta e mihor karatekanan den nos continente.

Ya pa algun anja e deporte di karate ta den bon desaroyo na Aruba. E deporte di arte marcial ta bin ta creciendo den forma rapido y cu varios scolnan nobo. Na Aruba tin varios Dojo unda nos muchanan por praktica e deporte di arte marcial aki. Mas cu claro nos atletanan di karate ta explora nan desaroyo y conocimento door di participa na competencianan local y internacional den nos region y continente y mayoria biaha cu exito logrando medaya. Tanto 2016 y 2017 tabata anjanan fructifero pa e deporte di karate unda a haci un bon papel logrando medaya den tantisimo competencianan bishita den nos region y continente, un muestra palpabel cu e deporte ta den un bon desaroyo y direccion corecto. Aruba Karate Bond sin duda ta trahando duro na bienestar di nan atleta, dirigente y miembronan.

Stichting Sportsubsidie Aruba a yuda subsidia e biahe di e karateka Kevin Lugo y coach Alberto Gonzalez Lujan pa representa Aruba den e campeonato ‘XXXII Senior Pan American Karate Championship’ na Santiago de Chile, Chile.

Aruba Karate Bond ta organisa nan di dos campeonato pa e anja 2018

IMG_6325.JPG

Diasabra awor 12 di mei, Centro Deportivo Frans Figaroa na Noord lo ta e cas di e deporte di Karate mirando cu e federacion di karate esta Aruba Karate Bond lo organisa nan di dos campeonato pa e anja aki pa tur scol miembro. E campeonato lo inicia for di 2or di atardi te cu 8 or di anochi. Mester bisa cu lo bini un referee di Venezuela pa arbitra e combatenan. Na banda di esaki e sensei lo facilita algun dia di curso na tur e coachnan y refereenan local, e diabierna 11 di mei na Dojo Konishi, di 5:30 di atardi pa 10:30 di anochi.

Ya pa algun anja e deporte di karate ta den bon desaroyo na Aruba. E deporte di arte macial ta bin ta creciendo den forma rapido y cu varios scolnan nobo. Tin varios Dojo unda nos muchanan por praktica e deporte di arte marcial. Mas cu claro nos atletanan di karate ta explora nan desaroyo y conocimento door di participa na competencianan local y internacional den nos region y continente y mayoria biaha cu exito logrando medaya. Anja pasa a hasi un tremendo papel den e Curacao Open Karate 2017 den luna di november. Nos karatekanan a keda na un di dos lugar den e ranking di medaya, cual sigur ta un resultado hopi satisfactorio pa henter e delegacion. Un invitacion special ta bay na e amantenan di karate, famia, amigo y conocirnan pa yega stadion Frans Figaroa na Noord y apoya nos muchanan den e deporte di arte marcial.

Stichting Sportsubsidie Aruba a subsidia e di dos campeonato di karate organisa pa Aruba Karate Bond.

Prome campeonato di Aruba Karate Bond lo ta dia 25 di maart proximo

IMG_6325.JPG

Despues di a tene nan reunion general pa tur nan miembronan dos siman atras, e federacion di karate ta cla pa organisa nan prome campeonato pa loke ta e calendario di e aña 2018. Esaki lo tuma luga riba diadomingo 25 di maart 2018 pa 9or di mainta den Compleho Deportivo Frans Figaroa na Noord. Sigur lo por disfruta di e numeroso combatenan den e diferente categorianan tanto den e  nobatonan como tambe esnan mas avansa den tur color di faha.

E deporte di karate ta den pleno desaroyo na Aruba. Pa algun aña e deporte ta bin ta creciendo den forma rapido y cu varios scolnan nobo. Tin varios Dojo unda nos muchanan por praktica e deporte di arte marcial, pa nombra algun di nan nos tin Dojo Gyoseki Kan Tamashi Aruba, Dojo Shoshinkai Shotokan Karate Do, Karate-Do Ryubo-Kai, Dojo Shibumi, Dojo Shocokan, Dojo Budokan y asina tin algun mas. Mas cu claro nos atletanan di karate ta explora nan desaroyo y conocimento door di participa na competencianan internacional den nos region y continente y mayoria biaha cu exito logrando medaya. Pa e competencia di 25 di maart, tur scol ta cordialmente invita pa bin participa den categoria ‘kata’ y ‘kumite’. Un invitacion special ta bay na e amantenan di karate, famia, amigo y conocirnan pa yega stadion Frans Figaroa na Noord y apoya nos muchanan den e deporte di arte marcial.

Stichting Sportsubsidie Aruba ta subsidia e promecampeonato di karate organisa pa Aruba Karate Bond.

Aruba Karate Championship 2017 lo ta diasabra den Centro Deportivo Frans Figaroa

IMG_6325.JPG

Enconexion cu e ASU Olimpiada 2017, majan diasabra, Aruba Karate Bond lo organisa su campeonato nacional pa tur e scolnan di karate miembro di A.K.B den e Centro Deportivo Frans Figaroa na Noord. Pa 9or di mainta lo cuminsa cu e diferente combatenan y esaki lo dura den oranan di atardi. Mas cu claro lo premira cu e combatenan den e diferente categorianan lo bay ta uno di nivel. Den e ultimo dos anja y mei, e deporte di karate a haya su acohida y ta gosa den un popularidad enorme. Mirando e popularidad di e deporte bou di nos hobennan, Aruba a conoce varios Dojo nobo unda nos muchanan por praktica e deporte di arte martial aki. Pa menciona algun nos tin Dojo Gyoseki Kan Tamashi Aruba, Dojo Shoshinkai Shotokan Karate Do, Karate-Do Ryubo-Kai, Dojo Shibumi, Dojo Shocokan y Dojo Budokan.

Na varios ocasion, Aruba Karate Bond y su atletanan a representa Aruba den exterior y cu exito. Den e ultimo Caribbbean Karate Championship teni na Surnam nos atletanan a conkista no menos cu 9 medaya, un muestra cu nos tin potencial. Dos luna atras, e hobennan Catherine Carraha, Robert Silva y Kevin Lugo a bringa den e competencia di nivel di mas halto den e continente America, esta Panamericano di Karate na Buenos Aires unda nan a duna bon bataya contra e mihonan.

Un danki sigur na Lotto, e Loteria di Aruba pa medio di Comision di Subsidio cu a subsidia e competencia di karate Aruba Karate Championship enconexion cu e ASU Olimpiada 2017.

Delegacion di karate lo sali pa e Panamericano di Karate 2017 cu lo tuma lugar na Buenos Aires, Argentina

DSC_6722.jpg

E atletanan Catherine Carraha, Robert Silba y Kevin Lugo ta tres top prospecto di Aruba den e deporte di karate. Diadomingo awo e tres atletanan aki lo biaha pa Buenos Aires, Argentina unda na lo competi den e campeonato Panamericano di Karate 2017 den U21, Junior y Cadet. Esaki sin duda ta un di e competencianan di mas grandi di karate den nos continente unda e miho atletanan so lo ta presente. Pa Aruba Karate Bond y pa nos atletanan e ta importante mirando e campeonato mundial cu lotuma lugar na Tenerife, Spaña y e Weganan Olimpico Hubenil di otro aña na e propio Buenos Aires, Argetina. Mester bisa cu e tres atletanan a prepara nan mes debidamente pa e competencia aki, mirando cu e atleta Catherine Carraha e ultimo luna aki a entrena y prepara na Medellin, Colombia. E atletanan Robert Silva y Kevin Lugo a entrena bou guia di Sensei Armando Pazos y guia local di Sensei Eduardo Macias ta den nan ultimo dianan di preparacion.

Den e ultimo tres añanan e deporte di karate a crece na Aruba mientras e interes cada bes ta keda subi. No por keda sin menciona cu den e region di Caribe ya caba nos karatekanan ta dunando resultado satisfactorio y ta logra medaya pa nos isla. Recientemente e delegacion di Karate a regresa super satisfactorio for di e Caribbean Karate Championship 2017 teni na Paramaribo, Surinam. E delegacion a logra no menos cu 9 medaya pa Aruba cual ta un tremendo logro sin duda algun. 

Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e delegacion di karate di Aruba cu lo ta presente pa e Panamericano di Karate 2017 na Buenos Aires, Argentina.

Lotto ta felicita atletanan di karate cu a logra conkista 9 medaya den e Caribbean Karate Championship na Surinam

Recientemente un delegacion den e deporte di karate a biaha pa Paramaribo, Surinam unda nan a competi contra di e miho paisnan den nos region den e Caribbean Karate Championship 2017. Mester bisa cu den e fin di siman tras di lomba e competencia a tuma lugar unda nos karatekanan a logra conkista un total di 9 medaya y ta hasi un papel di kita sombre. E atletanan cu a triunfa cu nan medaya tabata Madison Williams - Kumite Female 12-13 aña cu ta logra un medaya di Brons, tambe nos tin Christopher Carraha - Male 12-13 anja cu ta logra conkista dos medaya di Brons esaki den e disciplinanan di Kata y Kumite.

Un otro atleta cu tambe a logra medaya ta Keven Prada 12-13 anja -Kata Male cu ta logra gana dos medaya di Plata esakinan den Kata y Kumite. Por ultimo nos tin Catherine Carraha - Senior Kata cu ta gana medaya di Brons, den e U21 Kata e ta conkista medaya di Oro, den U21 e ta logra medaya di Plata den Kumite den e categoria -68kg y un medaya di Brons den e Senior Kumite -61kg.

Si tabata tin un deporte na Aruba cu a conoce un crecimento enorme ta e deporte di karate. E federacion di karate, Aruba Karate Bond ta trahando hopi duro na e bon desaroyo di nan atletanan y ta hopi orguyoso di e prestacion di nan atletanan, principalmente e logronan na nivel internacional di nan atletanan. Den nos region Aruba a bira conoci pa duna bon bataya y conkista titulo. Mas cu claro esaki ta danki na e scolnan y e dirigentenan capacita cu tur dia ta dirigi nan atletanan den e mihor forma posibel. Es mas e deporte di karate lo por bira un di esnan eligi pa forma parti di e Weganan Olimpico di Tokyo 2020, mientras cu Aruba sin duda algun tin algun atleta cu lo sonja pa forma parti di e evento aki.

Pa e motibo aki tambe Lotto, e loteria di Aruba ta felicita e delegacion di Karate y coach Sensei Armando Pazos como tambe Aruba Karate Bond cu e tremendo trabou desplega den e Caribbean Karate Championship.

Delegacion di seis persona ta representa Aruba na e Caribbean Karate Championship

Aruba Karate Bond cu un delegacion di seis persona ta representa Aruba na e Caribbean Karate Championship na Suriname.

E dianan 12 pa 16 di juli un delegacion den e deporte di Karate lo particpa den un competencia grandi den nos region cu lo crag e nomber di Caribbean Karate Championship2017. E federacion di karate, esta Aruba Karate Bond a eligi un total di 4 atleta pa e competencia aki. Tur e cuater atletanan aki ta atletanan top di Aruba cada uno den nan respectivo categoria. Na e campeonato aki varios pais den nos region lo participa cu nan miho atletanan.

E atletanan di karate cu lo preresenta Aruba na e competencia aki ta Catherine Carraha, Christopher Carraha, Keven Prada y Madison Williams. Hunto cu nan lo biaha coach Sensei Armando Pazos y delegado Georges Carraha. Algun luna atras nos atletanan di karate a hasi un tremendo papel den e Las Vegas Open di karate como tambe na e Open di Venezuela logrando medaya pa Aruba. Cada bes e deporte di arte marcial aki ta birando mas popular rinba nos isla y e cantidad di alumnonan na e scolnan existente ta bira cada dia mas hopi. E interes ta grandi bou di e ser masculino y femenino.

Un danki na Lotto, e loteria di Aruba cu pa medio di Comision di Subisdio a subsidia e biahe di e delagacion di Karate pa e Caribbean Karate Championshipna Suriname.