Esgrima

2018 Arubaanse Kampioenschap

DSC_9949.jpg

Competencia di esgrima 2018 Arubaanse Kampioenschap na IBISA San Nicolas.

Diaranson 5 di december, e federacion di esgrima SABA lo tene nan tradicional Arubaanse Kampioenschap den e sala di recreacion di IBISA na San Nicolas. E inscripcion lo ta den oranan di atardi mientras e competencia mes lo inicia pa 6’or di atardi. Clausurando e aña exitoso tras di lomba, pa e federacion di Esgrima, esaki lo ta e ultimo competencia pa loke ta e aña 2018. Mester bisa cu e atletanan di e tres clubnan di esgrima na Aruba esta Universal Fencing Club, Scherm Club Brazil y Don Bosco Knights lo bay duna un berdadero espectaculo den e deporte di arte marcial e dia aki. E deporte di esgrima ta den pleno desaroyo na Aruba unda tin hoben atletanan femenino y masculino cu ta considera prospectonan den e deporte di arte marcial y ta sobresali durante cada competencia.

E federacion di SABA semper a yuda den e desaroyo di e deporte Olimpico unda den pasado a organisa varios tayer y curso na nivel profesional pa nos atleta y dirigentenan. Dentro di algun aña sigur por mira e fruto di e deporte di esgrima na Aruba. Es mas sigur un cinco bes pa aña e federacion ta organisa nan torneonan y tambe ta bishita torneonan internacional den exterior.

Stichting Sportsubsidie Aruba ta contento di por aporta y brinda e ayudo necesario na e federacion di esgrima cu nan tradicional Arubaanse Kampioenschap 2018. Stichting Sportsubsidie Aruba a yuda subsidia e campeonato di esgrima durante henter anja.

Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana.

Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.

Campeonato Copa Thomas 2018 den esgrima

6M7A8577.JPG

Campeonato Copa Thomas 2018 den esgrima lo tuma lugar diaranzon awor 27 di juni

Diarazon dia 27 di juni, e federacion di esgrima, Scherm Amateur Bond Aruba (S.A.B.A.) lo organisa e campeonato di Copa Thomas 2018, dedica na e legendario atleta di esgrima Arubano y alabes atleta Olimpico bou di e constelacion Antiyano, Austin Thomas, awe den felis memoria. E inscripcion lo ta 5or di atardi mientras e competencia mes lo inicia pa 6or di atardi na IBISA San Nicolas. E lo bay ta un competencia di “wapen & degen”.

6M7A8597.JPG

Mester bisa cu e atletanan di e tres clubnan di esgrima na Aruba esta Universal Fencing Club, Scherm Club Brazil y Don Bosco Knights ta duna un berdadero espectaculo den e deporte di arte martial. Tin varios prospecto y talento nobo den e deporte di arte martial mientras cada dia e deporte ta crece den atendencia y bira mas popular bou di nos hubentud. Na nivel internacional nos atletanan di sgrima ta prestando den bon forma unda aña pasa Aruba a triunfa den e asina yama Dutch Caribbean Fencing Championship 2017, caminda nos atletanan a logra e mayoria premionan disponibel. Na banda di competencia, e federacion di esgrima ta traha duro riba e conocimento di nan atleta y coachnan door di organisa workshop cu expertonan di exterior unda ta ofrece diferente tayer y traha riba e aspectonan di esgrima. Nan ta enfoca riba e agilidad, reflex, resistencia, habilidadnan basico, drills y mas cu claro con pa anda cu e materiaal di esgrima. Tur esaki sin duda ta yuda e deporte dal un stap na e siguiente nivel.

Stichting Sportsubsidie Aruba a subsidia e campeonato di esgrima Copa Thomas 2018 organisa pa SABA y dedica na e legendario atleta Olimpico Arubano, Austin Thomas, awe den felis memoria.

Federacion di Esgrima lo celebra Dia di Rey na IBISA San Nicolas

DSC_9949.jpg

Contrario na e orario di custumber cu ta parti mainta, e federacion di esgrima, SABA lo organisa un competencia di esgrima riba e diabierna 27 di april proximo riba Dia di Rey cuminsando pa 6or di atardi. Esaki lo ta e di tres competencia di e aña aki organisa pa dicho federacion mirando e dos competencianan anterior cu ta Dia di Betico y Himno y Bandera. E competencia lo wordo teni na IBISA San Nicolas y ta pa tur atleta y clubnan miembro mientras e programa lo inicia pa 6or di atardi. Ta pidi encarecidamente na e clubnan pa inscirbi tempran y e atletanan tur mester bini uniforma. Mester bisa cu e competencia ta riba wapen y degen.

E deporte di esgrima conoci tambe como un deporte Olimpico ta creciendo poco poco na Aruba mirando e scolnan cu tini. Aña pasa e federacion a conoce un bon temporada unda a logra varios premio den e Dutch Caribbean Fencing Championship. E federacion di esgrima a organisa tambe un workshop duna pa e experto mr. Sarkis Assadorian. E workshop aki tabata un exito rotundo unda e experto mr. Assadorian durante 6 dia largo a duna diferente tayer unda a enfoca riba e agilidad, reflex, resistencia, habilidadnan basico, drills y mas cu claro con pa anda cu e materiaal di esgrima. Siman pasa, e atleta prospecto den e deporte di esgrima, Tirslain Jansen tabata nomina pa e categoria Atleta di Anja 2017 den Premio Excelencia den Deporte.

Stichting Sportsubsidie Aruba ta subsidia e campeonato di esgrima en connexion cu Dia di Rey.

Competencia di esgrima celebrando nos dia nacional Himno y Bandera

Competencia di esgrima celebrando nos dia nacional Himno y Bandera 18 di maart.

Scherm Amateur Bond Aruba. (S.A.B.A.) tambe lo celebra nos Dia nacional Himno y Bandera. E anja aki e federacion di esgerima a scohe e fecha diasabra 17 di Maart cuminsando pa 10or di mainta te cu 1:30 merdia den sala di recreo na IBISA San Nicolas. Mester bisa cu desde cu anja pasa SABA a trece algun curso na nivel profesional pa nos dirigentenan a traha duro riba e desaroyo di nos atletanan. Cada club a hasi bon uso di e oportunidad ofreci pa mehora e prestacion di no solamente e atleta y coaches pero e deporte di esgrima den su totalidad. Esaki sigur a duna su fruto mirando cu den e competencia internacional Dutch Caribbean Fencing Championship 2017 den luna di november teni na Aruba mes, nos atletanan a logra obtene e mayoria di e medaynan disponibel y a gana e trofeo maximo como e miho ekipo di e torneo.

Stichting Sportsubsidie Aruba ta subsidia e competencia di esgrima di SABA celebrando nos Dia Nacional Himno y Bandera 18 di maart.

Atleta Nykiana Thompson ta logra gana dos premio den e deporte di esgrima

Diadomingo ultimo,Scherm Amateur Bond Aruba a celebra Dia di Betico cu nan torneo anual cu a tuma lugar den e accomodacion deportivo di IBISA San Nicolas. Mester bisa cu atletanan di e diferente clubnan di esgrima manera Universal Fencing Club, Scherm Club Brazil, Centro Deportivo Playa y Don Bosco Knights/Beau-Gest a bataya den e competencia di Wapen: Degen.Despues di un bon bataya cu e atletanan di e diferente scolnan a hiba contra otro esnan cu e sobresali mas cu claro a triunfa e mainta aki.

Den e Categoria #1 nos tin na prome lugar Myron Balentin,na di dos lugar a keda Gabriela Concalves mientras na di tres lugar a termina Carlos Concalves. Den e categoria #2 nos tin e prospecto Nykiana Thompson cu a termina como e number uno, na di dos lugar a keda Desmond Tromp y na di tres lugar nos a haya Gabriela Concalves. Den e categoria #3, nos tin na prome lugar un bes mas e hoben prospecto Nykiana Thompson, na di dos lugar Yiyu Chen y na di tres lugar Shawndrella Blanco. Por ultimo a bringa den e categoria #4, aki nos tabata tin Alex Wever cu a sali na di prome lugar, sigui pa Yiyu Chen cu e keda na di dos lugar y Shawndrella Blanco cu a termina na di tres lugar.

Lotto, e loteria di Aruba kier a manda un palabra di pabien na tur e ganadornan,e mayornan y e boluntarionan cu e yuda hasi e Dia di Betico uno exitoso pa e deporte di esgrima.

Federacion di Esgrima lo celebra Dia di Betico e diasabra 27 di januari na IBISA San Nicolas

6M7A8577.JPG

Diasabra mainta 27 di januari, e federacion di esgrima, S.A.B.A lo ta organisa su prome competencia pa loke ta e calendario di actividad di esgrima den 2018. E competencia lo ta relaciona cu “Dia di Betico 2018” y ta pa tur e clubnan miembro di esgrima na Aruba. E competencia lo wordo teni na IBISA San Nicolas y ta programa pa cuminsa pa 10or di mainta. Inscripcion lo ta for di 9or di mainta mientras tur atleta ta ser pedi pa bin uniforma. Mester bisa cu e competencia ta riba wapen y degen. E deporte di esgrima conoci tambe como un deporte Olimpico ta creciendo poco poco na Aruba mirando e scolnan cu tini. Aña pasa e federacion a conoce un bon temporada unda a logra varios premio den e Dutch Caribbean Fencing Championship. E federacion di esgrima a organisa tambe un workshop duna pa e experto mr. Sarkis Assadorian. E workshop aki tabata un exito rotundo unda e experto mr. Assadorian durante 6 dia largo a duna diferente tayer unda a enfoca riba e agilidad, reflex, resistencia, habilidadnan basico, drills y mas cu claro con pa anda cu e materiaal di esgrima.

Un danki sigur na Lotto, e Loteria di Aruba pa medio di Stichting Sportsubsidie Aruba cu a subsidia e eventonan deportivo enconexion cu e celebracion riba Dia di Betico. Tur aña mayoria federacion tin riba nan calendario un evento deportivo rond di e fecha di 25 di januari, celebrando asina e fecha natal di e gran estadistica Arubano, Betico Croes.

Scherm Amateur Bond Aruba a tene nan campeonato enconexion cu e ASU Olimpiada 2017

6M7A8577.JPG

Scherm Amateur Bond Aruba. (S.A.B.A.) a tene nan campeonato enconexion cu e ASU Olimpiada 2017 na IBISA San Nicolas.

Diadomingo durante dia e federacion di esgrima SABA a tene nan respectivo torneo pa tur nan atletanan. E competencia tabata den e 3 categoria esta infantil, cadets y senioren. E combate nan tur tabata di bon nivel unda e atletanan a resalta cu nan strategia, atake y liherez usa durante cada combate. E ganadornan di e campeonato enconexion cu e ASU Olimpiada 2017 ta como lo siguiente;

Infantil

  1. Nikiana Thompson
  2. Desmond Tromp
  3. Myron Balentin

Den e Cadets

  1. Alex Wever
  2. Shawndrella Blanco
  3. Nykiana Thompson

Den Senioren

  1. C-yen Thompson
  2. Alex Wever
  3. Nykiana Thompson

Na final sr. Willy Williams di IBISA San Nicolas a hasi entrega di e medayanan na e ganadornan.

Mester bisa cu recientemente e federacion di esgrima a organisa un competencia internacional Dutch Caribbean Fencing Championship 2017 cu a resulta den un exito rotundo. E resultadonan di nos atletanan tabata papia pa nan mes cu Nikaina Thompson logrando un prome lugar den e categoria 11 anja den e disciplinanan di Sabre, Foil y Epee. Den e ASU Olimpiada tambe Nikaina a logra un prome lugar. Notable ta cu na band di e competencianan e federacion ta trece expertonan di exterior pa engradese nan deporte unda ta duna tayer na nos hendenan local, esaki pa coach, dirigente y e propio atletanan mes.

Un danki sigur na Lotto, e Loteria di Aruba pa medio di Comision di Subsidio cu a subsidia e competencia di ASU Olimpiada 2017 den esgrima.

Exitoso tabata e Arubaanse Kampioenschappen 2017 den e deporte di esgrima

Arubaans Kampioenschapp 2017.  050.jpg

Den e weekend tras di lomba Scherm Amateur Bond Aruba. (S.A.B.A.) a tene nan Arubaanse Kampioenschappen esaki na vispera di e Dutch Caribbean Fencing Championship 2017 cu lo tuma lugar otro siman na Aruba mes. Den e  accomodacion di IBISA San Nicolaase diferente clubnan di esgrima manera Universal Fencing Club, Scherm Club Brazil, Centro Deportivo Playa y Don Bosco Knights/Beau-Gest a bataya den e competencia di Wapen: Degen. E competencia tabata basa riba cuater categoria di 8 aña, 10 aña, 12 aña y 14 y mas grandi.

Mester bisa despues di un bataya fuerte cu e scolnan a hiba contra otro esnan cu e sobresali mascu claro a triunfa e mainta aki.

E ganadornan di e Arubaans Kampioenschap 2017 a bira den e categoria 8 aña:

  1. Gabriela Congalves
  2. Myron Balentin
  3. Charlie Congalves

Pa loke ta e categoria 10 aña esnan cu a triunfa tabata:

  1. Nikiana Thompson
  2. Desmond Trompy
  3. Gabriela Congalves.

Pa loke ta e categoria 12 aña nos tin cu bisa cu aki e number:

  1. Nikiana Thompson
  2. Migdaliene Janseny
  3. Desmond Tromp

Porultimo den e categoria 14 y mas grandi nos a haya

  1. Alex Wever
  2. Yiyu Cheny
  3. Shawndrella Blanco

Tur cos ta mustra cu nos atletanan di esgrima ta cla pa competi den e Dutch Caribbean Fencing ta cual ta bira e prome e competencia internacional celebra na cas e aña aki den e deporte di esgrima. E deporte di esgrima, ta un deporte di combate unda dos contricante ta enfrenta otro y mester purba di mishi cu otro cu un arma blanco. E "arte di defensa y atake cu un spada, florete of un arma similar". Na Aruba e deporte ta uno cu hopi aña atras nan a cuminsa na practike. E la bira un arte martial di entretenimento y competencia, aplicando e reglanan y e tecnicanan cu ta desaroya di su origen. Cada bes nos por mira varios prospecto y talento nobo den e deporte di arte martial mientras cada dia e ta bira mas popular cu mas club y miembronan nobo.

Un danki sigur na Lotto, e Loteria di Aruba pa medio di Comision di Subsidio cu a subsidia e Arubaanse Kampioenschappen 2017 organisa pa Scherm Amateur Bond Aruba (S.A.B.A.).