Colombia

Tri-atleta Giannon Eights a sali pa Santa Marta Triathlon na Colombia

61304873_1048956035301435_4010409610807607296_n.jpg

E hoben prospecto Giannon Eights a biaha pa Santa Martha, Colombia unda e weekend benidero e lo competi den e categoria Junior den e Santa Matha Triathlon 2019. Hunto cu Eights a biaha coach Nicolaas Roberts. Algun siman atras Giannon Eights ta logra un 1st place overall den e Caribbean Championship Triathlon na Miami, Florida mientras net prome cu e competencia ey Giannon ta logra gana e competencia overall y bira campeon di e Sprint Triathlon Nacional di Aruba. E hoben Eights sigur ta un di e atletanan mas prominente den e ultimo anjanan na Aruba. Pa su gran labor den 2018, Giannon a wordo escohi den e categoria 14 – 18 como Aruba su Atleta di Anja den Premio Excelencia den Deporte. Giannon a participa tambe anja pasa den e Weganan Olimpico Hubenil na Buenos Aires, Argentina.

Stichting Sportsubsidie Aruba ta contento di por aporta y brinda e ayudo na e federacion di ATA, pa asina e hoben prospecto di triathlon Giannon Eights por competi den e Santa Martha Triathlon 2019 na Colombia.

Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana. 

Cumprando Lotto bo ta contribui na deporte riba nos isla. E meta ta pa organisa loteria, cambiabida di su hungadonan y na mes momento inverti den deporte local pa medio di donacionnanna e Stichting Sportsubsidie Aruba.

Delegacion hubenil di bowling a sali pa campeonato na Medellin, Colombia

ccbf44e6-a318-4706-ab2e-c96bd8b92ea1.jpg

Delegacion hubenil di bowling a sali pa campeonato di bowling Centro Americano y del Caribe na Medellin, Colombia.

Recientemente un delegacion hubenil di bowling a sali pa e ciudad di Medellin, Colombia unda nan lo ta compitiendo na e Centroamericano y del Caribe Juvenil de Bolo. E campeonato lo tuma lugar e dianan 11 te cu 18 di november. E delegacion di bowling di Aruba a biaha den dos categoria esta Sub 16 cu ta consisti di e hungadornan femenino Xanthe Lobbrecht y Rania Halabie. E hungadornan masculino U16 lo ta Xander Tromp y Keaton Geerman. Tambe nos lo tin un delegacion hubenil den Sub21 consisti den e categoria femenino Xyqienne Leonardo, Eva Maduro y Rosalia Solonier mientras e Sub21 den e categoria masculino lo ta Yannick Roos, Kaelan Roos, Jared Felipa y Ian Tromp. Como coach lo biaha Chris Dammers y Alexander Biesum. Na e torneo aki lo participa Aruba, Colombia, Costa Rica, El Salvador, Guatemala, México, Panamá, Puerto Rico, República Dominicana y Venezuela . Di aki banda nos ta desea e delegacion di bowling di Aruba tur clase di exito aya den e campeonato Centro Americano y del Caribe.

Lotto, e loteria di Aruba pa medio di Stichting Sportsubsidie Aruba a yuda subsidia e biahe di e delegacion di bowling hubenil pa e campeonato Centroamericano y del Caribe Juvenil de Bolo na Medellin, Colombia.

Lotto, e loteria di Aruba tin diferente wega; Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e weganan di Raspa y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.

Delegacion di Domino a biaha pa Centro Americano y del Caribe di Domino

Domino.jpg

Delegacion di Domino a biaha pa Centro Americano y del Caribe di Domino cu lo tuma lugar na Barranquilla, Colombia

Recientemente un delegacion den e deporte di Domino a biaha pa Barranquilla, Colombia unda nan lo competi den e campeonato Centro Americano y del Caribe di Domino.

Riba invitacion di Federacion Internacional di Domino, Aruba Domino Bond lo competi na dicho campeonato. Mester bisa cu Aruba Domino Bond despues di hopi preparacion a biaha cu un delegacion di atletanan di Domino di Aruba hunto cu delegadonan. E representacion di Domino pa Aruba lo ta den competencia di pareha y individual. Aruba lo competi cu paisnan manera USA, Puerto Rico, Mexico, Venezuela, Curacao, Costa Rica y Colombia mes. E federacion di Domino ta activo e anja aki cu nan campeonato y ta contento cu a haya e oportunidad di participa na torneonan principal di Domino organisa pa e Federacion Internacional di Domino.

Stichting Sportsubsidie Aruba a yuda subsidia e biahe di e seleccion nacional di domino pa e Centro Americano y del Caribe di Domino na Barranquilla, Colombia.

Aruba lo competi den e Campeonato Suramericano Gymnasia Artistica nivel USAG

1feb08fc-127d-4184-912f-397d375cca85.jpg

Seleccion Nacional di Gymnasia lo competi den e Campeonato Suramericano Gymnasia Artistica nivel USAG na Cali, Colombia.

Recientemente e seleccion nacional di gymnasia di Aruba a biaha pa Cali, Colombia unda nan lo ta compitiendo den e Campeonato Suramericano Gymnasia Artistica nivel USAG cual porcierto ta di nivel super halto. Riba e dianan 13 - 15 juli mas cu 69 delegacion - 870 gymnasta di 10 diferente pais den e region lo ta formando parti na e evento. Mester bisa cu Aruba su seleccion a hiba un preparacion debido pa e competencia aki y a entrena pa varios luna den forma intensivo pa asina busca e resultado desea. Ta bon pa bisa cu como seleccion Aruba lo competi den e categorianan hubenil y senior. E gymnastanan cu a forma nos seleccion taAmika Every, Ashley Provence, Jesmea Jansen, Jasmine Bonsink, Junaidy Odor, Kim de Vries, Sanne van Dam. Notabel ta cu despues cu e seleccion nacional termina cu nan competencia na Cali, nan lo biaha pa e ciudad di Medellin unda nan lo atende un campo di entrenamento cu duracion di 4 siman.

Den e ultimo tres añanan e deporte di gymnasia a crece considerabelmente unda mas y mas mucha a cuminsa practica e disciplinanan di gymnasia artistica y ritmica. Cu un localidad nobo y moderno na Compleho Deportivo Franklyn Bareño na Piedra Plat como tambe na Centro Deportivo Playa, mas mayor a pone nan confiansa den e deporte aki . E guia profesional cu coachnan certifica, e deporte di gymnasia a cuminsa explora na nivel internacional y cu exito. Den varios competencianan bishita, nos gymnastanan a sa na logra triunfa cu varios medaya y mas y mas nos atletanan a cuminsa na competi den campeonatonan di nivel mas halto den nos region y continente. Esaki sigur ta un esfuerso y trabou duro di cada atleta, mayor y mas cu claro e propio federacion cu ta kere den e capacidad di su atleta y staf di coachnan.

Stichting Sportsubsidie Aruba a yuda subsidia e biahe y campo di entrenamento di e seleccion nacional di gymnasia di Aruba.

Seleccion di Softball lo competi den e campeonato di Consursa

ASB.jpg

Seleccion di Softball di Aruba lo competi den e campeonato di Consursa na Monteria, Colombia

Durante un siman y mei largo, nos seleccion di softball fast-pitch masculino lo hunga un torneo clasificatorio di CONSURSA na Monteria, Colombia. E weganan di Consursa ta di nivel halto mirando cu e paisnan den nos region y continente cu ta participando na esaki ta di nivel mundial. E torneo lo conta cu paisnan manera Cuba, Republica Dominicana, Panama, Ecuador, Venezuela, Peru, Brasil, Colombia, Argentina y mas cu claro nos seleccion di Aruba. E seleccion nacional tin varios luna den forma intensivo ta preparando pa e gran torneo aki y ta cla pa duna bon bataya na e otro paisnan participante. Aruba Softball Bond a traha desde un principio riba un plan di trabou y maneho pa asina tur cos cana manera debe ser. E seleccion consisti di varios hungadornan hoben a responde bon na e plan aki y ASB sigur ta satisfecho cu e resultadonan di e weganan di fogeo hunga na Aruba mes. Notable ta cu nos seleccion di softball lo habri e torneo contra di Cuba y lo hunga nan ultimo wega diahuebs awor contra di Argentina. Tur clase di exito na nos selecccion di softball den e torneo di Consursa na Monteria, Colombia.

Stichting Sportsubsidie Aruba tambe a yuda subsidia e biahe di e seleccion di softball fast-pitch masculine pa e torneo clasificatorio di Consursa na Monteria, Colombia.

Aruba pa participa den Rhythmic Gymnastics Junior Pan American Championship na Medellin Colombia

Gimnasia ritmico (1).jpg

Seleccion nacional junior di Gimnasia Ritmico lo representa Aruba den e Rhythmic Gymnastics Junior Pan American Championship na Medellin Colombia.

E dianan 30 di april pa 6 di mei pa prome biaha den historia di e deporte Arubano, un seleccion di gimnasia ritmico lo competi den un evento di clasificacion den exterior. Pa e dos atletanan selecciona Dyantha Erasmus y Sarah Oduber esaki sigur lo bira un competencia cu hamas nan lo por lubida mirando cu nan ta e prome dos atletanan cu a haya e oportunidad di representa nan pais den un magno evento di gimnasia ritmico den exterior. Ambos atleta lo competi den e asina yama “Rhythmic Gymnastics Junior Pan American Championship 2018” y alabes lo fungi tambe como un evento Pre Olympic Clasificacion Games.

Gimnasia ritmico (2).jpg

Pa mas cu dos anja, e atletanan Dyantha Erasmus y Sarah Oduber ta entrenando duro cu hopi disciplina y dedicacion bou guia di headcoach Adriana Sevilla. Mirando nan bon preparacion, e oportunidad a presenta pa demostra e miho di nan mes den un competencia di halto nivel mei mei di atletanan prospecto di henter e continente America. No tin duda cu ambos atleta cu hopi entusiasmo sa na representa Aruba dignamente. Hopi exito na e atletanan Dyantha Erasmus, Sarah Oduber y coach Adriana Sevilla.

Stichting Sportsubsidie Aruba a subsidia e delegacion di gimnasia ritmico pa e “Rhythmic Gymnastics Junior Pan American Championship 2018” na Medellin, Colombia.

Atletanan Justice Dreischor y Wuill Vrolijk lo competi den e Grand Prix na Medellin, Colombia.

Atletanan Justice Dreischor y Wuill Vrolijk lo competi den e Grand Prix di atletismo na Medellin, Colombia.

E dianan 26 pa 29 di april proximo, e dos hoben atletanan prospecto den e deporte di atletimo, Justice Dreischor y Wuill Vrolijk lo biaha pa Medellin, Colombia unda nan lo ta competiendo den e Grand Prix di Medellin. E competencia lo ta riba un solo dia esta e diasabra 28 di april. Mester bisa cu e atleta Justice Dreischor lo competi den e disciplina di 800m mientras e atleta Wuill Vrolijk lo competi den su specialidad cual ta Salto Halto. Ambos atleta ta buscando e clasificacion pa e Weganan Centro Americano y del Caribe cu lo tuma lugar den luna di juli y augustus na e ciudad Barranquilla, Colombia.

Mester bisa cu tanto Justice y Wuill ta tremendo atleta den pleno formacion. E atleta Vrolijk a caba di competi den e weganan di Carifta na Bahamas unda e la logra vence den salto halto y tambe den e 1500m. Aña pasa durante di e campeonato mundial di atletismo U20 na Nairobi, Kenya, e hoben atleta di Aruba a sa na duna un tremendo prestacion y logra keda na un di 6 lugar den e disciplina di salto halto. Di otro banda e hoben Dreischor conoci pa ta un multi-atleta a logra bon prestacion den exterior unda e la briya den e disciplina di 800m na Corsow logrando medaya di Oro.

Pa e dos atletanan hoben aki e clasificacion pa e Weganan Centro Americano y del Caribe Barranquilla 2018 lo bira uno hopi importante mirando su magnitud. E weganan aki ta e evento cu nos ta concentra mas riba dje, mas hopi cu tur e otro weganan.

Stichting Sportsubsidie Aruba ta subsidia e delegacion di atletismo pa e Grand Prix Medellin 2018.

Jeandry Mathilda a clasifica pa e Weganan Centro Americano y Del Caribe Barranquilla 2018

12072751_971738306252349_2800240970771164534_n.jpg

Lotto ta felicita atleta di tennis di mesa, Jeandry Mathilda cu su clasificacion pa e Weganan Centro Americano y Del Caribe Barranquilla 2018.

Jeandry.jpg

Despues di a biaha pa Cuba pa e clasificacion pa e Weganan Centro Americano y Del Caribe Barranquilla 2018 cu lo tuma lugar den luna di juli/augustus na Colombia, e atletanan Jeandry Mathilda, Jean Claude Hoek y ChingHo Chung tabata tin e dificil tarea di enfreta e mihonan di Caribe pa asina logra gana e derecho di representa Aruba na e weganan di mas importante pa nos pais.

Mester bisa cu e atleta Jeandry Mathilda a termina na un di tres lugar den e poule di 32 hungador y asina logra su clasificacion pa e Weganan Centro Americano y Del Caribe Barranquilla 2018. E hoben Mathilda a logra yega den e ultimo cuaternan esta e semi-final cual ya a dune e derecho di clasificacion.Mester bisa cu Chingho Chung a sali di 5 lugar den e clasificacion individual y ta e reserva si un clasificado cai afo,e lo haya e oportunidad di bai.Esaki sigur ta un tremendo noticia pa e deporte di tennis di mesa y pa Aruba completo. Aki nos por mira cu e deporte di tennis di mes a ta den bon direccion mientras nos atletanan ta duna bataya y logra nan obhetivonan poni.Masha pabien na Jeandry Mathilda, ChingHo Chung y staf di coachnan y Aruba Table Tennis pa e tremendo logro aki.

Un danki sigur na Lotto, e Loteria di Aruba pa medio di Stichting Sportsubsidie Aruba cu a subsidia e biahe di e delegacion di tenis di mesa pa e clasificacion Weganan CAC na Havana Cuba.