Campeonato

Campeonato Nacional Duathlon 2019

Aruba Triathlon Association ta organisa diadomingo, 15 di september 2019 e GUARDIAN GROUP Duathlon Nacional 2019.

Esaki lo cuminsa pa 7:00 di mainta na Boca Catalina.

Por inscribi via website di ATA: www.arubatriathlon.com,

Inscripcion :

  • Individual Miembro: AWG. 10,-

  • Individual NO Miembro: AWG. 20,-

  • Relay team: AWG. 30,-

Ultimo dia pa inscribi ta: diahuebs, 12 di september 2019 pa 12 or di anochi!!

Esaki ta e conexion cu e order di medayanan pa categoria.

Por favor tene bon cuenta cu esaki!!

Distancia:

  • Kids te cu 14 aña: Run 2.5 km – Bike 10 km – Run 1.5 km

  • Junior & Adulto Male: Run 5 km – Bike 20 km – Run 3 km

  • Female Open 15+: Run 5 km – Bike 20 km – Run 3 km


NOTA: Pago ta sosode e diadomingo mainta 15 di september 2019 prome cu e evento!

Delegacion di biyar a competi den e Campeonato Panamericano di Biyar na Lima, Peru

Febiar.jpg

Recientemente cuater di Aruba su top hungadornan di biyar a competi na Lima, Peru unda a organisa e Campeonato Panamericano di Billar cu a conta cu un participacion grandi di 330 atleta top di henter e continente America cu e ser representa pa 19 pais participando. Pa Aruba a competi e mihor cuater hungadornan di 2019 esta Gunnar Leonardo #1 riba ranking y Campeon bola 8 & bola 10 di 2019, tambe nos a haya Martin Appeldoorn #2 riba ranking y Sub Campeon bola 9 di 2019, Jorge Petrocchi #3 riba ranking y Sub Campeon bola 8 di 2019 y e lista ta sera cu Jorzhino Everon #4 riba ranking y Campeon bola 9 di 2019. Tur hungador lo a hunga tur 3 disciplina cu ta bola 8-9-10 na Lima. Mester bisa cu e meta di nos hungadornan tabata pa logra nan clasificacion pa Campeonato Mundial di biyar na 2020. Tambe Jorge y Jorzhino lo hunga dobbel pa purba clasifica pa mundial otro anja. Nos hungadornan a prepara super bon pa e Panamericano aki unda nan a entrena cinco a seis dia pa siman pa mas o menos 3-4 ora pa dia.

Stichting Sportsubsidie Aruba ta contento di por aporta y brinda e ayudo na e federacion Febiar pa asina nan cuater top atletanan di biyar competi den e Campeonato Panamericano di Biyar na Lima, Peru.

Tri-atletanan di Aruba a luci den e CARIFTA Triathlon & Aquathlon Championship

Triathlon (1).jpg

Tri-atletanan di Aruba a luci den e CARIFTA Triathlon & Aquathlon Championship na Jamaica

Recientemente nos hoben tri-atletanan di Aruba a competi den e CARIFTA Triathlon & Aquathlon Championship na e pais di Jamaica.

Un total di 78 mihor tri-atletanan di e 29 paisnan den Caribe a forma parti di e CARIFTA Triathlon & Aquathlon Championship 2019. Anja pasa tambe nos tri-atletanan a competi na e Carifta esaki pa prome biaha mientras awor nan ta sinti nan mes mucho mas mihor prepara. Team Aruba a sali di 5 luga di e 10 pais nan cu a participa. Na prome lugar a keda Guadeloupe, 2ndo lugar, Barbados, na di 3 lugar Trinidad and Tobago y na di 4 lugar Bermuda. Mayoria pais a bay cu mas di 10 atleta tin di nan a bay cu riba 20 atleta mientras Aruba a bay cu 6 atleta.. No obstante di e cantidad di atleta, nos muchanan a sa di mustra e calidad di triatleta cu tin na Aruba. E hoben Giannon Eights a conkista dos biaha un di 3 lugar esaki den Aquathlon y Triathlon.

E atletanan cu a representa Aruba den femenino Vera-Elise Bakmeyer, Elisabeth Sotelo y Rebecca Jansen mientras den masculino nos tabata tin Christiaan Jansen, Justin Morales y e atleta Olimpico Hubenil, Giannon Eights. E atletanan a ser guia pa coach Nicolaas Robert.

Stichting Sportsubsidie Aruba ta contento di por aporta y brinda e ayudo na e federacion di Aruba Triathlon Association pa asina an atletanan por participa na e CARIFTA Triathlon & Aquathlon Championship na Kingston, Jamaica.

Delegacion di landamento artistico cu logro historico

Artistic Swim (1).jpg

Delegacion di landamento artistico cu logro historico den e UANA Panamerican Artistic Swimming Championship na Windsor, Ontario Canada 

E dianan 19 – 24 di augustus ultimo, nos hoben atletanan femenino den e deporte di landamento artistico tabata na Ontario, Canada unda nan a competi den e UANA Panamerican Artistic Swimming Championship. Aruba a competi cu dos ekipo esta categoria 12 & Under y 13 – 15 aña. Den e categoria 12&U den solo a competi Abizahi  Sanches y Sofia Cardona mientras den ekipo tabata tin e atletanan Alina Dirksz, Silvana Cardona, Amylene Helder, Camila Tromp, Xiana Hoo pa un total di 7 atleta. Pa loke ta e categoria 13 – 15 aña den solo nos a haya, Avigayle Tromp y Angelina Hamoen, mientras e ekipo tabata ta Edianne Croes, Mariajose Salazar, Melanie Tromp, Ariana Dijkhuizen, Mikayla Morales, Amber Silva pa un total di 8 atleta.

Artistic Swim (2).jpg

Mester bisa cu nos atletanan a presta formidable unda den e categoria 13 – 15 anja e duet Mikayla Morales y Avigayle Tromp cu reserva Angelina Hamoen a logra medaya di Brons pa prome biaha den e campeonato di UANA Artistic Swimming tras di representantenan di Mexico y Canada. Tambe e 12&U y e 13 – 15 anja a logra un di 4 lugar den e mesun competencia aki, cual sigur ta un prestacion unico.

Stichting Sportsubsidie Aruba ta contento di por aporta y brinda e ayudo na e federacion di landamento AZB pa asina nan por a competi den UANA Panamerican Artistic Swimming Championship na Windsor, Ontario Canada.

J-rick Maduro a competi den e NACAC U18 Championship 2019

Atleta J-rick Maduro a competi den e NACAC U18 Championship 2019 na Queretaro, Mexico

Recientemente e hoben atleta di coremento, J-rick Maduro di 16 anja a competi den e campeonato di atletismo organisa pa e North America, Central America and Caribbean Athletic Association(NACAC). J-rick a competi den e categoria U18, unda e hoben atleta di coremento a competi den e 1500m y 3000m. Mester bisa cu J-rick a logra un di 7 lugar den e 1500m y un di 5 lugar den e 3000m, cual ta un bon prestacion. Hunto cu J-Rick a biaha coach Kenneth Lucas.

Stichting Sportsubsidie Aruba ta contento di por aporta y brinda e ayudo na e federacion di atletismo, AFF pa asina nan atleta J-rick Maduro por a competi den e NACAC U18 Championship na Queretaro, Mexico.

Delegacion di Tang Soo Do a gana varios medaya

12ad32bc-7bed-46a5-a11a-3e98e239f1cb.jpg

Delegacion di Tang Soo Do a gana varios medaya den e 17th Regional Championship di World Tang Soo Do Association na Panama

Diamars 9 di juli un delegacion di Aruba Tang Soo Do Federation y Gihae Tang Soo do Studio a sali pa un competencia 17th Regional Championship di World Tang Soo Do Association na Panama bou guia di Master Melissa Noguera. E campeonato ta wordo organisa dor di Region #18 Centroamericano y di caribe di WTSDA.  Tabatin varios pais compitiendo incluyendo Costa rica, Panama Puerto rico, Mexico, Merca y Aruba. Cu un total di 200 participante. E nomber di atletanan representado den e seleccion di  Aruba tabata Jaileen Tromp 1st Dan, Shanro Thomas 1st Dan, Joshua Paimino 2nd Dan y Gilberto Boerleider 3rd Dan. Cu solamenre 16 participante Aruba A logra un total di 21 medaya di oro, 11 medaya di zilver, 4 medaya di bronza, 4 grandchampion den faha di color, Grandchampion Junior Male Black Belt Division, Grandchampion Senior Male Black Belt Division

Stichting Sportsubsidie Aruba ta contento di por aporta y brinda e ayudo na e federacion di Aruba Tang So Doo Federation pa asina nan por a competi den e 17th Regional Championship di World Tang Soo Do Association na Panama.

Aruba South Little League lo representa Aruba den e campeonato Del Caribe

66487606_2347668285551653_478625129627123712_n.jpg

Aruba South Little League lo representa Aruba den e campeonato Del Caribe di baseball cu lo tuma lugar na nos isla ruman Corsow.

E anja aki e Aruba South Little League a gana e derecho pa representa nos dushi isla di Aruba den e campeonato di Caribe cu lo tuma lugar na nos ruman isla Corsou. E Little League Baseball Caribbean Regional Tournament 2019 no lo bay ta nada facil mirando cu tur e ekiponan ta fuerte unda cada wega lo bira un bataya riba su mes. E anja aki e torneo lo conta cu paisnan manera Republica Dominicana, Antiqua, Bahamas, Cuba, Jamaica, Boneiro, St. Maarten, Puerto Rico, US Virgin Islands, Corsow y mas cu claro nos propio muchanan di Aruba South. E pais campeon di Caribbean lo tana e derecho di representa su pais den e Famoso Little League World Series na Williamsport na Pennsylvania, Merca conoci tambe como e walhala di baseball Little League y trasmiti pa e cadena mundial di deporte ESPN. Na anja 2011 tabata e prome y ultimo biaha cu Aruba a haya e oportunidad di competi na Williamsport.

Stichting Sportsubsidie Aruba ta contento di por aporta y brinda e ayudo na Aruba Little League pa asina nan por competi den e Little League Baseball Caribbean Regional Tournament 2019 na Corsow.

Campeonato Arubano 2019 den landamento

Campeonato Arubano 2019 den landamento, cu lo tuma lugar dianan 13,14,15 y 16 di juni den Piscina Olímpico Roly Bisslik na Savaneta.

E Campeonato Arubano ta e competencia mas importante riba e calendario anual di eventonan di AZB y ta contene tradicionalmente tur evento y distancia. Clubnan participante lo ta Aruba Dolphins, The Orcas, Sportsz4U m y Stingray Swimming. Reglanan di FINA ta vigente, mientras cu e competencia lo wordo organiza pa y ta bou auspicio di Arubaanse Zwembond.

E diahuebs y diabierna e competencia lo ta den oranan di atardi mientras e diasabra y diadomingo e competencia lo inicia mainta. Ta competi den e siguiente categorianan: 6 ana , 7-8 aña, 9-10 aña, 11-12 aña, 13-14 aña, 15-17 aña, y 18 & over.

Un invitacion cordial ta bay na henter comunidad di Aruba pa bin presencia e competencia Arubaaanse den landamento.

Stichting Sportsubsidie Aruba ta contento di por aporta y brinda e ayudo na e federacion di landamento, A.Z.B. pa asina nan por organisa e campeonato nacional di landamento.