Award

Delegacion di Tang Soo Do a gana varios medaya

12ad32bc-7bed-46a5-a11a-3e98e239f1cb.jpg

Delegacion di Tang Soo Do a gana varios medaya den e 17th Regional Championship di World Tang Soo Do Association na Panama

Diamars 9 di juli un delegacion di Aruba Tang Soo Do Federation y Gihae Tang Soo do Studio a sali pa un competencia 17th Regional Championship di World Tang Soo Do Association na Panama bou guia di Master Melissa Noguera. E campeonato ta wordo organisa dor di Region #18 Centroamericano y di caribe di WTSDA.  Tabatin varios pais compitiendo incluyendo Costa rica, Panama Puerto rico, Mexico, Merca y Aruba. Cu un total di 200 participante. E nomber di atletanan representado den e seleccion di  Aruba tabata Jaileen Tromp 1st Dan, Shanro Thomas 1st Dan, Joshua Paimino 2nd Dan y Gilberto Boerleider 3rd Dan. Cu solamenre 16 participante Aruba A logra un total di 21 medaya di oro, 11 medaya di zilver, 4 medaya di bronza, 4 grandchampion den faha di color, Grandchampion Junior Male Black Belt Division, Grandchampion Senior Male Black Belt Division

Stichting Sportsubsidie Aruba ta contento di por aporta y brinda e ayudo na e federacion di Aruba Tang So Doo Federation pa asina nan por a competi den e 17th Regional Championship di World Tang Soo Do Association na Panama.

Peter van den Brink ta bira ganador di e Campeonato Nacional 2019 di Ahedrez

ahedrez (3).jpg

Durante dos weekend largo, Schaakvereniging Aruba a tene nan campeonato nacional 2019 unda 10 mihor hungadornan activo a bataya pa e premio maximo di Aruba. E weganan sin duda tabata bon y di nivel halto caminda e concentracion y a parti mental a exigi hopi di cada hungador. Tur e weganan a wordo hunga den Surfside Marina na Linear Park. E hungadornan cu a competi pa e titulo mayor den ahedres pa anja 2019 tabata ta Jose (Chelo) Pesqueira, Octavio Croes, Angelo Franken, Brian Diaz, Hubert (Randy) Tromp, Enrique Jacopucci, Maria Diaz, Ilya Stetsenko, Peter van den Brink y Juan Pablo de Mey.

Na final di e dos weekend nan di wega e hungador Peter v/den Brink a logra triunfa cu e prome premio y como e campeon di ahedrez na Aruba. Na di dos lugar a keda Juan Pablo de Mey mientras na di 3 lugar ta keda e hoben Ilya Stetsenko. E hungador veterano Jose Pesqueira a keda na di 4 lugar. Sigur un pabien na tur e finalistanan y tambe e comision organisador di e campeonato nacional di ahedrez 2019.

Stichting Sportsubsidie Aruba ta contento di por aporta y brinda e ayudo na e federacion di Ahedrez, S.V.A. pa asina nan por organisa e Campeonato Nacional 2019 di Ahedrez.

Seleccion di Triathlon di Aruba ta logra varios premio den e Caribbean Championship Triathlon na Miami Florida

61029423_2326551340737594_8344756791929733120_o.jpg

Seleccion di Triathlon di Aruba ta logra varios premio den e Caribbean Championship Triathlon na Miami Florida

Recientemente un seleccion di Aruba Triathlon AssociationGiannon Eights, Rebecca Jansen y Justin Morales a competi den e Caribbean Championship Triathlon na Miami, Florida bou guia di coach Nicolaas Robert y Sandra Postma. E competencia a tuma lugar rba un diadomingo mainta unda Giannon Eights ta logra un 1st place overall, tambe nos tin Justin Morales cu un 2nd place overall y Rebecca Jansen cu un 1st place den e categoria 14-15 anja. E tri-atleta Sandra Postma tambe a logra un 2nd place female overall.

Aruba a bay cu hopi premio den e Caribbean Triathlon Championship na Miami. Sigur un pabien grandi na coach Nico Robert y Aruba Triathlon Association.

Stichting Sportsubsidie Aruba ta contento di por aporta y brinda e ayudo na e federacion di triathlon, ATA pa asina e triatletanan Giannon Eights, Rebecca Jansen y Justin Morales por competi den e Caribbean Championship Triathlon na Miami, Florida

Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana. 

Cumprando Lotto bo ta contribui na deporte riba nos isla. E meta ta pa organisa loteria, cambiabida di su hungadonan y na mes momento inverti den deporte local pa medio di donacionnanna e Stichting Sportsubsidie Aruba.

Tri-atleta Amadee Nicolaas ta logra un prome lugar overall den e Karcher Triathlon na Corsow

61174604_1777386065697672_2859917455667494912_o.jpg

Recientemente e tri-atletanan Incoe Martinus y Amadee Nicolaas a biaha pa nos isla ruman di Corsow unda nan a competi den e Karcher Triathlon. E competencia tabata uno riba e distancia Olimpico cual tabata 1.5km landa, 40km core bicicleta y termina cu un 10km core na pia. Mester bisa cu pa ambos atleta e competencia a bay hopi bon mes unda Amadee Nicolaas a san a triunfa cu un prome lugar y bira e Overall Female Champion Olympic Distance Triathlon. Sin duda un tremendo prestacion di Amadee Nicolaas cu a scirbi un victoria internacional den e deporte di triathlon riba su nomber. E atleta masculine Incoe Martinus a logra un di 5 lugar overall y un di dos lugar den su categoria di edad.

Stichting Sportsubsidie Aruba ta contento di por aporta y brinda e ayudo na e federacion di ATA, pa asina e atletanan Amadee Nicolaas y Incoe Martinus competi den e Karcher Triathlon 2019 na Corsow.

Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana.

Landadonan Lucien Peterson, Ronald Fun y Britta Schwengle a representa Aruba

58462380_1023967794466926_2230101772049842176_o.jpg

Landadonan Lucien Peterson, Ronald Fun y Britta Schwengle a representa Aruba den e CARIFTA OPEN WATER 2019 na Barbados.

57882348_1025563810973991_3328535401689251840_n.jpg

Despues di e triunfa den e competencia di Open Water organisa pa AZB, e landadonan Lucien Peterson, Ronald Fun y Britta Schwengle a haya e oportunidad pa prome biaha participa den e competencia di Carifta Open Water Championship na Barbados. Tur tres landado a competi den e 5km cada uno den nan categoria. Lucien recientemente e competi den e Wegannan di Rosario unda e la landa un tempo magnifico. Den 14 - 15 anja, Ronald Fun a logra un tempo di 1:18:76 y Britta Schwengle den 14 - 15 anja tin un tempo registra di 1:19:24. Hunto cu e atletanan lo biaha coach Roly Bisslik mientras como team manager di open water lo biaha Shayn Fun.

E landado femenino, Britta Schwengle a keda net pafor di e medayanan cu un di 4 lugar. Lucien Peterson den categoria 16-18 a logra un di 8 lugar. E temponan di e promer 8 ta hopi sera. Ronald Fun, como un di e mas hoben nan den su categoria a keda na di 10 lugar.

Stichting Sportsubsidie Aruba ta contento di por aporta y brinda e ayudo na e federacion di landamento AZB cu a participa na e Carifta Swimming Championship na Barbados.

Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana. 

Cumprando Lotto bo ta contribui na deporte riba nos isla. E meta ta pa organisa loteria, cambiabida di su hungadonan y na mes momento inverti den deporte local pa medio di donacionnanna e Stichting Sportsubsidie Aruba.

Mario Lobo ta sigui domina e ranking overall 2019 den e deporte di tennis di mesa

D4S_7260.JPG

E federacion di tennis di mesa, Aruba Table Tennis tur luna ta keda activo unda ta hunga e torneo di ranking di cada luna pa asina e atletanan por defini nan posicion. Den e ultimo dos simannan aki a hunga e ranking di februari den e diferente categorianan. Mas cu claro un di e mas interesantenan ta A-klas unda Mario, Andy, Jeandry y Chingho ta bataya fuerte pa e prome posicion. Mester bisa cu un bes mas Mario Lobo ta dominante y ta bolbe sera un otro luna na prome lugar. E resultadonan final den ranking di februari ta como lo siguiente

Den e Cat U11 nos tin na 1er lugar Dylan de Leca, na di 2do lugar Ethan Fan y na di 3er lugar e keda Chase Fan. Den e Cat U18, na 1er lugar nos ta haya Jeandry Mathilda, na di 2do lugar Johnatan Paredes y na di 3er lugar Josielienne Boekhoudt. Den e Cat A Klas nos ta haya na 1er lugar, Mario Lobo, na di 2do lugar Jeandry Mathilda y na di 3er lugar Chingho Chung. Por ultimo nos tin e Cat B klas unda na di 1er lugar nos tin Wing Chow Leong, na di 2do lugar e keda James Letren y na di 3er lugar a keda Donald Yarzagaray.

Stichting Sportsubsidie Aruba ta contento di por aporta y brinda e ayudo na e federacion di Aruba Table Tennis pa cu nan actividad di Ranking 2019. Alabes ta felicita e atleta Mario Lobo cu ta lidera e table di posicion den 2019.

Prome competencia di Open Water Swimming celebrando Dia di Betico tabata un exito rotundo

AZB (1).jpg

Recientemente Aruba Swimming Federation, AZB a organisa e prome competencia di Open Water na cas di Roly Bisslik na Savaneta. Un total record di 91 landado a inscribi pa asina participa na e competencia cu tabata uno clasificatorio pa e Carifta Games cu e aña aki lo.tuma lugar na Barados. Mester bisa cu e mayoria a competi den e 1km y 3km, mientras un grupo selecta a dicidi di bay e 5km. E trajectoria sigur no tabata facil cu hopi coriente y biento pero asina mes tur hende a haci nan maximo esfuerso pa logra un bon resultado y tempo. E 1km a wordo gana pa Braynsly Dirksz mientras e 3km a wordo gana pa Elisabeth Timmer y e 5km a bay pa Lucien Peterson cu a triunfa anja pasa tambe den e mesun evento aki.

E comision di Open Water Swimming tabata hopi satisfecho cu e acohida di e prome competencia oficial clasificatorio di Open Water na Aruba. E landadonan a responde bon na e evento mientras e evento mes a cana soepel y segun schedule. E promixo competencia di Open Water lo ta rind dine celebracion di nos Himno y Bandera y esaki tambe lo ta un evento clasificatorio, e biaha aki pa e Central American and Caribbean Amateur Swimming Confederation, CCCAN.

Sportsubsidie Aruba ta contento di por aporta y brinda e ayudo necesario na e federacion di landamento cu nan prome actividad oficial di Open Water Swimming local na Aruba.

RESUMEN DI ANJA 2018 di 297sports PARTI 7

Deporte di Resistencia, Massa y Extremo tambe a briya den 2018

E deportenan di Resistencia, Massa y Extremo tambe e briya den 2018 unda mas y mas persona a dicidi di tuma e reto pa wak con bon realmente nan condicion fisico ta. Cada prueba riba su mes tabata pisa pero e statisfacion mas grandi ta ora e met wordo logra.

Total Trail Challenge powered by Total Services Aruba

E Total Trail Challenge powered by Total Services Aruba tabata un careda di 5km cu a pasa den e areanan pisa di Rooi Taki y Cunucu 297. Esaki sin duda tabata un careda cu a exigi hopi resistencia ficiso unda cada coredor a wordo getest riba nan condicion fisico. E careda aki tabata exitoso unda varios coredor elite di Aruba a bay pa e reto.

1st Annual Indian Enduro Race den Mountain bike

E 1st Annual Indian Enduro Race den mountain bike a tuma lugar den e propio Rooi Taki y becindario. Mas cu claro e recorido aki di 5km no tabata nada facil y tabata uno hopi heavy mes. Tipo di caredanan ta exigi cierto preparacion si kier logra resultado satisfactorio. Den e careda aki tambe hopi amante di MTB a challenge nan mes riba un pacour sumamente dificil.

Ambos evento a wordo organisa pa ViperStrong

Ronde van Aruba 2018

E 26 edicion di e Ronde van Aruba – MSK Savanetatabata magistral.

Cada aña e careda aki ta uno mas grandi y mas mihor cu un bon organisacion su tras. Tur anja nos ta experencia momentonan sigur inolvidabel den e Ronde van Aruba organisa pa OS&O MSK Savaneta. Momentonan bunita unda hopi grupo, duo y atletanan individual ta haci un sacrificio grandi pa logra un bon resultado.  E anja aki nos por a mira e coredorJoatham Kock y tambe Alwyn Lanoy cu ta momentonan cu a acapara nos atencion.

 

 

KLM Aruba Marathon

Den luna di juni e KLM Aruba Marathon a haci su debut na Aruba. Mester bisa cu un grupo grandi di canador y coredor a participa na e 5, 10, 21 y 42 kilometer den e area di Marriot, Malmok, Arashi y besindario. Team Sport Caribe Aruba a arasa den e KLM Aruba Marathon 2018. E grupo di atleta patrosina pa Sport Caribe Aruba, cas di e famoso marca mundial Adidas y Reebok a hasi un tremendo papel den e KLM ARUBA MARATHON 2018.

E 42km Full Marathon a wordo gana pa e coredor Jesus Galea(Galea Galea Galea), mientras e 21km Half Marathon a wordo gana pa e atletanan Amadee Nicolaas den e categoria femenino mientras Veronique Veronique ta keda na un di tres lugar. E atleta Romar Arendsz ta keda na di dos lugar den e categoria masculino y Al Kock den e top 8. E 10km a wordo gana pa Kelvin Gama GonzalezGonzales di Viper Strong den e categoria masculino. E 5km a wordo gana pa Zhyon Geerman tambe di Viper Strong. Tambe nos a haya un bon prestacion di henter e grupo di ViperStrong.

Urban Sport Caribe 5k Run

Jonathan Busby y Lana Golbert ta triunfa den e prome Urban Sport Caribe 5k Run.

Bou di un publica grandi di mirones, e prome edicion di e Urban Sport Caribe 5k Run a tuma lugar den Centro di Oranjestad. Alrededor di 450 participante a yega den oranan di atardi Sport Caribe pa asina participa na e Urban Run aki. A inicia cu e 1 Kids Mile Run unda varios mucha muher y homber a race 1.6km den Caya Grandi.

 

Despues a sigui cu e Urban Run and Walk recreativo y competitivo unda e core un total di 5 kilometer den e area di Oranjestad bou di un dushi ambiente. Aki e conocido coredor Jonathan Busby a logra gana e careda net dilanti Giannon Eights y Kelvin Gonzalez. Den e categoria femenino, e prome premio a bay pa Lana Gobert na di dos lugar a keda Kirah Regales mientras na di tres lugar a termina Pauline Vackier.

 

King of The Hill

King of the Hill hopi exitoso

Den un solo palabra pabien!!! E organisadornan di e magno evento King of the Hill por mira tras di un evento super exitoso. Na nos yegada por a ripara cu e King of the Hill lo bay haya su acohida mirando cu tanto e publico y e participantenan a responde den forma masal riba e invitacion. Tabata busca un doño di Hooiberg pero pa bira esaki mester a subi e sero mas liher posibel. Esun mas liher por a yama su mes King of the Hill. 

E hoben triatleta Giannon Eights a lo largo ta e persona cu a subi e sero di Hooiberg mas rapido marcando un tempo di 3.33 cual sigur ta hopi liher mes. No obstante di e awacero cu a basha un rato bastante duro y e trapinan di Hooiberg cu por slip un poco, esaki no a descurasha y stroba e competidornan di registra un bon tempo. Tur tabata determina pa e premio gordo cu tabata warda nan.

E fastest stair man, e Finlandes Mårten Boström a pone un show inolvidabel ora cu e la clock un tempo di 2 minuut y 59 seconde cual ta hopi liher mes. Mester bisa cu Jordy Vinck(3.46), Jorman Munos(3.52) y Romar Arendsz(3.54) ta esnan cu a finalisa tras di e hoben Giannon Eights.

 

Caminata di 4 dia di Aruba Bank

“E Caminata di Aruba” esaki ta e apodo pa e evento annual di Aruba Bank cu ta organisa nan caminata di 4 dia cu cada dia ta sali for di diferente area rond di nos isla. Un caminata cu ta hala mas cu 2500 persona tur anja y cu den un tempo record, kizas 4ora of menos ya ta Sold Out den inscripcion. Mirando e exito y cada bes improvisando con pa haci esaki cada bes mas mihor no tin duda cu den 2019 Aruba Bank su caminata lo bira  The Bomb.

Urataka Run 2018 presenta pa i-Run Aruba

E di dos Urataka Run cu i-Run Aruba a organisa sin duda tabata uno grandisimo. Riba e fecha di  Januari 13 tabata e 5K “URATAKA RUN & WALK”. Esaki originalmente tabata e di 20 edicion di “URATAKA RUN & WALK” cu a cuminsa y caba na Urataka Center/ Best Pizza. E “URATAKA RUN & WALK” a hasi uso di professional timing system mientras tur participante a ricibi su medaya.

 

Fitville 2018 tabata un reto grandi pa mayoria crossfitters den 2018

E Fitville 2018 sin duda tabata uno pisa cu hopi reto. For di e prome dia caba e participantenan mester a inicia cu nan prome ehercicionan mientras pa 10or di anochi tur cos a finalisa. Tur e dianan no tabata nada facil. E diferente ehecicionan a bira un berdadero pesadiya pa hopi participante. Cada buelta tabata manera un e reto nobo. E mayoria participante a tog purba finalisa den e tempo prescribi. E bataya contra holishi no tabata nada facil. E organisadornan di e Fitville a scohe e ehercicionan conciente y apto pa tur cu ta praktica Crossfit na tur nivel. Den 2019 ta premira un otro exitoso Fitville.