Argentinia

Delegacion a sali pa e World Tang Soo Do Argentina Championship 2018

079558f3-db8d-4359-898e-23320b98434b.jpg

Delegacion di Gihae Tang Soo do Studio a sali pa e World Tang Soo Do Argentina Championship 2018 na Buenos Aires, Argentina.

Riba e fecha di 14 di november ultimo, World Tang Soo Do Association a celebra e hecho cu nan a cumpli 36 aña di existencia. Pa cu e celebracion aki un delegacion di Aruba Tang Soo Do Federation y Gihae Tang Soo do Studio a sali pa e competencia Suramericano na Buenos Aires Argentina, bou guia di SBN Melissa Noguera. E campeonato ta wordo organisa dor di Region #23 South America di WTSDA. E campeonato ta yama World Tang Soo Do Argentina Championship 2018 cu ta celebra nan 30 aña di existencia.

Mester bisa cu varios pais lo competi na e campeonato incluyendo Argentina, Chile, Ecuador, Merca y Aruba. E atletanan cu lo representa Aruba ta Gilbert Geerman y Iriëla Kelly ambos 1ste Dan. Prome cu competenicia lo tin un cena celebrando 30 aña di existencia di WTSDA ARGENTINA. E competencia mes lo tuma lugar Diadomingo 18 di November na Buenos Aires.

Lotto, e loteria di Aruba pa medio di Stichting Sportsubsidie Aruba a yuda subsidia e delegacion di Aruba Tang Soo Do Federation y Gihae Tang Soo do Studio pa e competencia Suramericano na Buenos Aires, Argentina.

Hungadornan di biyar Gunnar Leonardo, Martin Appeldoorn y Jason Kock lo hunga e Panamericano Pool Argentina 2018

Hungadornan di biyar Gunnar LeonardoMartin Appeldoorn y Jason Kock lo hunga e Panamericano Pool Argentina 2018 na Buenos Aires, Argentina.

Oranjestad, Aruba 20 di augustus 2018. Despues di a hunga henter e campeonato di Febiar Aruba na Aruba unda a bataya durante varios luna largo den e campeonatonan 8 ball, 9 ball y 10 ball, e tres hungadornan cu a triunfa den e dicho torneonan menciona a sali pa Argentina. 
Tanto Gunnar, Martin y Jason lo representa Aruba den un elenco di biyar grandi den nos continente. E weganan ta schedule como lo siguiente 8 ball 16-17 aug, 10 ball 18-19 aug y
9 ball 20-21 aug.

Recientemente nan a sali pa Argentina unda nan lo competi den e Panamericano di biyar porcierto e campeonato mas grandi di e continente aki. Alrededor di 500 atleta di henter e continente America lo bini hunto pa mira ken lo por yama su mes e miho biyarista Panamericano. E tres atletanan di Aruba ta esnan cu a gana e derecho di representa nos isla mirando cu nan a gana torneonan local valido pa e clasificacion final pa dicho weganan. E atletanan Gunnar Leonardo, Martin Appeldoorn y Jason Kock Marc a gana e torneonan organisa pa Febiar mientras riba ranking nan a score hopi bon.

Den pasado, Aruba a logra un titulo como campeon den e Panamericano di Biyar unda e atleta Ditto Acosta a gana un contrincante di Venezuela pa titula campeon. Na 2003 un bes mas e propio Ditto Acosta ta sali sub-campeon. Esakinan tabata e miho resultado obteni pa nos atletanan di biyar den e Panamericano di biyar cu a inicia desde 1999.

Stichting Sportsubsidie Aruba a yuda subsidia e biahe di e delegacion di biyar pa e campeonato Panamericano di Biyar na Buenos Aires, Argentina.

Lotto, e loteria di Aruba tin diferente wega; Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e weganan di Raspa y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

Cuater ciclista lo permanence pa 40 dia den un campo di entrenamento na Salta, Argentina

fda7df57-16e4-4506-8269-e5a6ae5cbdcd.jpg

Recientemente Aruba Wieler Bond a duna un oportunidad unico na 4 ciclista,cu ta practica e disiplina di ruta, pabiaha pa Salta, Argentina, unda cu pa un tiki mas cu 1 luna nan losigui un campodi entrenamento bou guia profesional como tambe participa na caredanan di ciclismo contra di top coredornan di Sur America. E cuaterhoben atletanan cu a haya e oportunidad aki ta ciclistanan cu sigur ta conoci den e mundo di bicicleta na Aruba y ta sobresali den varios competencianan bishita.

E cuater ciclistanan Ruson Gonzalez, Akeem Kock, Anthony Wilson y Reegel Winklaar, bouguia di entrenador nacional di ciclismo di ruta, sr. Gabriel Diaz lo permance pa 40 dia na Salta, Argentina pa asina engrandese nan conocimento riba e materia aki y sin lubida e nuebecompetencianan cu lo mester core den e districto di Salta na Argentina. Mirando e nivel di e campo di entrenamento aki no tin duda cu nos ciclistanan lo gana un tiki mas experencia y purba na hisa nan propio nivel di coremento door di aplica tur loke nan a sinja durante di e 40 dianan aki. Manera cu e wordo bisa cu e actividadnan realisa ta fundamental pa e formación y e crecimiento di e ciclistanan. No mester lubida cu cada dia ta wordo entrena na nivel halto mei mei di atletanan di alto rendimento cu nos por sinja masha hopi mes di dje. E competencianan lo sirbi pa midi nos nivelcu otro coredornan junior den e continente Sur Americano.

Keda cuarenta dia den exterior como hoben no ta nada facil mirando e estudio, famia, ect, pero e sacrificio cu cada un di e hoben aki ta hasi pa kizas yega na un sonjo ta di aplaudi mescos cu e apoyo ricibi di nan mayornan cual ta un hecho di respeta.

Stichting Sportsubsidie Aruba ta subsidia e delegacion di ciclismo pa e campo di entrenamento na Salta, Argentina.