Landamento

Campeonato Arubano 2019 den landamento

Campeonato Arubano 2019 den landamento, cu lo tuma lugar dianan 13,14,15 y 16 di juni den Piscina Olímpico Roly Bisslik na Savaneta.

E Campeonato Arubano ta e competencia mas importante riba e calendario anual di eventonan di AZB y ta contene tradicionalmente tur evento y distancia. Clubnan participante lo ta Aruba Dolphins, The Orcas, Sportsz4U m y Stingray Swimming. Reglanan di FINA ta vigente, mientras cu e competencia lo wordo organiza pa y ta bou auspicio di Arubaanse Zwembond.

E diahuebs y diabierna e competencia lo ta den oranan di atardi mientras e diasabra y diadomingo e competencia lo inicia mainta. Ta competi den e siguiente categorianan: 6 ana , 7-8 aña, 9-10 aña, 11-12 aña, 13-14 aña, 15-17 aña, y 18 & over.

Un invitacion cordial ta bay na henter comunidad di Aruba pa bin presencia e competencia Arubaaanse den landamento.

Stichting Sportsubsidie Aruba ta contento di por aporta y brinda e ayudo na e federacion di landamento, A.Z.B. pa asina nan por organisa e campeonato nacional di landamento.

Landadonan Lucien Peterson, Ronald Fun y Britta Schwengle a representa Aruba

58462380_1023967794466926_2230101772049842176_o.jpg

Landadonan Lucien Peterson, Ronald Fun y Britta Schwengle a representa Aruba den e CARIFTA OPEN WATER 2019 na Barbados.

57882348_1025563810973991_3328535401689251840_n.jpg

Despues di e triunfa den e competencia di Open Water organisa pa AZB, e landadonan Lucien Peterson, Ronald Fun y Britta Schwengle a haya e oportunidad pa prome biaha participa den e competencia di Carifta Open Water Championship na Barbados. Tur tres landado a competi den e 5km cada uno den nan categoria. Lucien recientemente e competi den e Wegannan di Rosario unda e la landa un tempo magnifico. Den 14 - 15 anja, Ronald Fun a logra un tempo di 1:18:76 y Britta Schwengle den 14 - 15 anja tin un tempo registra di 1:19:24. Hunto cu e atletanan lo biaha coach Roly Bisslik mientras como team manager di open water lo biaha Shayn Fun.

E landado femenino, Britta Schwengle a keda net pafor di e medayanan cu un di 4 lugar. Lucien Peterson den categoria 16-18 a logra un di 8 lugar. E temponan di e promer 8 ta hopi sera. Ronald Fun, como un di e mas hoben nan den su categoria a keda na di 10 lugar.

Stichting Sportsubsidie Aruba ta contento di por aporta y brinda e ayudo na e federacion di landamento AZB cu a participa na e Carifta Swimming Championship na Barbados.

Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana. 

Cumprando Lotto bo ta contribui na deporte riba nos isla. E meta ta pa organisa loteria, cambiabida di su hungadonan y na mes momento inverti den deporte local pa medio di donacionnanna e Stichting Sportsubsidie Aruba.

Atleta Giannon Eights a triunfa den e prome evento di Off Road Aquathlon 2019

D4S_6794.JPG

Diadomingo mainta tempran alrededor di 80 participante a acudi na Arashi pa asina participa na e prome evento di Off Road Aquathlon den 2019. Tabata tin dos categoria unda den Supersprint e participantenan mester a core 2.2km, despues landa 375 meter y caba cu un recorido di 1.3km na pia. Den e categoria Sprint e participantenan mester a core 4.4km, landa 750 meter y caba cu un recorido di 2.6km na pia. Mas cu claro e Off Road Aquathlon no tabata nada facil sigur na comienso ora mester a core den e santo blanco pisa pa despues landa den un lama basta bruto cu olanan halto. Asina mes e mayoria a haci todo lo posibel pa pone un bon tempo y surpasa na propio marca. Mas cu claro e Kidsnan tambe a haci un tremendo trabou. Cada dia e interes ta creciendo serca nos muchanan cu ta gusta e reto. E hoben triatleta Giannon Eights a logra gana esaki cu un record personal.

Stichting Sportsubsidie Aruba ta contento di por aporta y brinda e ayudo na e federacion di Aruba Triathlon Association pa cu nan actividad di Off Road Aquathlon 2019. Alabes ta felicita e atleta Giannon Eights cu a logra conkista un prome lugar.

Atletanan cu lo representa Aruba den e Weganan Sur Americano de Playa Rosario 2019 ta conoci.

eddie_toro.jpg

E aña aki, Aruba lo competi den tres wega importante faltando 1 aña pa sera e ciclo deportivo na Tokyo 2020. Den luna di maart proximo nos atletanan lo competi den e Weganan Sur Americano de Playa na e ciudad di Rosario, Argentina. Despues di varios aña di cambionan di fecha y cuidad sede, porfin lo continua cu e weganan di playa den e continente Sur America.

E pais di Argentina a host aña pasa e Weganan Olimpico Hubenil na Buenos Aires cu tabata un exito rotundo y no tin duda cu e ciudad di Rosario ta cla pa ricibi e aproximadamente 2000 atleta procedente di 14 pais den Sur America, entre nos dushi isla di Aruba.

Aruba lo competi den cuater ramo di deporte esta Beach Tennis femenino y masculino, Beach Volleyball femenino y masculino y Open Water Swimming. Nos delegacion lo consisti di e siguiente 10 atletanan.

Nos tin como Beach Tennis e atletanan Sander Castro hunto cu Aksel Samardzic ken lo ta forma e duo masculino y pa e duo femenino Maud Iza Celaire lo bai hunga cu Dominique Hopman. Den e parti di Beach Volleyball nos tin e atletanan Masculino Fransua Angela y Eddy Toro y den femenino nos tin Mali Rafini y Shekeva Jones. Pa e Open Water Swimming nos lo tin e atletanan Lucien Peterson y Florence Kock.

Como comision tecnico di COA lo biaha, Beto Thiel mientras pa e asistencia medico nos lo tin Francis Maduro. Vice presidente Wanda Broeksma lo representa Comite Olimpico Arubano na e Weganan di Playa. Na banda di e delegacion di atleta y diregentenan nos tin como Hefe di Mision, Sr. Junior Dake.

Prome competencia di Open Water Swimming celebrando Dia di Betico tabata un exito rotundo

AZB (1).jpg

Recientemente Aruba Swimming Federation, AZB a organisa e prome competencia di Open Water na cas di Roly Bisslik na Savaneta. Un total record di 91 landado a inscribi pa asina participa na e competencia cu tabata uno clasificatorio pa e Carifta Games cu e aña aki lo.tuma lugar na Barados. Mester bisa cu e mayoria a competi den e 1km y 3km, mientras un grupo selecta a dicidi di bay e 5km. E trajectoria sigur no tabata facil cu hopi coriente y biento pero asina mes tur hende a haci nan maximo esfuerso pa logra un bon resultado y tempo. E 1km a wordo gana pa Braynsly Dirksz mientras e 3km a wordo gana pa Elisabeth Timmer y e 5km a bay pa Lucien Peterson cu a triunfa anja pasa tambe den e mesun evento aki.

E comision di Open Water Swimming tabata hopi satisfecho cu e acohida di e prome competencia oficial clasificatorio di Open Water na Aruba. E landadonan a responde bon na e evento mientras e evento mes a cana soepel y segun schedule. E promixo competencia di Open Water lo ta rind dine celebracion di nos Himno y Bandera y esaki tambe lo ta un evento clasificatorio, e biaha aki pa e Central American and Caribbean Amateur Swimming Confederation, CCCAN.

Sportsubsidie Aruba ta contento di por aporta y brinda e ayudo necesario na e federacion di landamento cu nan prome actividad oficial di Open Water Swimming local na Aruba.

Aruba Triathlon Association lo habri e temporada nobo cu un warm-up triathlon

D5A_5263.JPG

Diadomingo 20 di januari proximo, Aruba Triathlon Association lo organisa nan prome actividad pa loke ta e calendario deportivo di aña 2019. Manera custumber e federacion di triathlon lo habri e aña cu un Warm-up Sprint Triathlon pa tur e fiel amantenan di landamento, core bicicleta y core na pia. E actividad di Warm-up Sprint Triathlon lo inicia pa 7or di mainta na Boca Catalina unda cu por spera un cantidad grandi di competidornan den tur edad y categoria y asina engrandese e prome actividad di aña 2019.

Por competi den Super Sprint Keds te cu 14 anja, Sprint Junior y Adulto Male, Sprint Female Open 15+. E categorianan di mucha, junior y adulto, por participa Individual of den Team di Relevo. E distancia cu lo wordo recori ta como lo siguiente mucha te cu 14 aña a landa 375m, core bais 10km y core na pia 2.5km, mientras den Junior/Adulto esaki lo ta landa 750m, core bais 20km y core na pia 5km y e female 15+ lo landa 750m, core bais 20km y core na pia 5km. E deporte di triatlon a conoce un bon aña deportivo 2019 cu hopi actividad organisa pa nan miembronan y sigur tkambe un Aruba International Triathlon cu tabata exitoso. E calendario di actividad di 2019 ta premira di bira uno bon cu hopi evento di triatlon mes sin lubida, duathlon, sprint triatlon, kids triatlon y off road triatlon. Tambe no por keda sin menciona e competencianan den exterior cu nos tri-atletanan lo bishita.

Sportsubsidie Aruba ta contento di por aporta y brinda e ayudo necesario na e federacion di triathlon pa henter nan calendario di actividad den 2019.

Deporte di landamento cu un super bon anja 2018

E anja 2018 tabata un tremendo anja pa nos landadonan di Aruba. Den tur tres disciplina esta landamento, artistic swimming y Open water, Aruba a san a briya formidabelmente.

 

CARIFTA

Den e Carifta Championship na Jamaica, landamento y artistic swimming a araza den medaya. Tanto Flory Kock, Keeley Maduro, Anahi Schreuders, Elisabeth Timmer y Daniel Jacobs ta logra gana medayanan di Oro, Plata y Brons.

Di nan banda artistic swimming den U12 nan ta logra gana varios medaya den e Carifta Swimming Championship na Jamaica y e nos seleccion senior ta logra clasifica pa e Weganan Centro Americano y del Caribe mientras e duet di Abigail y Anastacia ta logra un lugar riba e podium conkistando un medaya di plata.

 

CCCAN
Team Aruba ta titula campeon overall di CCCAN 2018

Nos seleccionnan di landamento, landamento artistico y Open Water cu a logra e prome lugar overall den e CCCAN 2018. Nos dushi isla di Aruba a host un di e campeonatonan mas grandi den nos region cu ta e Central American and Caribbean Amateur Swimming Confederation(CCCAN). Durante 12 dia largo 479 atleta for di 24 pais a competi contra di otro den e tres disciplinanan di landamento cu ta landamento artistico, landamento y Open Water.

Mester bisa cu e prestacion di team Aruba tabata uno formidabel esaki den tur tres disciplina. Tanto den landamento, landamento artistico y Open Water nos landadonan a subi podium ganando numeroso cantidad di medaya. Cu 1301.5, Aruba ta gana e competencia maximo di e CCCAN 2018, lagando paisnan grandi manera Trinidad and Tobago, Colombia, Panama y Costa Rica su tras. 

Notabel ta cu e seleccion di landamento artistico a arasa di premio unda a domina e competencia internacional. Cu nos 13 medayanan di Oro den e diferente categorianan conkista, e landamento artistico di Aruba a demostra cu nan ta keda un di e mihor paisnan den e region di Caribe y Centro America. E hobencita Mikayla Morales y e mas experiencia Kyra Hoevertsz a logra un total di 4 medaya di Oro cada uno mientras Zahira Varis, Annastasia van Daal, Kainah Croes y Abigail de Veer a logra dos medaya di Oro pa Aruba. Den team, Aruba ta logra medaya di Oro den e categorianan 12 & Under y 13 – 15 anja. 

Pa loke ta e landamento Aruba a termina na unda 3 lugar overall cu 12 medaya di Oro, 17 medaya di Plata y 12 medaya di Brons. E paisnan di Colombia y, Bahamas so a termina dilanti Aruba. Pa loke ta e prestacion di nos atletanan di landamento mester bisa cu e atleta Daniella van den Berg a logra triunfa cu 2 medaya di Oro mientras cu Patrick Groters a logra gana 2 medaya di Oro. Remarcabel ta cu Aruba sin duda tabata fuerte un bes mas den e estafette/relay caminda nos a landadonan a triunfa cu no menos cu 7 medaya di Oro. A logra esaki den e mixed relay 18+ cu Ally Ponson, Gaby Ponson, Jordy Groters y Patrick Gorters, den mucha homber 18+ cu a logra 3 medaya di Oro cu Mikel Schreuders, Jordy Groters, Patrick Groters, Derrick Bransford y George den Dunne, den mucha muher 18+ a logra 2 medaya di Oro cu Allyson Ponson, Gaby Ponson, Daniella van den Berg y Andrea van den Berg. Por ultimo nos a haya e categoria di mucha muher 15 -17 cu e cuarteto conoci como e Golden Girls cu a logra 2 medaya di Oro cu Keeley Maduro, Flory Kock, Elisabeth Timmer y Anahi Schreuders. 

Den Open Water nos landadonan a hasi un tremendo papel cu Daniela van den Berg, Flory Kock y Roland Fun como e landadonan cu a subi podium. E landado Daniela van den Berg a gana e competencia di 5km femenino y logra e medaya di Oro, Flory Kock a keda number 3 bon pa e medaya di Brons mescos Ronald Fun cu tambe a gana medaya di Brons den su categoria. Overall Aruba a keda na di 5 lugar den e competencia Open Water.

 

Weganan Centro Americano y Del Caribe BARRANQUILLA/CALI 2018

E landado Mikel Schreuders ta logra medaya di Plata mientras e duet di artistic swimming, Abigail de Veer y Kyra Hoevertsz ta logra e medaya di Brons pa Aruba.

Clinica di Open Water organisa pa e federacion di landamento, A.Z.B.

E dianan 13 pa 16 di December proximo, Arubaanse Zwembond lo organisa un clinica di Open Water Swimming pa e Open Water Officials. Inicialmente e clinica mester a tuma lugar durante di e campeonato CCCAN algun luna atras na Aruba pero awor lo ta e dianan menciona. For di exterior lo bin un orador cu lo maneha e clinica aki den persona di e presidente di Comision Tecnico di Open Water di CCCAN y UANA, Sr. Tomas Haces. Durante 4 dia largo e cursistanan lo haya un programa consisti di un gran parti theoria mientras e ultimo dia lo ta uno praktico.

E Open Water Swimming ta birando popular bou di nos propio landadonan. Den e competencia recientemente teni door di Aruba Dolphins Swimming un cantidad grandi di landadonan a participa na e evento aki cu cada bes ta crece den participacion.

Stichting Sportsubsidie Aruba ta contento di por aporta y brinda e ayudo necesario na e federacion di landamento pa nan clinica di Open Water Officials. Stichting Sportsubsidie Aruba a yuda subsidia e clinica di Open Water.