Core Cabay

Feria Betico Croes 2019 den e deporte di cabay

OCA.JPG

E dianan 25 pa 27 di januari, esta diabierna, diasabra y diadomingo, e Organisacion Caballista Arubano, OCA lo organisa nan Feria Betico Croes, celebrando asina Dia di Betico 2019 esaki na e pista nobo di Rancho Bello Amanecer. E tres dianan di e feria aki lo wordo celebra den un localidad completamente diferente y nobo. E prome dos dianan lo tin competencia di cabay den modalidad di duenos, unda e campeon di nos isla ruman Corsow lo ta presente. Diadomingo lo tin e competencia di jinetes y amazonas di Aruba y Corsow. E ekipo di Corsow lo bin cu un ekipo di mas o menos 20 participante pa competi den e prome feria di anja na Aruba.

Aña pasa den e competencia di Interpaso 2018, Aruba su representatenan a score un bes mas logrando varios premio di honor entre e competidornan den nos region. Mas cu claro nos mihor jinete y amazonanan den e categoria infantil y hubenil lo tey pa asina sigura un bon puesto. Ta invita henter e pueblo di Aruba pa bin presencia un tremendo spectaculo di show di cabay na e rancho nobo Bello Amanecer situa na Papaya.

Stichting Sportsubsidie Aruba ta contento di por aporta y brinda e ayudo necesario na e federacion OCA pa cu nan prome actividad den 2019 esta e Feria Betico Croes.

Competencia di Feria Internacional Interpaso na Aruba

21731428_704646779732364_8887532598880596127_o.jpg

Pa di 33 biaha lo organisa e competencia di Feria Internacional Interpaso na Aruba.

Den e fin di siman benidero, Villa Floralina, lo ta un bes mas e cas di e Feria Internacional, Interpaso 2018. E feria ta uno mundialmente conoci y e biaha aki atrobe ta premira un asistencia grandi pa loke ta e participacion internacional pa e competencia di cabay na Aruba. Durante tres dia largo cuminsando diabierna awor lo bay tin competencia den tur modalidad sin lubida e ambiente unico cu e Feria Internacional di Paso Fino so por ofrece.

Mester bisa cu pa varios luna e Organisacion Caballista Arubano, OCA ta preparando pa e competencia di cabay mas grandi riba nos isla. Nos propio competidornan local ta cla pa e competi contra e mihonan den nos region. Paisnan participante na e Interpaso 2018 lo ta Colombia, Republica Dominicana y Corsow. Nos amazona y jinetenan semper a duna bon presentacion y logra premionan grandi den e competencianan di Interpaso teni na Aruba. E anja 2018 te cu awor aki, Aruba su amazona y jinetenan a conoce un tremendo temporada unda nan a sa na triunfa cu varios titulo di taya den competencianan internacional teni entre otro na Merca y Colombia cu ta paisnan conoci pa e deporte di Paso fino.

Lotto, e loteria di Aruba pa medio di Stichting Sportsubsidie Aruba a yuda subsidia e competencia di Interpaso 2018 organisa pa Organisacion Caballista Arubano(OCA).

Felicitacion pa delegacion di Organisacion Caballista Arubano cu e premionan logra den e mundial di equitacion

Lotto ta felicita e delegacion di Organisacion Caballista Arubano cu e premionan logra den e mundial di equitacion na Ocala, Florida(US)

Resultado final pa Aruba: Dos titulo mundial y Oro, un Plata y dos Brons. Recientemente e federacion di OCA a biaha cu un seleccion di jinete y amazona pa e mundial di equitacion cu e aña aki a tuma lugar na Ocala, Florida Merca. Ya pa varios aña Aruba ta conoci pa ta un di e mihornan den e deporte aki mientras nos atletanan ta logra cay den premiacion na varios ocasion. Mester bisa cu e seleccion aki a entrena varios luna bou guia di un coach internacional Jorge Romero y a prepara nan mes den e miho forma posibel pa e mundial aki.

Pa loke ta e competencia mes nos tin cu bisa cu e amazonanan Melanie Wever y Alina Mansur a logra gana e premio maximo y pone e mundial riba nan nomber. Notable ta pa Melanie esaki tabata di 8 titulo mundial y su di cuater sigui mientras Alina tambe a logra e titulo mundial na dos ocasion. E amazona Zoey Arendsz a gana e medaya di Plata den su di dos aparicion den un mundial mientras e amazona Genesis Pietersz a gana e medaya di Brons mescos tambe e jinete Jordy Wever cu tambe ta logra medaya di Brons. Pa Genesis esaki tabata su di dos participacion mientras Jordy Wever ta logra subi pódium den su prome competencia grandi.

Lotto pa medio di Stichting Sportsubsidie Aruba ta masha contento y sigur orguyoso di por a aporta grandemente na e seleccion di equitacion di Aruba pa e campeonato mundial na Ocala, Florida. Nos amazona y jinitenan a representa nos isla dignamente y a demostra cu nos ta un di e mihonan den e deporte aki logrando dos titulo mundial y varios otro premio mas. Un palabra di pabien na e federacion, atleta y coachnan y sin lubida mayornan.

Feria Himno y Bandera den e deporte di cabay

OCA.JPG

Feria Himno y Bandera den e deporte di cabay lo ta 24 y 25 di maart proximo na Villa Floralina

Despues di e exitoso celebracion di e competencia di OCA patras di Centro Deportivo Betico Croes na Sta Cruz, celebrando Dia di Betico awor un bes mas OCA lo organisa un otro feria pa tur nan miembronan. Manera un tradicion di tur aña, e Organisacion Cabayista Arubano, O.C.A. un bes mas lo conmemora nos Dia Nacional Himno y Bandera cu un tremendo competencia di cabay na Villa Floralina. E feria di cabay celebrando nos himno y nos bandera lo wordo teni riba dos dia esta 24 maart y 25 di maart proximo.

Riba e diasabra e competencia competencia di cabay pa nos amazona y jinetenan esaki pa 6ordi atardi. Pa su mañan diadomingo e feria lo ta den orarnan di atardi esaki pa nos amazona y jinetenan mucha y hobenesaki pa3or di atardi. Ta bon pa menciona cu for di awor caba nos por a presencia e diferente amazona y jinetenan hunto cu nan cabaynan ta entrena casi tur dia pa asina duna nan miho presentacion riba e dia di competencia na Villa Floralina.

Ya pa algun anja caba e Organsacion Caballista Arubano, OCA ta traha riba den bon forma riba desaroyo di e deporte aki na Aruba. E resultadonan internacional ta papia pa su mes cu varios titulonan mundial logra den e ultimo anja nan pa diferente jinete y amazona den tur edad y categoria.

Stichting Sportsubsidie Aruba ta subsidia e Feria Nacional di OCA celebrando asina nos Dia Nacional Himno y Bandera 18 di maart.

Lotto ta felicita Org. Caballista Arubano cu nan Feria Betico Croes 2018 teni na Centro Deportivo Betico Croes

oca (7).jpg

For di ora cu a anuncia cu e Feria Betico Croes 2018 lo wordo teni riba e tereno patras di Centro Deportivo Betico Croes tur amante di e deporte di cabay tabata ancioso pa mira ta con e pista y henter e area lo keda pa dicho competencia. Mester bisa cu desde e prome dia caba tur hende tabata satisfactorio y positivo riba e forma con tur cos a wordo hinka den otro. Comentarionan tabata bon sigur mirando cu e tabata uno completamente diferente cu un rancho cual tur hende ta custuma cune caba. Pues tanto pa e cabay como e amazona y jinetenan e tabata algo nobo. Mas cu claro hende ta gusta ta den nan zona comfortable pero tin biaha ta bon papurba algo diferente.

Pa loke ta e resultado di e Feria Betico Croes mester bisa cu den Youth Horsemanship, e prome lugar a bay pa Marley Ras y e di dos lugar a keda Fenne Nauta. Den Amazonas Principiante 12-14, e prome lugar a bay pa Nayzah Pina mientras den Amazonas 9-11, como e mihor a keda Alani Nicholson y prome Courtney Irausquin. Den Jinete 9-11, a keda mihor: Mathijs Peet. Den e categoria Amazonas 12-14, como e Mihor nos a haya Ashley Weijers, Prome a keda Genesis Pietersz, Segundo: Gabriella Piazzi, Tercer: Alina Kock y Cuarto: Ivana Weijers. Den e categoria Amazonas 15-17, nos a haya como e Mihor: Melanie Wever, Prome: Zoey Arends, Segundo: Elizabeth Johnson y Tercer: Aaliyah Acosta. Den Jinetes 15-17 como e Mihor: Errion Kock. Pa loke ta Amazonas 18-20, como e Miho: Noelani Figaroa, Prome: Leeza Figaroa y Segundo: Eva Pols. Den e categoria Jinetes 18-20, como e Miho: Willem Werleman, Prome: Gianluca Curiel y Segundo: Dwayne Chirino. Den e Jinetes 21-24 como e Miho: Jordy Wever.

Un danki sigur na Lotto, e Loteria di Aruba pa medio di Stichting Sportsubsidie Aruba cu a subsidia e eventonan deportivo denconexion cu e celebracion riba Dia di Betico. Tur aña mayoria federacion tin riba nan calendario un evento deportivo riba 25 di januari, celebrando asina e fecha natal di e gran estadistica Arubano.

Feria Betico Croes 2018 den e deporte di cabay na Centro Deportivo Betico Croes

Paso Fino.jpg

E dianan 20 y 21 di januari, esta diasabra y diadomingo awor, e Organisacion Caballista Arubano, OCA lo organisa nan Feria Betico Croes, celebrando asina Dia di Betico 2018. E dos dianan di e feria aki lo wordo celebra den un localidad completamente diferente cu nos comunidad na custuma cune. E biaha aki OCA a dicidi di organisa su feria den Centro Deportivo Betico Croes na Sta Cruz. E diasabra 28 di januari lo tin e gran competencia pa cabay di tur modalidad, jinetes y amazonas principiante y dueños montados. Pa su diadomingo 21 di januari lo tin e competencia di youth horsemanship, jinetes y amazonas avanza cual puntuahe lo conta pa forma seleccion di mundial y mayor de 25 aña.

Mester bisa cu lo spera un participacion masal manera semper ta e caso den e competencianan di cabaya organisa pa OCA. Aña pasa den e competencia di Interpaso 2017, Aruba su representatenan a haci un tremendo papel logrando varios premio di honor entre e competidornan den nos region. Mas cu claro nos mihor jinete y amazonanan lo tey pa asina sigura un bon puesto riba e tabla di puntuahe pa loke ta e formacion di seleccion pa e proximo mundial na Ocala, Florida. Ta invita henter e pueblo di Aruba pa bin presencia un tremendo spectaculo di show di cabay den curazon di Sta Cruz esta na Centro Deportivo Betico Croes.

Un danki sigur na Lotto, e Loteria di Aruba pa medio di Comision di Subsidio cu a subsidia e eventonan deportivo en conexion cu e celebracion riba Dia di Betico. Tur aña mayoria federacion tin riba nan calendario un evento deportivo riba 25 di januari, celebrando asina e fecha natal di e gran estadistica Arubano.

"Festival Equino" ta ultimo competencia den 2017 di Organisacion Caballista Arubano, OCA

6M7A4272.JPG

Den e weekend venidero e dianan 9 y 10 di december lo tuma lugar e Festival Equino, cual lo bira e ultimo competencia pa loke ta e calendario di e federacion di OCA. Lo bay tin dos categoria esta cabay menor di sesenta luna y mayor di sesenta luna esaki pa cada modalidad, mientras e prome tres puestonan lo pasa pa e gran final.

E diadomingo den oranan di atardi lo inicia cu e categorianan di mucha y hobennan esta principiante como tambe e categorianan di Jinetes & Amazonas. Special pa e evento aki lotrece un juez renombra di Puerto Rico.

Den e aña 2017, e Organisacion Caballista Arubano, OCA a organisa un total di 8 competencia local di cual e Interpaso 2017 den luna di september como esun di mas grandi. Tambe a bishita 3 competencia den exterior cual tabata na Pereira, Colombia, Spectrum International na Miami, Florida y e Mundial na Bogota, Colombia. Mas cu claro e prestacion di nos Amazona y Jinete ta sobresali unda nan ta logra conkista premionan grandi den exterior, como esun mas memorabel e 30 premionan logra den e Spectrum International na Miami, Florida. E aña ako tambe OCA tabata tin Melanie Wever y Willem Werleman como nominado den e prestigioso Premio Excelencia den Deporte unda Aruba ta reconoce su miho atletanan di aña. Den 2018 un bes mas e calendario di OCA lo ta basta ocupa cu competencianan na nivel nacional y internacional.

Un danki sigur na Lotto, e Loteria di Aruba pa medio di St. Sportsubsidie Aruba cu a subsidia e e ultimo competencia di e calendario di OCA, esta e Festival Equno 2017.

Exitoso Feria Internacional Interpaso 2017 cu a celebra 32 anja di existencia

6M7A4391.JPG

Recientemente, Villa Floralina tabata e cas di e Feria Internacional, Interpaso 2017 cu a gosa di un acohida enorme. Durante tres dia largo tabata tin competencia den tur modalidad combina cu e ambiente unico cu e Feria Internacional di Paso Fino so por a ofrece esnan presente. Pa varios luna e Organisacion Caballista Arubano, OCA a prepara nan mes pa e competencia di cabay mas grandi riba nos isla. Aruba a competi contra paisnan grandi manera Colombia, Republica Dominicana y Corsow.

Mester bisa cu Aruba a hasi un trmendo papel logrando varios premio maximo durante di e tres dianan di competencia. Mas cu claro e competidornan di exterior tabata di un nivel super bon y a sa na duna bon prestacion cu a cay na agrado di e huradonan di exterior. Den varios categoria manerahorsemanship, principiante amazona,principiante jinete, Duenos Montados , Jinetes Aficionados 21-24 ana, Amazonas Aficionados 21-24 ana, Amazonas aficionados 18-20 ana, Amazonas Junior 12 -14 ana, Principante Amazonas 15-17 y Principante Jinete 15-17, e cabayistanan di Aruba a logra varios Oro.Ma cu claro e amazona y jinetenan di tanto Corsow como Republica Dominicana tambe a logra algun puesto maximo. Un bes mas e federacion di OCA por mira tras di un otro exitoso Feria Internacional cu e Interpaso 2017 cu sigur a gosa di un bon publico.

Lotto, e Loteria di Aruba pa medio di Comision di Subsidio ta masha contento di por aporta na subsidia e Feria Internacional Interpaso 2017 organisa pa OCA.