Competencia

Bolicheronan Kamilah Dammers-Naddall y Thashaina Seraus para na di 4 lugar

D4S_4494.jpg

Bolicheronan Kamilah Dammers-Naddall y Thashaina Seraus para na di 4 lugar riba e prome dia di competencia den e Weganan Panamericano LIMA 2019

Atardi den e bowling center na Lima, Peru e weganan di bowling femenino a sigui unda nos dos bolicheronan elite Kamilah y Thashaina a inicia nan competencia den e Weganan Panamericano. Mester bisa cu un total di 16 pais ta competi den e deporte di bowling unda Aruba riba e prome dia a keda na di 4 lugar faltando e diasabra di final.

Tanto Thashaina como Kamilah a inicia bon na e competencia tirando net riba 200 pin. Den e weganan siguiente tabata falta e consistencia principalmente serca Kamilah pero despues ambos atleta ta recupera bon tirando riba 220 pin den e ultimo weganan hunga.

Mester bisa cu Kamilah a tira pa 209, 186, 187, 233, 192 y 197 pa total di 1204 cu un averahe di 200.7
Di otro banda Thashaina a tira pa 224, 189, 209, 227, 153 y 239 pa un total di 1241 cu un averahe di 206.8. 
Esaki ta haci cu Aruba awor tin 2245 punto bon pa un di 4 lugar.

Diasabra awor lo tin e buelta final unda cu Thashaina y Kamilah lo purba na yega entre e prome tres paisnan riba e tablero final.

Exito na ambos bolichero den e Panam Games LIMA 2019

Jonathan Bremo y Yannick Roos a termina na di 15 lugar

D4S_4426.jpg

Duo masculino di bowling Jonathan Bremo y Yannick Roos a termina na di 15 lugar riba e prome dia di competencia.

E prome atletanan di Aruba a mira accion awe na Lima, Peru unda nos bolicheronan masculino Jonathan Bremo y Yannick Roos ta e prome nan cu a hunga. Mester bisa cu Jonathan y Yannick a termina na un di 15 lugar riba e prome dia.

Pa loke ta e wega, Yannick Roos a tira 4 di e 6 weganan hunga riba 200 cual sigur ta un bon prestacion. Solamente e wega 6 no tabata uno fuerte. Pa loke ta Jonathan Bremo su wega esaki no a bay manera desea unda un wega a bay sublime tirando un 265. Mester bisa cu Jonathan a sinti su hamstrings y esaki a afecta su wega.

Jonathan Bremo a tira 190, 180, 265, 142, 167 y 149 – puntuacion 1093 pa un averahe di 182.2 mientras Yannick Roos a tira 205, 221, 204, 225, 195 y 140 – puntuacion 1190 pa un averahe di 198.3. Total puntuacion di Aruba tabata 2283. E pais di Puerto Rico ta lidera e prome dia cu dia 2919 punto sigui pa USA y Mexico. Diasabra e weganan ta sigui cu e finalnan den doubles.

Seleccion di atletismo ta cla pa representa Aruba

67149612_1081769985353373_8027556461934542848_n.jpg

Seleccion di atletismo Age Group cla pa representa Aruba den e 2nd NACAC Age Group na San Salvador

Federacion di atletismo, AFF ta presenta su seleccion di atletismo Age Group 2019. E seleccion ta cla pa competi na e 2nd NACAC Age Group Championship na e ciudad di San Salvador, El Salvador.

Mester bisa cu e seleccion pa varios luna a prepara nan mes pa competi na e campeonato aki. Tin dos diferente categoria di edad cu lo competi na e NACAC Age Group. Den e edad di 11-12 anja nos ta haya e atletanan Dayna Leer, Montserrat Willems, Wyndel Beyde y Gian Giel, mientras den e categoria di edad 13-14 anja nos tin e atletanan Eljoenai Wehl, Jo-Nina Kock, Lyon Harms y Samuel Vrolijk.

Como hefe di delegacion encarga cu e seleccion nos tin Safiera Schippers mientras e coachesnan lo ta Richard y Moraima Luydens.

Stichting Sportsubsidie Aruba ta contento di por aporta y brinda e ayudo na Aruba Athletic Federation pa asina nan por competi 2nd NACAC Age Group Championship na e ciudad di San Salvador, El Salvador.

Aruba International Triathlon y su edicion number 33

D4S_2429.JPG

Aruba International Triathlon y su edicion number 33 edicion ta premira di bira mas grandi cu nunca.

Mirando e interes ta mustra cu lo por bati tur record di e edicionnan anterior. Diadomingo 30 di juni proximo, Aruba Triathlon Association lo organisa e di 33 edicion di e Aruba International Triathlon cu lo conta un participacion grandisimo. Lo bini atletanan internacional for di paisnan manera Venezuela, Colombia, y Curaçao. Nos propio atletanan di Aruba sin duda tambe lo forma parti di e Aruba International Triathlon.

Henter anja, Aruba Triathlon Association a bati un record na cantidad di participante den cada evento organisa. Esaki ta un muestra cu e interes pa e deporte a crece y mas y mas nos por a nota chikito y grandi mustra nan interes den sigur un di e deportenan di resistencia mas pisa na mundo. Na Aruba mes nos tin varios atleta cu ta eherce un otro deporte ta competi den e circuito di triathlon, sea nan ta core, core bicicleta of core na pia.

Mester bisa cu den e di 33 edicion di e Aruba International Triathlon por competi riba e distancia Olimpico cu ta 1500 m landa – 40 km core bicicleta – 10 km core na pia, mientras e distancia di Sprint lo mester landa 750 m – core bicicleta 20 km – 5 km core na pia. Lo por competi den e categoria Olympico / Sprint Masculino: 16-19, 20-29, 30-39, 40-49, 50-59 y 60+ Olympic / Sprint Femenino: 16-19, 20-29, 30-39, 40+. E Relay lo ta solamente riba e Olympic Distance. E evento ta programa pa cuminsa pa 6:30 di mainta na Eagle Beach.

Stichting Sportsubsidie Aruba ta contento di por aporta y brinda e ayudo na e federacion di triathlon, ATA pa asina organisa e 33 edicion di e Aruba International Triathlon, cual ta un di nos eventonan deportivo local cu mas existencia.

Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana.

Hoben atletanan di Pesas lo competi den e Junior Pan American Weightlifting Championships Y XXXVIII

CN 2018-5.jpg

Hoben atletanan di Pesas lo competi den e Junior Pan American Weightlifting Championships Y XXXVIII International Tournament “Manual Suarez in Memoriam na Havana, Cuba

E dianan 23 pa 30 juni proximo, e ciudad di Havana, pais Cuba lo host e Junior Pan American Weightlifting Championships Y XXXVIII International Tournament “Manual Suarez in Memoriam. Un competencia renombra cu e miho atletanan junior den nos region y continente. Mas cu claro Aruba Amateur Weightlifting Association lo manda nos mihor atletanan junior pa asina representa Aruba den gran forma den un evento cu ta asina yama “GOLD” cu ta un clasificatorio pa e Weganan Olimpico di Tokio 2020.

E federacion di pesas, AAWA a scohe e tres atletanan Nicole Dijkhoff (f) den categoría 71kg, Laertes Araque (m) den categoría 89kg y Jeremy Dijkhoff (m) den categoría 81kg y coach internacional di Ecuador, Sr. Walter Llerena pa acompana e atletanan pa e Junior Panamericano. Tur e tres hoben atletanan aki ta prosepctonan grandi na Aruba y den pasado ya caba a competi na nivel internacional. Esaki ta un di e prome biahanan cu nan lo competi den un evento di pesas di e magnitud aki. Hopi exito na nos delegacion di pesas.

Stichting Sportsubsidie Aruba ta contento di por aporta y brinda e ayudo na e federacion di pesas, AAWA pa asina e seleccion junior di pesas por competi den Junior Pan American Weightlifting Championships Y XXXVIII International Tournament “Manual Suarez in Memoriam na Havana, Cuba.

Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana.

Tri-atleta Amadee Nicolaas ta logra un prome lugar overall den e Karcher Triathlon na Corsow

61174604_1777386065697672_2859917455667494912_o.jpg

Recientemente e tri-atletanan Incoe Martinus y Amadee Nicolaas a biaha pa nos isla ruman di Corsow unda nan a competi den e Karcher Triathlon. E competencia tabata uno riba e distancia Olimpico cual tabata 1.5km landa, 40km core bicicleta y termina cu un 10km core na pia. Mester bisa cu pa ambos atleta e competencia a bay hopi bon mes unda Amadee Nicolaas a san a triunfa cu un prome lugar y bira e Overall Female Champion Olympic Distance Triathlon. Sin duda un tremendo prestacion di Amadee Nicolaas cu a scirbi un victoria internacional den e deporte di triathlon riba su nomber. E atleta masculine Incoe Martinus a logra un di 5 lugar overall y un di dos lugar den su categoria di edad.

Stichting Sportsubsidie Aruba ta contento di por aporta y brinda e ayudo na e federacion di ATA, pa asina e atletanan Amadee Nicolaas y Incoe Martinus competi den e Karcher Triathlon 2019 na Corsow.

Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana.

Seleccion di Gimnasia Ritmica di Aruba cu bon representacion na Merca den Rhythmic Art Invitational 2019

WhatsApp-Image-2019-05-11-at-11.24.52-PM.jpeg

Recientemente un delegacion di atletanan di CGA Avanse a sali pa Dania Beach, Fort Lauderdale, Florida pa participa na ‘Rhythmic Art Invitational 2019’. E evento tabata un competencia specialmente pa atletanan di gimnasia (turnen) Ritmica. E competencia internacional aki a conta cu participantenan di Merca, Brazil, Venezuela, Colombia, Costa Rica, Mexico, Puerto Rico, Ukraina, Kyrgyzstan, Rusia, New Zealand y tambe Aruba y a wordo organisa pa e scol di Gymnasia

Bou direccion di nan coach Adriana Sevilla, e atletanan Shayna Toppenberg, Dyantha Erasmus y Kayla Villasmil a competi riba nivel 8. Mester bisa cu e atletanan a haci un bon papel y a laga un tremendo impresion atras cu Kayla Villasmil logrando un prome luga compitiendo den freehand, clubs y cinta.

Gimnasia Ritmica tin bon acogida na Aruba. Nan atletanan ta usa aparatonan manera Cabuya, Hoop, Bala, Clubs (mazas), Cinta y Freehand pa nan rutinanan, un combinacion di elementonan di balet, gimnasia (turnen), baile y e uzo di apartatonan.

Stichting Sportsubsidie Aruba ta contento di por aporta y brinda e ayudo na CGA Avanse, pa asina e atletanan Shayna Toppenberg, Dyantha Erasmus y Kayla Villasmil competi den e ‘Rhythmic Art Invitational 2019’ na Dania Beach, Fort Lauderdale, Florida

Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana. 

Cumprando Lotto bo ta contribui na deporte riba nos isla. E meta ta pa organisa loteria, cambiabida di su hungadonan y na mes momento inverti den deporte local pa medio di donacionnanna e Stichting Sportsubsidie Aruba.

Tri-atleta Giannon Eights a sali pa Santa Marta Triathlon na Colombia

61304873_1048956035301435_4010409610807607296_n.jpg

E hoben prospecto Giannon Eights a biaha pa Santa Martha, Colombia unda e weekend benidero e lo competi den e categoria Junior den e Santa Matha Triathlon 2019. Hunto cu Eights a biaha coach Nicolaas Roberts. Algun siman atras Giannon Eights ta logra un 1st place overall den e Caribbean Championship Triathlon na Miami, Florida mientras net prome cu e competencia ey Giannon ta logra gana e competencia overall y bira campeon di e Sprint Triathlon Nacional di Aruba. E hoben Eights sigur ta un di e atletanan mas prominente den e ultimo anjanan na Aruba. Pa su gran labor den 2018, Giannon a wordo escohi den e categoria 14 – 18 como Aruba su Atleta di Anja den Premio Excelencia den Deporte. Giannon a participa tambe anja pasa den e Weganan Olimpico Hubenil na Buenos Aires, Argentina.

Stichting Sportsubsidie Aruba ta contento di por aporta y brinda e ayudo na e federacion di ATA, pa asina e hoben prospecto di triathlon Giannon Eights por competi den e Santa Martha Triathlon 2019 na Colombia.

Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana. 

Cumprando Lotto bo ta contribui na deporte riba nos isla. E meta ta pa organisa loteria, cambiabida di su hungadonan y na mes momento inverti den deporte local pa medio di donacionnanna e Stichting Sportsubsidie Aruba.