Campeonato

Campeonato Nacional Dia di Betico Kyorugi

TKW.jpg

Aruba Taekwondo Association lo organisa Campeonato Nacional Dia di Betico Kyorugi diasabra 19 di januari den Centro Deportivo Frans Figaroa

Diasabra awor scolnan miembro di Aruba Taekwondo Association Aruba, lo bini hunto den Centro Deportivo Frans Figaroa unda lo bataya pa e prome campeonato di anja cu lo bay ta e Campeonato Nacional Dia di Betico 2019. Mester bisa cu e atletanan por participa segun categoría, edad, grado y division. Lo bay tin exhibición bou 6 aña minimo faja blanco, Infantil 9 - 11 aña minimo faja blanco, grado y peso Cadet 12 - 14 aña minimo faja blanco Pesaje, Hubenil (Junior) 15 - 17 aña minimo geel Pesaje, Mayor (Senior) 18+ aña minimo faja blanco Pesaje.

Mester bisa cu e Ceremonia di Apertura lo ta pa 9or di mainta mientras na final lo haci entrega di e demas premionan. Lo tin premiacion pa Kyorugi den cada categoría 1° lugar - medaya 2° lugar - medaya 3° lugar, lo premia tambe mihor atleta infantil feminino y masculine, Cadet femenino y masculine, Junior, femenino y masculino, Senior femenino y masculino y lo premia tambe e Best Team.

Taekwondo den e ultimo anja nan aki ta den un desaroyo formidabel unda nos atletanan ta presta den gran forma den torneonan local y internacional. Nos ta logrando premionan grandi den exterior unda tin hopi wowo riba e prestacion di nos atletanan. Recientemente e atleta Zahyon Klaber a logra gana e campeonato Hulandes di taekwondo.

Stichting Sportsubsidie Aruba ta contento di por aporta y brinda e ayudo necesario na e federacion di taekwondo pa cu nan prome campeonato nacional y nan calendario di actividad 2019.

Mario Lobo un bes mas imbatibel den 2018: Campeon Nacional di tennis di mesa

E atleta di tennis di mesa, Mario Lobo a bolbe demostra pakiko e ta e mihor hungador di ping pong na Aruba y keto bay ta domina e cicuito aki pa añas y ta bolbe gana e Copa Aruba 2018. E  torneo di Copa Aruba den e deporte di tennis di mesa ta un di esnnan mas importante di anja. Aki nos miho hungadornan di ping pong a topa otro den e diferente categorianan. E hungadornan cu gana e torneo lo bira e mihor atleta di tennis di mesa pa e anja 2018. E weganan sin duda ta riba un bon nivel mientras e bataya semper ta feroz. E anja aki den e categorianan Open y U18 unda e faboritonan Mario Lobo, Andy Gomes, Jeandry Matthilda y Chingho Chung a bataya fuerte pa e prome lugar. Diamars e Campeonato Nacional 2018 a tuma lugar den e Open Klas unda e mihornan di Aruba a bataya pa e titulo maximo y aki Mario a hunga e final anticipa contra di e hoben prospecto Jeandry Mathilda. Aki Mario ta gana Jeandry cu e score final di 4 - 2 den sigur un bon bataya cu hopi lucha. Notable ta cu Mario ta gana Doubles y Teams ambos cu Andy Gomes

Resultado final Copa Aruba: Under 18 1er lugar Jeandry Mathilda . 2do lugar Ching Ho Chung. 3er lugar Jean-Claude Hoek 4to lugar Jonathan Paredes.

Resultado di Copa Aruba: B klas 1er lugar Franklin Lopes. 2do lugar Kenneth Chong 3er lugar Alfred Leong

Resultado Cat Open Copa Aruba: 1e lugar Mario Lobo . 2do lugar Jeandry Mathilda 3er lugar Chingho Benny Chung

Resultado di Copa Aruba U13: 1er lugar Josielienne Boekhoudt. 2do lugar Dylan de Leca. 3er lugar Brandon de Leca. 4to lugar Ethan Fan

Resultado di Copa Aruba U11 1er lugar Dylan de Leca 2do lugar Nathan Lobo 3er lugar Brandon de Leca 4to lugar Shaun Kock

Resultado Copa Aruba U15 : er lugar Josielienne Boekhoudt. 2do lugar Mikayla Mathilda . 3er lugar Renoir Rojas .

Asina tambe Aruba Table Tennis ta sera e aña cu entregamento di premio den tur categoria di Copa Aruba ana 2018.

Stichting Sportsubsidie Aruba ta contento di por aporta y brinda e ayudo necesario na e federacion di tennis di mesa pa cu nan campeonato nacional 2018. Stichting Sportsubsidie Aruba a yuda subsidia e campeonato di tennis di mesa 2018.

Campeonato nacional di Mountain Bike 2018

206A1330.jpg

Aruba Wielerbond ta clausura nan calendario cu e campeonato nacional di Mountain Bike 2018

E dianan 15 y 16 di december proximo, Aruba Wielerbond lo tin su ultimo actividad riba e calendario pa e aña 2018 unda lo organisa dos dia di competencia den e disciplina di Mountain Bike esaki den e becindario di Calabas.

Mester bisa cu lo por competi den e categorianan di Kids(Boys&Girls) 1,2,3 y 4, den masculino elite, master(a,b y c), junior y pre-junior, femenino elite, master, junior y pre-junior. Riba diasabra 15 di december e competencia lo ta pa e mas chikitonan esta Kids y lo inicia pa 7.30 di mainta. Pa su mañan diadomingo 16 di december esaki lo ta pa e adultonan mientras e competencia lo inicia tambe pa 7.30 di mainta. Ta bon pa menciona cu e deporte di mountain bike ta hopi popular unda mas y mas hende a cuminsa practica deporte na nivel competitivo. Algun dia atras nos por a mira un interes grandi pa e Duo Xtreme y no tin duda cu e campeonato nacional di MTB lo adkeri hopi participante.

Stichting Sportsubsidie Aruba ta contento di por aporta y brinda e ayudo necesario na e federacion di ciclismo pa nan campeonato nacional di mountain bike 2018.

Federacion di ahedres ta entrega e premionan maximo

47258817_943886415808398_2380241111319838720_o.jpg

Federacion di ahedres ta entrega e premionan maximo na e ganadornan den e campeonato Hubenil di Dammen.

Diadomingo atardi, a tuma lugar e entregamento di premio na ganadornan di Campeonato Hubenil di dammen pa anja 2018. E deporte di dam y ahedres ta restora bou di un solo federacion. E torneo di dammen a wordo hunga den 2 categoria esta U-12 y U-18 unda cu despues di un bon bataya e ganadornan di 2018 a bira conoci. Den categoría U-12, e hoben Neider Silva a bira e campeon absoluto. E hoben Neider a score 10 punto, perdiendo 1 solo partido mientras na di 2  y 3 lugar, tabata tin un empate entre Jose Miguel Bueno y Devin Davelaar, ambos a score 5 punto. Despues di weganan extra, Jose Miguel Bueno a keda na di dos lugar y Devin Davelaar na di tres lugar.

Den categoría U-18 a bira campeón e hoben Alan P Suarez cu ta gana tur su weganan.

E di dos lugar a bay pa su ruman Angel R. Suarez. E hoben aki a perde 1 wega, tabla 1, y a gana 3 wega, na di tres lugar a keda Patrick Williams. Patrick a score 6 punto ( 1 perdi, 2 tabla y 2 gana).

E directiva di dicho federacion a haci entrega di e premionan na e respectivo ganadornan. Den 2019 ta spera mas participacion den e deporte di dammen sigur serca nos hobennan unda cu lo cuminsa promove e deporte den nos scolnan basico y avansa na Aruba.

Stichting Sportsubsidie Aruba ta contento di por aporta y brinda e ayudo necesario na e federacion di ahedres/dam pa cu nan campeonato 2018. Stichting Sportsubsidie Aruba a yuda subsidia e campeonato di dammen 2018.

Delegacion di Pesas lo competi den e Campeonato Suramericano

d70cb3be-7945-4eb0-8046-d8000412486b.jpg

Delegacion di Pesas lo competi den e Campeonato Suramericano Sub 15, 17 y 20, Copa Internacional Dr. Tamas Ajan y Copa Iberoamericana na Guayaquil, Ecuador.

Riba invitacion di e federacion Ecuatoriana de Levantamiento de Pesas bou auspicio di e Confederacion Suramericana de Pesas, Aruba Weightlifting Association a ricibi e invitacion pa participa na e campeonato Suramericano Sub15, Sub17 y Sub20, Copa Confederacion Suramericana de Levantamientos de pesas, Copa Internacional Dr. Tamas Ajan y Copa Iberoamericana na Guayaquil, Ecuador e dianan 7 pa 13 di december proximo. Delegacion di Aruba ta consisti di e atletanan femenino Nicole Dijkhoff cu lo competi den sub 17 y lo hisa den categoria di 71kg , Den Sub 20 nos tin un otro prospecto femenino cu ta Talisah Beke y e lo hisa den categoria di 75kg-. Pa loke ta nos competidornan masculino den Sub-15 nos ta haya Laertes Araque cu lo competi den e categoria di 81kg y por ultimo nos tin Jeremy Dijkhoff cu lo mira accion den e categoria 67kg. Nos atletanan di pesas hubenil lo ta bou guia di coach internacional Walter Llerena di Ecuador y Patrick Vrolijk como coach di Aruba y lo fungi como delegado. Paisnan cu lo participa na e torneo aki ta Merca, Spaña, Mexico, Guyana, Corsow, Aruba y Ecuador.

Stichting Sportsubsidie Aruba ta contento di por aporta y brinda e ayudo necesario na e federacion di Aruba Weightlifting pa e campeonato internacional di pesas na Ecuador. Stichting Sportsubsidie Aruba a yuda subsidia e biahe di e delegacion di Aruba.

Campeonato di volleyball hubenil lo cuminsa den e categoria femenino U18 y U21

24172780_736051496591892_2228936608051851170_o.jpg

Dia 24 di november awor, e federacion di vollyeball na Aruba, A.V.A.(Aruba Volleyball Association) lo inicia cu nan campeonato di volleyball 2018 den e categoria femenino hubenil den e edad U18 y U21. Teamnan participante e anja aki lo ta un total di shete organisacion esakinan Gazelles, Venum, Smashes, SV Volvox, SV Dakota, SV Britannia y Galaxy. E campeonato lo inicia manera indica fin di november mientras e prome siman di maart esaki lo termina cu e gran finalnan den e dos categorianan di edad. Cada aña e federacion ta promove e deporte di volleyball bou di nos hoben y adolescentenan cu kier sigui desaroya nan mes den e deporte aki. E anja aki e deporte di volleyball a cosecha un exito rotundo den beach volleyball ora cu nan categorianan femenino y masculino hubenil a logra gana e torneo di clasificacion den Caribe pa despues hunga contra e mihornan di mundo den e Weganan Olimpico Hubenil Buenos Aires 2018. Sin duda un tremendo logro.

Stichting Sportsubsidie Aruba ta contento di por aporta y brinda e ayudo necesario na e federacion di volleyball pa asina nan por realisa nan campeonato sin ningun obstaculo. Stichting Sportsubsidie Aruba a yuda subsidia e campeonato di volleyball hubenil femenino U18 y U21 organisa pa Aruba Volleyball Association.

Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana.

Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.

Delegacion a sali pa e World Tang Soo Do Argentina Championship 2018

079558f3-db8d-4359-898e-23320b98434b.jpg

Delegacion di Gihae Tang Soo do Studio a sali pa e World Tang Soo Do Argentina Championship 2018 na Buenos Aires, Argentina.

Riba e fecha di 14 di november ultimo, World Tang Soo Do Association a celebra e hecho cu nan a cumpli 36 aña di existencia. Pa cu e celebracion aki un delegacion di Aruba Tang Soo Do Federation y Gihae Tang Soo do Studio a sali pa e competencia Suramericano na Buenos Aires Argentina, bou guia di SBN Melissa Noguera. E campeonato ta wordo organisa dor di Region #23 South America di WTSDA. E campeonato ta yama World Tang Soo Do Argentina Championship 2018 cu ta celebra nan 30 aña di existencia.

Mester bisa cu varios pais lo competi na e campeonato incluyendo Argentina, Chile, Ecuador, Merca y Aruba. E atletanan cu lo representa Aruba ta Gilbert Geerman y Iriëla Kelly ambos 1ste Dan. Prome cu competenicia lo tin un cena celebrando 30 aña di existencia di WTSDA ARGENTINA. E competencia mes lo tuma lugar Diadomingo 18 di November na Buenos Aires.

Lotto, e loteria di Aruba pa medio di Stichting Sportsubsidie Aruba a yuda subsidia e delegacion di Aruba Tang Soo Do Federation y Gihae Tang Soo do Studio pa e competencia Suramericano na Buenos Aires, Argentina.

Delegacion hubenil di bowling a sali pa campeonato na Medellin, Colombia

ccbf44e6-a318-4706-ab2e-c96bd8b92ea1.jpg

Delegacion hubenil di bowling a sali pa campeonato di bowling Centro Americano y del Caribe na Medellin, Colombia.

Recientemente un delegacion hubenil di bowling a sali pa e ciudad di Medellin, Colombia unda nan lo ta compitiendo na e Centroamericano y del Caribe Juvenil de Bolo. E campeonato lo tuma lugar e dianan 11 te cu 18 di november. E delegacion di bowling di Aruba a biaha den dos categoria esta Sub 16 cu ta consisti di e hungadornan femenino Xanthe Lobbrecht y Rania Halabie. E hungadornan masculino U16 lo ta Xander Tromp y Keaton Geerman. Tambe nos lo tin un delegacion hubenil den Sub21 consisti den e categoria femenino Xyqienne Leonardo, Eva Maduro y Rosalia Solonier mientras e Sub21 den e categoria masculino lo ta Yannick Roos, Kaelan Roos, Jared Felipa y Ian Tromp. Como coach lo biaha Chris Dammers y Alexander Biesum. Na e torneo aki lo participa Aruba, Colombia, Costa Rica, El Salvador, Guatemala, México, Panamá, Puerto Rico, República Dominicana y Venezuela . Di aki banda nos ta desea e delegacion di bowling di Aruba tur clase di exito aya den e campeonato Centro Americano y del Caribe.

Lotto, e loteria di Aruba pa medio di Stichting Sportsubsidie Aruba a yuda subsidia e biahe di e delegacion di bowling hubenil pa e campeonato Centroamericano y del Caribe Juvenil de Bolo na Medellin, Colombia.

Lotto, e loteria di Aruba tin diferente wega; Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e weganan di Raspa y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.