Congreso Latino Americano di baseball Little League a tuma lugar na Aruba

little (1).jpg

Recientemente Aruba Little League a host e congreso Latino Americano di baseball cu a conta cu varios pais den nos region y continente. Cada aña riba invitacion di e representante mas halto di baseball Little League Latinamericano, Sr. Carlos Pagan, Aruba Little League den reprsentacion di DA Sr. Rhudy Donata ta atende e congreso anual di Little League Latino Americano y del Caribe. E anja aki e congreso di Little League Latino Americano a tuma lugar na Aruba mes. Ribe e prome dia varios dignitario a haci acto di presencia, nos por a mira Minister di Deporte, Sr. Dangui Oduber, director regional sr. Carlos Pagan y patrosinadornan di e campeonato di Aruba Little League.

little (2).jpg

Durante di e congreso ta evalua e desaroyo di baseball Little League den e area di Latino America y Caribe. Mester bisa cu mayoria paisnan miembro ta atende e congreso unda conhuntamente ta trece cambionan den e reglanan esaki na bienestar di e baseball infantil y hubenil den nos continente y region. Entre e paisnan presente tabata tey Puerto Rico, Argentina, Mexico, Panama, Corsow y Aruba.

Stichting Sportsubsidie Aruba ta contento di por aporta y brinda e ayudo na e organisacion di Aruba Little League cu a organisa e congreso Latino Americano di baseball na Aruba.