RESUMEN DI ANJA 2018 di 297sports PARTI 1

38392241_871193753077665_3847438640128983040_n.jpg

Awe nos di 297sports kier a presenta nos resumen di e aña deportivo 2018 caminda nos ta recorda algun momentonan mas memorabel como tambe e prestacion di nos atleta of ekiponan na nivel local y internacional. Sin duda 2018 tabata un anja grandi pa Aruba su deporte unda hopi a wordo logra y claro tin trabou ainda pa haci riba cierto tereno, pero sigur sigur nos ta riiba e bon caminda.

Nos di 297sports kier a comparti nos resumen 2018 cu e comunidad di Aruba.

THASHAINA SERAUS Y KAMILAH DAMMERS-NADDALL

Bolicheronan femenino Thashaina Eliza Leandra SerausKamilah Dammers-Naddall y Mack van den Eerenbeemt a conoce un anja 2018 FORMIDABEL

Despues di a araza den premio den e torneo Pan Americano di bowling conoci como Campeon de Campeones na Rio de Janeiro, Brazil por conclui cu Thashaina Seraus y Kamilah Dammers-Naddall por pone nan mes den e rij entre e mihor bolicheronan na mundo.

Den e torneo di PABCON unda e e mihor bolicheronan di e continente America ta hunga Seraus y Dammers a obtene no menos cu 6 medaya di cual 3 di Oro, 2 Plata y 1 di brons. Si nos wak bek riba e trajectoria di e dos hungadornan di bowling desde 2010, ambos a triunfa grandemente pa Aruba den exterior. Premionan logra desde 2010 ta mucho hopi pa menciona, sigur si nos conta tambe e parti colegial/universitario na Merca. Si nos resumi e anja 2018 cual den e Ciclo Olimpico ta esun mas importante pa e deporte di Aruba cu e Weganan Sur Americano Cochabamba, Bolivia y e Centro Americano y del Caribe Barranquilla, Colombia, bowling sin duda ta e deporte cu a sobresali. Nos ta resumi e logronan di Thashaina y Kamilah den 2018 por bisa cu sin duda pa ambos ta un di e mihornan den nan carera como bolichero. No tin duda cu tanto Kamilah como Thashaina a logra merecidamente e prestigioso galardon Premio Excelencia den Deporte como Aruba su Atleta di Anja na dos ocasion.

 

MACK VAN DEN EERENBEEMT

Na banda di esaki e atleta di RS-X, Mack van den Eerenbeemt tambe a logra conoce un anja 2018 formidabel unda e la triunfa den dos competencia grandisimo. E atleta elite den e deporte di RS:X, Mack van den Eerenbeemt a logra pa prome biaha e titula como e campeon den 2018 den e campeonato RS:X Sur Americano. Na Barranquila, den e Weganan Centro Americano y Del Caribe, Mack van den Eerenbeemt tabata dominante unda e la gana 11 di e 12 race nan cu e la nabega bon pa un medaya di Oro pa Aruba. E atleta local biba na Hulanda tabata den super bon forma den 2018 y a logra competi den e clasificacion Olimpico na Dinamarca. E atleta di RS-X ta buscando su clasificacion pa e Weganan Olimpico Tokyo 2020.

Siguientemente nos ta resumi e logronan di tur tres atleta den 2018.

Logronan di Thashaina Seraus

Weganan Sur Americano Cochabamba 2018
- Medaya di Brons Individual
- Medaya di Plata Duo

Weganan Centro Americano y Del Caribe Barranquilla 2018
- Medaya di Oro Individual
- Medaya di Brons Teams 
- Medaya di Brons Masters

PABCON Campeon de Campeones Rio de Janeiro 2018
- Medaya di Oro Individual
- Medaya di Oro All Event
- Medaya di Plata Duo
- Medaya di Brons Masters

 

Logronan di Kamilah Dammers Naddall

Weganan Sur Americano Cochabamba 2018

  • Medaya di Plata Duo

Weganan Centro Americano y Del Caribe Barranquilla 2018

  • Medaya di Plata Teams

PABCON Campeon de Campeones Rio de Janeiro 2018

  • Medaya di Oro Masters

  • Medaya di Plata Duo

 

Logronan di Mack van den Eerenbeemt

  • Campeon Sur Americano RS-X 2018

  • Medayista di Oro Weganan Centro Americano y Del Caribe Barranquilla 2018