Stichting Sportsubsidie Aruba ta felicita atleta di pesas

Stichting Sportsubsidie Aruba ta felicita atleta di pesas Nicole Dijkhoff den su debut international logrando 3 medaya di brons pa Aruba.

Recientemente e hoben prospecto femenino den e deporte di pesas, Nicole Dijkhoff a competi pa prome biaha riba plataforma internacional den e Campeonato Suramericano Juvenil 2018 cu a tuma lugar na e cuidad di Guayaquil, Ecuador.E hoben Arubano a competi den e categoria 64 kg hunto cu shete otro atleta cada uno prospectonan grandi di nan pais entre otro Argentina, Chile, Ecuador, Peru y Uruguay.

Pa loke ta e competencia mes mester bisa cu Nicole ta logra Snatch 62 kg y Clean & Jerk 74 kg bon pa 3 medaya di Brons. Esaki sin duda ta un tremendo logro y pa e motibo aki tambe Stichting Sportsubsidie ta felicita atleta Nicole Dijkhoff pa e resultado unico aki den su prome aparicion riba plataforma internacional.

Stichting Sportsubsidie Aruba ta contento di por aporta y brinda e ayudo necesario na e federacion di Aruba weightlifting pa e participacion di entre otro atleta Nicole Dijkhoff na e campeonato e Campeonato Suramericano Juvenil 2018.