Campeonato Arubano 2019 den landamento

Campeonato Arubano 2019 den landamento, cu lo tuma lugar dianan 13,14,15 y 16 di juni den Piscina Olímpico Roly Bisslik na Savaneta.

E Campeonato Arubano ta e competencia mas importante riba e calendario anual di eventonan di AZB y ta contene tradicionalmente tur evento y distancia. Clubnan participante lo ta Aruba Dolphins, The Orcas, Sportsz4U m y Stingray Swimming. Reglanan di FINA ta vigente, mientras cu e competencia lo wordo organiza pa y ta bou auspicio di Arubaanse Zwembond.

E diahuebs y diabierna e competencia lo ta den oranan di atardi mientras e diasabra y diadomingo e competencia lo inicia mainta. Ta competi den e siguiente categorianan: 6 ana , 7-8 aña, 9-10 aña, 11-12 aña, 13-14 aña, 15-17 aña, y 18 & over.

Un invitacion cordial ta bay na henter comunidad di Aruba pa bin presencia e competencia Arubaaanse den landamento.

Stichting Sportsubsidie Aruba ta contento di por aporta y brinda e ayudo na e federacion di landamento, A.Z.B. pa asina nan por organisa e campeonato nacional di landamento.

Aruba International Triathlon y su edicion number 33

D4S_2429.JPG

Aruba International Triathlon y su edicion number 33 edicion ta premira di bira mas grandi cu nunca.

Mirando e interes ta mustra cu lo por bati tur record di e edicionnan anterior. Diadomingo 30 di juni proximo, Aruba Triathlon Association lo organisa e di 33 edicion di e Aruba International Triathlon cu lo conta un participacion grandisimo. Lo bini atletanan internacional for di paisnan manera Venezuela, Colombia, y Curaçao. Nos propio atletanan di Aruba sin duda tambe lo forma parti di e Aruba International Triathlon.

Henter anja, Aruba Triathlon Association a bati un record na cantidad di participante den cada evento organisa. Esaki ta un muestra cu e interes pa e deporte a crece y mas y mas nos por a nota chikito y grandi mustra nan interes den sigur un di e deportenan di resistencia mas pisa na mundo. Na Aruba mes nos tin varios atleta cu ta eherce un otro deporte ta competi den e circuito di triathlon, sea nan ta core, core bicicleta of core na pia.

Mester bisa cu den e di 33 edicion di e Aruba International Triathlon por competi riba e distancia Olimpico cu ta 1500 m landa – 40 km core bicicleta – 10 km core na pia, mientras e distancia di Sprint lo mester landa 750 m – core bicicleta 20 km – 5 km core na pia. Lo por competi den e categoria Olympico / Sprint Masculino: 16-19, 20-29, 30-39, 40-49, 50-59 y 60+ Olympic / Sprint Femenino: 16-19, 20-29, 30-39, 40+. E Relay lo ta solamente riba e Olympic Distance. E evento ta programa pa cuminsa pa 6:30 di mainta na Eagle Beach.

Stichting Sportsubsidie Aruba ta contento di por aporta y brinda e ayudo na e federacion di triathlon, ATA pa asina organisa e 33 edicion di e Aruba International Triathlon, cual ta un di nos eventonan deportivo local cu mas existencia.

Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana.

Hoben atletanan di Pesas lo competi den e Junior Pan American Weightlifting Championships Y XXXVIII

CN 2018-5.jpg

Hoben atletanan di Pesas lo competi den e Junior Pan American Weightlifting Championships Y XXXVIII International Tournament “Manual Suarez in Memoriam na Havana, Cuba

E dianan 23 pa 30 juni proximo, e ciudad di Havana, pais Cuba lo host e Junior Pan American Weightlifting Championships Y XXXVIII International Tournament “Manual Suarez in Memoriam. Un competencia renombra cu e miho atletanan junior den nos region y continente. Mas cu claro Aruba Amateur Weightlifting Association lo manda nos mihor atletanan junior pa asina representa Aruba den gran forma den un evento cu ta asina yama “GOLD” cu ta un clasificatorio pa e Weganan Olimpico di Tokio 2020.

E federacion di pesas, AAWA a scohe e tres atletanan Nicole Dijkhoff (f) den categoría 71kg, Laertes Araque (m) den categoría 89kg y Jeremy Dijkhoff (m) den categoría 81kg y coach internacional di Ecuador, Sr. Walter Llerena pa acompana e atletanan pa e Junior Panamericano. Tur e tres hoben atletanan aki ta prosepctonan grandi na Aruba y den pasado ya caba a competi na nivel internacional. Esaki ta un di e prome biahanan cu nan lo competi den un evento di pesas di e magnitud aki. Hopi exito na nos delegacion di pesas.

Stichting Sportsubsidie Aruba ta contento di por aporta y brinda e ayudo na e federacion di pesas, AAWA pa asina e seleccion junior di pesas por competi den Junior Pan American Weightlifting Championships Y XXXVIII International Tournament “Manual Suarez in Memoriam na Havana, Cuba.

Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana.

Seleccion di Triathlon di Aruba ta logra varios premio den e Caribbean Championship Triathlon na Miami Florida

61029423_2326551340737594_8344756791929733120_o.jpg

Seleccion di Triathlon di Aruba ta logra varios premio den e Caribbean Championship Triathlon na Miami Florida

Recientemente un seleccion di Aruba Triathlon AssociationGiannon Eights, Rebecca Jansen y Justin Morales a competi den e Caribbean Championship Triathlon na Miami, Florida bou guia di coach Nicolaas Robert y Sandra Postma. E competencia a tuma lugar rba un diadomingo mainta unda Giannon Eights ta logra un 1st place overall, tambe nos tin Justin Morales cu un 2nd place overall y Rebecca Jansen cu un 1st place den e categoria 14-15 anja. E tri-atleta Sandra Postma tambe a logra un 2nd place female overall.

Aruba a bay cu hopi premio den e Caribbean Triathlon Championship na Miami. Sigur un pabien grandi na coach Nico Robert y Aruba Triathlon Association.

Stichting Sportsubsidie Aruba ta contento di por aporta y brinda e ayudo na e federacion di triathlon, ATA pa asina e triatletanan Giannon Eights, Rebecca Jansen y Justin Morales por competi den e Caribbean Championship Triathlon na Miami, Florida

Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana. 

Cumprando Lotto bo ta contribui na deporte riba nos isla. E meta ta pa organisa loteria, cambiabida di su hungadonan y na mes momento inverti den deporte local pa medio di donacionnanna e Stichting Sportsubsidie Aruba.

Tri-atleta Amadee Nicolaas ta logra un prome lugar overall den e Karcher Triathlon na Corsow

61174604_1777386065697672_2859917455667494912_o.jpg

Recientemente e tri-atletanan Incoe Martinus y Amadee Nicolaas a biaha pa nos isla ruman di Corsow unda nan a competi den e Karcher Triathlon. E competencia tabata uno riba e distancia Olimpico cual tabata 1.5km landa, 40km core bicicleta y termina cu un 10km core na pia. Mester bisa cu pa ambos atleta e competencia a bay hopi bon mes unda Amadee Nicolaas a san a triunfa cu un prome lugar y bira e Overall Female Champion Olympic Distance Triathlon. Sin duda un tremendo prestacion di Amadee Nicolaas cu a scirbi un victoria internacional den e deporte di triathlon riba su nomber. E atleta masculine Incoe Martinus a logra un di 5 lugar overall y un di dos lugar den su categoria di edad.

Stichting Sportsubsidie Aruba ta contento di por aporta y brinda e ayudo na e federacion di ATA, pa asina e atletanan Amadee Nicolaas y Incoe Martinus competi den e Karcher Triathlon 2019 na Corsow.

Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana.

Seleccion di bowling a competi den e campeonato Centro Americano

IMG-20190505-WA0058.jpg

Seleccion di bowling a competi den e campeonato Centro Americano y del Caribe di bowling(CONCECABOL) na Costa Rica logrando dos medaya di Brons

Algun siman atras nos seleccion di bowling consisti di e atletanan femenino Kamilah Dammers Naddall, Thashaina Seraus, Shakaina Querero, Jeadine Luidens, Erny Hernandis y masculino cabayero nos tin Oswald Dijkhoff, Jonathan Bremo, Valentino Jacobs, Errol Brown a competi den e campeonato Centro Americano y del Caribe di bowling(CONCECABOL) na Costa Rica.

E ekipo di Aruba tabata bou gui di nan coach mericano Randy Stoughton unda nos delegacion a competi den Singles, Doubles, Trios, Team y Masters. Mester bisa na final di e campeonato e bolichera Thashaina Seraus ta logra conkista dos medaya di Brons den e CONCECABOL na Costa Rica. E bolichero elite di Aruba ta gana Brons den singles femenino y Brons den e Masters unda e mihor 8 hungadornan so a bataya pa un prome tres lugar.

Stichting Sportsubsidie Aruba ta contento di por aporta y brinda e ayudo na e federacion di bowling, ARBAS pa asina e seleccion di bowling femenino y masculino di bowling competi den e campeonato Centro Americano y del Caribe di bowling(CONCECABOL) na Costa Rica.

Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana. 

Cumprando Lotto bo ta contribui na deporte riba nos isla. E meta ta pa organisa loteria, cambiabida di su hungadonan y na mes momento inverti den deporte local pa medio di donacionnanna e Stichting Sportsubsidie Aruba.

Seleccion di Gimnasia Ritmica di Aruba cu bon representacion na Merca den Rhythmic Art Invitational 2019

WhatsApp-Image-2019-05-11-at-11.24.52-PM.jpeg

Recientemente un delegacion di atletanan di CGA Avanse a sali pa Dania Beach, Fort Lauderdale, Florida pa participa na ‘Rhythmic Art Invitational 2019’. E evento tabata un competencia specialmente pa atletanan di gimnasia (turnen) Ritmica. E competencia internacional aki a conta cu participantenan di Merca, Brazil, Venezuela, Colombia, Costa Rica, Mexico, Puerto Rico, Ukraina, Kyrgyzstan, Rusia, New Zealand y tambe Aruba y a wordo organisa pa e scol di Gymnasia

Bou direccion di nan coach Adriana Sevilla, e atletanan Shayna Toppenberg, Dyantha Erasmus y Kayla Villasmil a competi riba nivel 8. Mester bisa cu e atletanan a haci un bon papel y a laga un tremendo impresion atras cu Kayla Villasmil logrando un prome luga compitiendo den freehand, clubs y cinta.

Gimnasia Ritmica tin bon acogida na Aruba. Nan atletanan ta usa aparatonan manera Cabuya, Hoop, Bala, Clubs (mazas), Cinta y Freehand pa nan rutinanan, un combinacion di elementonan di balet, gimnasia (turnen), baile y e uzo di apartatonan.

Stichting Sportsubsidie Aruba ta contento di por aporta y brinda e ayudo na CGA Avanse, pa asina e atletanan Shayna Toppenberg, Dyantha Erasmus y Kayla Villasmil competi den e ‘Rhythmic Art Invitational 2019’ na Dania Beach, Fort Lauderdale, Florida

Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana. 

Cumprando Lotto bo ta contribui na deporte riba nos isla. E meta ta pa organisa loteria, cambiabida di su hungadonan y na mes momento inverti den deporte local pa medio di donacionnanna e Stichting Sportsubsidie Aruba.

Tri-atleta Giannon Eights a sali pa Santa Marta Triathlon na Colombia

61304873_1048956035301435_4010409610807607296_n.jpg

E hoben prospecto Giannon Eights a biaha pa Santa Martha, Colombia unda e weekend benidero e lo competi den e categoria Junior den e Santa Matha Triathlon 2019. Hunto cu Eights a biaha coach Nicolaas Roberts. Algun siman atras Giannon Eights ta logra un 1st place overall den e Caribbean Championship Triathlon na Miami, Florida mientras net prome cu e competencia ey Giannon ta logra gana e competencia overall y bira campeon di e Sprint Triathlon Nacional di Aruba. E hoben Eights sigur ta un di e atletanan mas prominente den e ultimo anjanan na Aruba. Pa su gran labor den 2018, Giannon a wordo escohi den e categoria 14 – 18 como Aruba su Atleta di Anja den Premio Excelencia den Deporte. Giannon a participa tambe anja pasa den e Weganan Olimpico Hubenil na Buenos Aires, Argentina.

Stichting Sportsubsidie Aruba ta contento di por aporta y brinda e ayudo na e federacion di ATA, pa asina e hoben prospecto di triathlon Giannon Eights por competi den e Santa Martha Triathlon 2019 na Colombia.

Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana. 

Cumprando Lotto bo ta contribui na deporte riba nos isla. E meta ta pa organisa loteria, cambiabida di su hungadonan y na mes momento inverti den deporte local pa medio di donacionnanna e Stichting Sportsubsidie Aruba.