ARUBA LO BAI TIN 4 PELOTERO ARUBIANO DEN SELECCION HULANDES!

72559856_10156720660668367_263852296398438400_n.jpg

Pelotero Ray-Patrick Didder, Chadwick Tromp, Gilmer Lampe y Sicnarf Loopstok ta e 4 peloteronan Arubiano cu lo bai forma parti di e seleccion Hulandes bou di guia di Manager Hensley “Bam Bam” Meulens pa asina comepti den gran torneo di WBSC Premier 12 cu lo tuma lugar na Guadalajara, Mexico den luna di November proximo.

Hulanda lo hunga nan prome wega contra di ekipo di USA, pa asina despues topa cu ekipo di Republica Dominicana. Si avansa nan lo hunga e Super Round cu lo wordo hunga na Tokyo, Japon.

Rumannan Klabér a yega for di World Taekwondo President's Cup na Las Vegas.

72717709_2396126960601890_4824218923131994112_n.jpg

Rumannan Klabér a yega for di World Taekwondo President's Cup na Las Vegas.

Dialuna atardi e rumannan Klabér hunto cu nan coach ex Campeon Mundial Coach Olimpico Hall of Fame Henk Meijer y nan psycholoog Henriet van der Molen a yega for di Las Vegas unda cu nan a participa den e World Taekwondo President's Cup.

Henk Meijer a duna su banda di medaya tocante di e desaroyo di Záhyon Klabér na Las Vegas y a haci su evaluacion pa Záhyon Klabér participa den un evento G1 e aña aki pa asina por duna un miho presentacion mirando con Záhyon Klabér a bringa.

E siman aki Záhyon Klabér tin cu duna cuenta na Henk Meijer si e lo participa den e Open French, Open Croacia of e Belgium Festival. Tur 3 evento ta net den e temporada di CP na e scol di Záhyon Klabér y Henk Meijer kier pa Záhyon Klabér sigui participa den mas evento pa asina e gana mas experencia pa e por ta cla pa e clasificatorio Olimpico na luna di Maart na Costa Rica.

Aruba su ekipo di baseball ta logra prome victoria den e Torneo di Reino Bonaire 2019

Aruba su ekipo di baseball ta logra prome victoria den e Torneo di Reino Bonaire 2019

Algun rato nos muchanan di baseball a hunga nan prome wega contra di Hulanda den e Torneo di Reino Bonaire 2019. Aki Aruba riba un bon pitcheo y bateo formidabel ta vence e hulandesnan cu e score final di 12 - 1.

ARUBA CHESS CHALLENGE 2019

71816637_10156705578348367_6793210481998823424_n.jpg

Federashon di Ajedrez di Aruba ta organisando otro edicion di Aruba Chess Challenge, e unico torneo di ahedres internacional na Aruba.

E aña aki Aruba Chess Challenge ta wordo hunga den e Conference Room na La Cabana Aruba Resort, riba dianan 10, 11, 12 y 13 oktober.

Aruba Chess Challenge ta tuma lugar durante e vacacion di oktober, brindando e hubentud di Aruba e oportunidad pa por participa.

Lo wordo hunga den 3 categoria:
U-12 Group, U-18 Group y Open Group.

Suma di inscripcion:
Participantenan cu edad entre 6 y 17 aña ta paga Awg 35.00, mientras cu participantenan cu edad di 18 aña pariba ta paga Awg 45.00.

Registracion:
Muchanan y hobennan di Caquetio Chess Club cu no a registra ayera nochi, por haci esaki ainda diahuebs 26 september y diamars 1 oktober na Schaakvereniging Aruba, situa na Nieuwstraat 11, Oranjestad.

Tur nos muchanan y hobennan por registra pa participa, menos e muchanan cu ta terminando nan Curso Basico.

Esaki lo ta un super great experiencia pa un y tur!