Back to All Events

Competencia di Esgrim

Competencia di esgrima celebrando nos dia nacional Himno y Bandera 18 di maart.

Scherm Amateur Bond Aruba. (S.A.B.A.) tambe lo celebra nos Dia nacional Himno y Bandera. E anja aki e federacion di esgerima a scohe e fecha diasabra 17 di Maart cuminsando pa 10or di mainta te cu 1:30 merdia den sala di recreo na IBISA San Nicolas. Mester bisa cu desde cu anja pasa SABA a trece algun curso na nivel profesional pa nos dirigentenan a traha duro riba e desaroyo di nos atletanan. Cada club a hasi bon uso di e oportunidad ofreci pa mehora e prestacion di no solamente e atleta y coaches pero e deporte di esgrima den su totalidad. Esaki sigur a duna su fruto mirando cu den e competencia internacional Dutch Caribbean Fencing Championship 2017 den luna di november teni na Aruba mes, nos atletanan a logra obtene e mayoria di e medaynan disponibel y a gana e trofeo maximo como e miho ekipo di e torneo.

Stichting Sportsubsidie Aruba ta subsidia e competencia di esgrima di SABA celebrando nos Dia Nacional Himno y Bandera 18 di maart.


Later Event: March 17
Competencia di landamento