Back to All Events

Campeonato Nacional di Taekwondo 2018

Campeonato Nacional di Taekwondo 2018 lo ta diasabra 17 di maart den Centro Deportivo Frans Figaroa

En conexion cu e celebracion di nos Dia Nacional Himno y Bandera 18 di maart, Aruba Taekwondo Association (ARTBO) lo tene nan Campeonato Nacional Himno y Bandera 2018. Mester bisa cu tur scol miembro di Aruba Taekwondo Bond lo competi como e mihor Team mientras lo tin 1 Trofeo disponibel pa e prome lugar (Best Team). Mester bisa cu cada scol lo tin e oportunidad di bringa cu shete atleta kendenan tin e oportunidad di gana punto pa cada pelea bringa. Lo tin combatenan di demostracion den e categoria di e mas chikitonan mientras den e grandinan tin combate Kyorugi como tambe Poomsae segun faha. Anja pasa pasa tambe ARTBO a tene nan campeonato nacional rond di e fecha 18 di maart, esaki ta un tradicion di mayoria federacion di deporte na Aruba ta pa celebra e fecha 18 di Maart cu un dia deportivo pa nan atletanan. Pa esnan cu triunfa den e diferente peleanan lo tin premio pa e mihor atleta infantil, femenino y masculino, mihor atleta den cadet femenino y masculino, den junior femenino y masculino, den senior femenino y masculino. Lotto, e loteria di Aruba ta masha contento cu federacionnan di deporte cada aña ta organisa eventonan deportivo conmemorando nos dia nacional Himno y Bandera 18 di Maart.

Stichting Sportsubsidie Aruba ta subsidia e competencia competencia nacional di Aruba Taekwondo Bond cu lo celebra nos Dia Nacional Himno y Bandera 18 di maart.

Earlier Event: March 17
Competencia di landamento
Later Event: March 18
Festival Nacional