Back to All Events

Careda di Ciclismo

Aruba Wieler Bond ta start sali cu e promer careda di ciclismo di ruta Warm-Up 2 Stage Race ta tuma lugar dia 3 & 4 di Maart na Malmok.

E temporada di ciclismo di ruta ta hasi su inincio e fin di siman venidero, riba e dianan 3 & 4 di Maart. AWB ta organisa dos careda pa grandi y chikito riba e circuito di Malmok-Bakval. Riba diasabra 3 Maart lo start cu un careda cortico estilo “time-trial” riba e circuito di Malmok–Bakval cu ta hiba un distancia di 6 kilometer. E careda aki ta solamente pa e categorianan mayor.

Diadomingo dia 4 Maart, e ciclistanan hubenil desde edad di 11 aña ta bon bini pa participa na e careda di ruta cu ta hiba un distancia di 12 kilometer y un maximo di 84 kilomenter pa esnan mayor. E meta di ambos careda ta pa bolbe bek den e rutina di ciclismo di ruta y alaves pa calienta e curpa pa e proximo careda grandi cu ta e clasico Himno y Bandera 18 Maart. Inscripcion ta tuma lugar dia 28 februari 2018, entre 6or y 9or na Parke Curason, Jaburibari. AWB ta invita tur su miembronan, mayor, fanatico y pueblo en general pa bin mira ambos careda y asina apoya nos ciclistanan local y sostene e deporte di ciclismo den gran forma.

Pa mas informacion di e actividad organisa pa AWB, por un email na arubawielerbond@gmail.com of por bishita e pagina Facebook: Aruba Wieler Bond.

Earlier Event: February 22
The Cinemas Paseo Herencia
Later Event: March 1
Caribbean Cinemas