Back to All Events

Fundraising Sencia Musical


Directiva di e fundacion Centro di Bario Brazil ta anuncia su grandioso fundraising cu yama Sencia Musical. Manera a wordo anuncia algun siman atras, Centro di Bario Brazil ta bay organisa nan tremendo fiesta cu bandanan grandi di Aruba.

E fundacion di Bario ta haci e fundraising aki pa asina recauda fondo pa realisa diferente proyecto, principalmente pa asina drecha e Centro, cu ta importante pa e muchanan y hobennan cu ta uza e centro diariamente y specialmente nos grandinan.

E “Big-Time” party aki ta dia 8 di december di 8:00pm pa 2:00am. E anochi aki lo ta na encargo di DJ Hubert, Flor di Pasco, Tradicion Musical, Reflexion Band, Sensacion del Caribe y Musical Time. Danki na e bandanan aki cu ta duna nan aporte na un bon causa.

Por yama pa carchi na 5846500, 5669069, 5934453. Tambe lo tin carchi di benta riba un dia special, dia 1 december cu prijs rebaha’ durante di un Karaoke Night den CBB.

CBB ta sigura tur hende, cu lo bo pasa un anochi super y inolvidabel aportando na un bon causa na fabor di nos muchanan, hobennan , grandinan di e Centro y nos comunidad en general.

Por tuma contacto cu Sra. Ifna Noguera Cel.5669069.


Tel: +297 584 6500 | +297 566 9069 | +297 593 4453 |+297 566 9096

 
Earlier Event: December 8
Christmas Fair
Later Event: December 9
Softball training camp