Back to All Events

C100

Registracion a habri pa presencia e Congreso Arte di Tarima, dia 12 di oktober. Disfruta di nos Early Bird special te cu 15 di Sept. Esaki por pa medio di e formulario aki of pasa na Cas dii Cultura: https://form.jotform.co/Casdicultura/DCA-eventonan-c100

Cas di Cultura y Departamento di Cultura ta di hubileo, cumpliendo respectivamente 60 y 40 aña. Hunto ta colaborando pa celebra esaki pa medio di e CONGRESO ARTE DI TARIMA. Un congreso profesional pa tur hende, tanto profesional como amateur, operando den e ramo cultural y artistico na Aruba y den region, esta maestronan, artistanan, organisadornan di eventonan y festivalnan cultural/artistico, personanan di maneho riba nivel ministerial y departamental cultural, educacional y social, persona trahando den industria creativo y tur persona cu ta parti di gruponan organisa den e ramo artistico y cultural. Interesadonan afilia na otro sectornan ta mas cu bon bini tambe.
E congreso lo conta cu charlanan di personanan local y internacional, papiando di nan trabou artistico/cultural y con esaki ta impacta nan comunidad, otro individuonan y nan mes. E dia lo ta interactivo tambe y lo brinda inspiracion y ideanan nobo y practico. E ta un momento unda coleganan por topa of conoce otro. Ademas lo tin varios presentacion artistico y sigur lo ta den esfera ameno.


 
Earlier Event: October 11
The Cinemas
Later Event: October 14
Sprint Triathlon