Back to All Events

Amsterdam Manor Beach Resort 10K Run

Amsterdam Manor Beach Resort organisando su di tres 10K Run. Tambe lo por participa pa e 5K fun run/walk.

DIADOMINGO awor ribaDia di Tata, 18 di juni, pa di tres aña consecutivo, Amsterdam Manor Beach Resort ta organisando nan exitoso International Amsterdam Manor 10K race & e 5K fun run/walk, cu lo tuma lugar dia 18 di juni pa 6:00am saliendo for di Amsterdam Manor Beach Resort. E ruta lo ta esun ya conoci, ya cu esaki a ser calibra na 2016 y ta forma parti di rutanan oficial di Ibisa. 

E aña aki, mescos cu aña pasa, e fondonan recauda cu e inscripcionnan lo ser dona na Cruz Cora Aruba cu actualmente ta celebrando nan 60 aña di existencia. 

P’esey Amsterdam Manor ta duna un y tur e oportunidad pa haci nan donacion tambe, y di e manera aki e cantidad di fondonan cu wordo adkiri pa medio di donacion lo ser complementa pa un suma igual, cortesia di Amsterdam Manor. 

Naturalmente manera tur aña Cas Shabururi lo t’ey presente pa duna un man y otorga e medaya nan, sin lubida e propio empleado nan di Amsterdam Manor cu lo ta posiciona na cada post di awa. Nos ta invita henter nos comunidad pa apoya e di tres edicion di e International Amsterdam Manor 10K race & e 5K fun run/walk mirando e importancia cu Cruz Cora tin den nos comunidad. 

Participacion y registracion pa local ta 25 florin y pa e competidornan internacional lo ta $25 dollar. E prijs di registracion ta inclui: 1 Amsterdam Manor 2017 Dri-Fit Shirt cu manga of sin manga, 1 Amsterdam Manor 2017 number di Bib, 1 medaya di Amsterdam Manor 2017 pa tur cu a participa, fruta y bebidanan no alcoholico; tambe, e posibilidad pa gana diferente premio cu lo ser rifa entre e participantenan. 

Otro beneficio cu lo ser ofreci na tur particpante ta cu e lo por haci uzo di un 15% di descuento na Tulip Caribbean Brasserie situa na MVC Eagle Beach. Especialmente cu ta riba dia di Tata y esaki lo ta un bon oportunidad p’e Mamanan haci nan casa un regalo cu un dushi plato di Tulip. 

Si acaso a inscribi on-line pa e di tres International Amsterdam Manor 10K Race en 5K Fun Run / Walk, pero esaki no a ser paga ahinda, pasa mas pronto cu ta posibel na MVC Eagle Beach’s su oficina di Recurso Humano aya na J. E. Irausquin Blv. 240 y puntra pa sra. Suzanne Verbrugge of srta. Varsha Ramdin. E ultimo dia pa busca esaki ta diaduebs 15 di juni 2017. 

Ta ser aconseha pa pasa lihe ya cu e sizenan di cada ken su gusto ta cabando. Sin pago, no por garantisa bo participation den e race. 

Earlier Event: June 17
Dia di Brail
Later Event: June 22
Checkoe di Salud