Back to All Events

Parada Cultural Nacional

Parada Cultural Nacional 2017 lo mustra trahenan folklorico y di cunukero. 

Durante conferencia di prensa teni na WET bar Paseo Herencia. ‘Pure Aruba Events Foundation’ hunto cu Centro di Bario Brazil a anuncia cu pa di dos biaha consecutivo ta tuma luga e Parada Cultural Nacional. 

Esaki cu lo ser teni riba diadomingo 28 di mei saliendo pa 4’or di atardi for di la Cabana Hotel y lo termina na Paseo Herencia Mall. 

E evento aki ta patrocina pa Paseo Herencia Mall, Gobierno di Aruba, Aeropuerto Internacional Reina Beatrix, Departamento di Cultura Aruba, SETAR NV y UNESCO. 

A hiba palabra sra. Candy Rasmijn-Reino como PR y lider di e proyecto di parti di Pure Aruba Events, sr. Chico Harms di parti di Centro di Bario Brazil y sr. Stanley Dabian como representante di Departamento di Cultura Aruba. 

Sra. Candy Rasmijn-Reino a indica cu e parada lo mustra nos trahenan folklorico y di cunukero, Centro di bario Brazil ya pa varios aña a organisa e parada cultural na Brazil y e parade di lampi. 

E aña aki a uni forsa cu ‘Pure Aruba Foundation’ tambe conoci pa a organisa eventonan manera ‘Aruba Art Fair’ cu a pone mas di 10.000 persona na San Nicolas pa cu e feria di Arte. 

Sr. Chico Harms di Centro di Bario Brazil a invita tur esnan cu a yega di participa y participante nobo por acerca su persona via number di CBB 584 6500. 

Sr. Stanley Dabian a bisa cu Parada Cultural Nacional ta mustra nos trahenan folklore, di cunukero y nos lo por scucha nos musica foklorico. 

Departamento di Cultura Aruba ya pa varios aña ta sostene Centro di Bario Brazil cu nan parada cultural y parada di lampi. 

DCA ta sostene y aplaudi e iniciativa di e Parada Nacional Cultural, pasobra nos mester mantene nos folklore y cultura bibo. 

Ta importante pa nos mustra nos turistanan y nos hende local e parti di nos folklore y tradicion. 

Pa medio di e parada aki nan ta cera conoci cu nos trahenan, folklore, tradicion y nos musica folklorico. Creando asina un actividad mas cu e aspect educativo cultural, caminda por documenta esaki tambe. Di e manera aki nos ta mantene nos tradicion bibo di generacion pa generacion cu ta bini. Hunto nos por logra haci e evento aki uno grandi. 

Nos ta kere cu union ta haci forsa y p’esey nos lo traha hunto pa e parada aki sigui crece y permiti tur generacion pa participa na algo cu ta di nos mes. 


Earlier Event: May 25
The Cinemas Paseo Herencia
Later Event: May 29
Walk & Run 2017