Back to All Events

Campeonato Nacional di Mountainbike 2016


E weekend aki Aruba lo conoce su campeonnan nacional di mountainbike. Aruba Wieler Bond (AWB) kier anuncia cu riba diasabra 4 di juni y diadomingo 5 di juni lo tene e Campeonato Nacional 2016 pa menor y adulto na respectivamente Alto Vista y Ayo Rock Formation.

E ciclistanan menor lo core diasabra mainta na Alto Vista y tin dos diferente circuito depende edad. E careda ta cuminsa 7:30 di mainta. Tin 4 categoria pa mucha muhe y 4 tambe pa mucha homber. Esunnan mas jong den categoria 1 (6-7-8 aña) y categoria 2 (9-10 aña) lo cuminsa core prome. E participantenan den categoria 3 (11-12 aña) y categoria 4 (13 -14) lo sigui despues riba un ruta mas largo y avansa. Start y final ta na Alto Vista y e circuitonan ta encera diferente trail den mondo, coriendo te na Boroncana.

E careda pa adulto ta riba diadomingo mainta na Ayo, cuminsando 7:30. Coredonan masculino lo competi den 6 categoria depende experiencia y edad. E categoria mas avansa ta di Expert. Tambe tin e categorianan Master A, B of C y e categoria Sportive den cual hobennan for 14 aña (te cu 29 aña) tambe por participa. Coredonan femenino mas avansa lo competi den 3 categoria, esta Expert, Sportive y Master. Pa ciclistanan (homber y muhe) cu nunca a competi den e careda aki, lo tin e categoria Beginner. Start y final ta na Ayo y e circuitonan ta encera diferente trail den mondi, coriendo te na Natural Bridge.

Pa mas informacion por yama Roxine Thielman (737-9999) of Rhaina Montesant (748-4850) di e comision MTB. Tambe por mail riba comisionmtb@gmail.com.


Cel: +297 737 9999 | +297 748 4850
Email: comisionmtb@gmail.com

Earlier Event: June 4
Charla: Cancer na Pecho
Later Event: June 4
Nochi di Pelicula