Back to All Events

Dia di Lechi


Frisian Flag ta cla pa celebra Dia di Lechi.

FOR di 2001 e organisacion FAO ( Food and Agriculture Organisation of the United Nations ) a introduci un dia special pa celebra lechi y conhuntamente rond mundo nan ta celebra “World Milk Day” riba 1 di juni cu diferente actividad na unda ta educa riba nutricion y e beneficionan cu ta bin ora bo tin un dieta rico di lechi.

Cuminsando dialuna 30 di mei awor, e team di Frisian Flag y Compra ltd, distribuidor di Frisian Flag na Aruba, lo bishita diferente scol basico manera MonPlaisir y Cristo Rey e.o. celebra cu esnan mas hoben Dia Internacional di Lechi. Lo treat e muchanan y educa nan over di e importancia di bebe lechi regularmente. 

Pa culmina e celebracion lo tin un evento den Caya Betico Croes diasabra 4 di juni, unda tur mucha lo disfruta n’e Holland Fun Farm di Frisian Flag. Esaki ta un experiencia specialmente diseña pa educa un mucha riba e proceso cu lechi ta pasa den dje, p’asina nos tur por disfruta di un dushi glas di lechi. E Holland Fun Farm lo ta ubica den Caya Grandi diasabra 4 di juni y muchanan tin chens pa siña con ta chica lechi di un baca,lo tin competencia di pintamento, diferente wega y Spin The Wheel. Lo tin e 2 Frisian Flag Dino Jump p’asina muchanan por hunga un rato y lo tin oportunidad pa saca potret pa recorda e dia. Adicionalmente si bo cumpra cualkier producto di Frisian Flag na bo supermercado preferi y trece bo recibo durante e evento bo ta gana premio instantaneo tambe! Bin cu e famia p’asina pasa un rato agradabel cu e chikitin di cas y disfruta di e Dia di Lechi cu Frisian Flag. Pa mas informacion for bishita e pagina di Facebook di Compra ltd.


Earlier Event: May 29
Autism the Art of Living Now
Later Event: May 31
Aruba Bank "Walk & Run 2016"