Back to All Events

Arubiana/Caribiana Charla

  • Biblioteca Nacional Aruba 13 George Madurostraat Oranjestad Aruba (map)

Arubiana/Caribiana lo tene tres charla cu tres orador den un anochi.

DIAMARS anochi, 24 di mei lo tuma lugar un actividad interesante na Arubiana/Caribiana, un departamento di Biblioteca Nacional Aruba den Bachstraat 5 na Oranjestad. Tres orador, tres charla, tres diferente topico.

E anochi ta habri cu sr. Ramon Todd Dandaré Mag. Ling. E linguista ta bay presenta un analisis comparativo di verbo di Caboverdiano cu verbo di Papiamento. Ta bon conoci cu Papiamento y Caboverdiano ta dos rama di e mesun palo.Por hasta bisa cu e lenga cu mas parce Papiamento ta Caboverdiano. Nos lo ripara esaki durante e presentacion aki.

Despues ta sigui sr. Renwick Heronimo MA Critical Studies. Titulo di su charla ta “Den e sombra di Babel”. E presentacion ta origina na aña 2000 na momento cu sr. Heronimo, durante un estadia na Venezuela, ta ser confronta cu locual ta ideal y kico ta realidad y con esaki ta traduci su mes den e arkitectura y arte den e pais. Pa clausura e anochi, dr. Adi Martis ta duna su presentacion cu e titulo “Miho conoci como...: Nomber di cariño na Aruba”. Sr. Martis tin mas cu cinco aña ta skirbiendo historia di Aruba y cobando den archivonan e ta ripara cu nos famnan, nombernan y nombernan di cariño ta cambia. El a cuminsa colecciona nan y investiga e con y pakico nan a cambia. E resultado preliminar ta den su charla.

E actividad ta cuminsa 7:30 di anochi y ta den e sala di Arubiana/Caribiana na Bachstraat. Entrada ta completamente gratis.


 
Earlier Event: May 22
Dia Internacional di Museo 2016
Later Event: May 25
Fiesta di Luau