Back to All Events

Dia Internacional di Famia

  • Linear Park Aruba (map)

CEDEHM ta celebra "Dia Internacional di Famia". Tema di e aña aki ta “Bida saludabel, futuro sostenibel”. 

CEDEHM ta para pa Centro di Desaroyo di Hende Muher y Famia, t’e instancia cu ta cla pa celebra Dia Internacional di Famia dialuna 16 di mei proximo entre 4:00pm pa 6:00pm riba Linear Park. E tema di e aña aki ta “bida saludabel, futuro sostenibel”.

Relaciona cu e tema aki mes, CEDEHM a organisa un chekeo di salud, unda lo midi bo BMI, nivel di vet den curpa, nivel di sucu den bo curpa, presion y colesterol. Meta di e evento ta pa conscientisa famianan di e importancia pa biba saludabel, cu lo nifica cu por tin un futuro mucho mas sostenibel y tambe saludabel. Meta di CEDEHM ta pa traha duro pa logra bienestar pa famianan y cu e tipo di eventonan asina ta haci tur esfuerso pa logra mas union y convivencia.


 
Earlier Event: May 14
Nature's Discount Walk/Run 5km
Later Event: May 16
Curso: Cuido di famia pa famia